جمعتهم الأقدار البارت 31 بقلم فريدة احمد

كل مرة برضو 
ابتسم وهو جوا وهي راحت قعدت علي السرير تستناه
بس لفت نظرها صورة مراته اللي علي السرير
هي عارفة انه دايما بينام وهو حاضن صورتها. شافته اكتر من مرة بس الغريب انها في المرة دي اتضايقت جدا وكانت حاسة بغيرة متتوصفش هي نفسها مكانتش فاهمة هي غيرانه ليه وتلقائي قامت وهي متضايقة وراحت اوضتها
وقفت قدام المراية وهي بتقول لنفسها... مالك يا حلا غيرانه ليه. انتي مبتحبيهوش 
وده اللي كانت بتقنع نفسها بيه
اتنهدت وقالت في نفسها ... اهدي كده. انتي كنتي عرفيته من امتا عشان تلحقي تحبيه يعني 
وبقت تطرد الاحساس ده من دماغها
لحد ما دخل عاصي وقال.... مأخرتش الهانم اهو. يلا 
بس هي بصتله وقالت بجمود... انا متشكرة. مش عاوزاك توصلني انا هنزل مع مراد اخويا
رفع حاجبه وقال... مراد واخوكي. دا احنا مبقناش عندنا مشاكل خالص وبنقولها عادي اهو.. من امتا التغيير ده. رضيتي عن مراد امتا
قالت... هو مش اخويا برضو.
بعدين قالت... وبعدين مش عاوزة اتقل عليك واتعبك..انا هنزل معاه هو هيوصلني 
اعتقد انها زعلت من كلامه بس هو كان بيهزر معاها كعادته 
فقال... انتي زعلتي مني. مانتي عارفة بهزر معاكي 
بعدين قال... يلا قدامي وبطلي هبل 
بس هي قالت بعصبية.... قولتلك مش هنزل معاك
........ 
في شقة علي النيل 
كانت شيري وايهاب قالت بحب.... متعرفش واحشني قد ايه 
قال ... ماحنا كنا لسه مع بعض من يومين. لحقت اوحشك 
قالت... انت سافرت فترة متعرفش كنت مشتاقة ليك قد ايه 
قالت... عشان كده مش شبعانة منك ابدا
نزل ايدها وقال بسخرية ... عشان كده اتجوزتي 
بس هي قالت بسرعة.. انت عارف. بابي اجبرني 
وبضيق كملت... عشان البيزنس بتاعه. ما انت عارف ليه مصالح رأفت الحكيم عشان كده جوزني ابنه
كملت بشرود وقالت... بس مش هرتاح غير لما اطلق. انا مبحبوش.
.. 
بعد وقت سمعو خبط جامد علي الباب. قامو اتخضو وفجاة بصو البوليس والظابط بيقول هاتوهم
يتبع.....
جمعتهم الأقدار 
البارت 31
بقلم فريدة احمد