زواج لدقائق معدودة الجزء الثاني ٢٠ بقلم زهرة الربيع

قوي وقال ....انا مكنتش عارف ان فيه منجايه عويسي صغيره كده عشقاني...والا مكنتش دقت غيرها واصل
واتنهد وقال بجديه...طيب ليه وافقتي عليه ..يعني جوزك
غنوه اتنهدت لحزن وقالت.... بعدها انت سافرت وطولت قوي وحسن بقى يتقدملي واهلي عايزين يعرفو برفض ليه...ومفيش حاجه تتقال...قولت يا بت بطلي هطل هو معقول ود العمده هيحبك انتي..حتى لو رجع هياخد واحده من بنات الذوات ...شلت الفكره من دماغي او عملت نفسي شلتها و اتشكيت في لساني وافقت عليه ... بس انت عارف انا اتمنيتك من ربنا في ليلة قدر ووعدتو لو جمعني بيك مهفرطش فيك واصل عشان كده وافقت على جوازي منك لما هددتني بحميد
سند مسك ايديها وقربها ليه بحنيه وقال.... اذا انا زمان كنت حاجه مهمه في حياتك فانتي دلوك كل حاجه في حياتي... وحياه عيونك الحلوين دول مارايد غيرك وهوعد ربنا كيف ما انتي وعدتيه لو جمعني بيكي عمري ما هفرط فيكي ولا اوجاعك واصل
غنوه لمعت عيونها بالدموع و هيه بتبصلو بحب شديد
وسند قرب منها وحاولت تبعده وهيه بتقول بضعف...سند ..سند لاه بعد هفتح دماغك انت عارفني
سند ضحك وهو بيقرب اكتر وبيقول...اهون عليكي يا بت و
بس قاطعتهم سماح لما دخلت وهي بتقول ... سي سند نوح بيه عايزك و
بس قطعت كلامها لما شافته قريب من غنوه 
وسند وغنوه بعده عن بعض بسرعه
سماح كملت پغضب و قالت....اللي اسمه حسنين جيه وجناب العمده عايزكم علشان هيفرغوا تلفون المرحوم
سند حمحم وقال...طيب تمام نازلين دلوك
سماح بصت لغنوه بغيظ وقالت... صوح يا سي سند نسيت اقولك... في حاجه رفيعه كده ناقصه من خلقاتي بقول يمكن تكون في اوضتك يعني لو تسمح بعد ما تنزل ادور عليها لانها حاجه خاصه شويه وخاېفه حد يلاقيها
غنوه بقت ټضرب رجلها في الارض بغيره وڠضب مكبوت
وسند بص لسماح و قال بضيق منها.... مفيش حاجه في الاوضه يا سماح واتنضفت 1000 مره شوفيها يمكن نسيتيها في اوضه حد تاني
سماح بصتلو پغضب ولسه هترد غنوه قالت بسرعه...هملها تدخل تدور براحتها ...وشوفي لو في اي حاجه نقصاكي عشان من هنه ورايح مش هتخشي الاوضه دي تاني واصل....فلو في حاجه ضايعه كده ولا كده شوفيها بالمره
وطلعت من الاوضه وضړبتها في كتفها بقصد 
سند راح ورا غنوه بسرعه
وسماح بصت لطيفهم پغضب ميتوصفش وهيه بتتوعدلهم
سند جري ورا غنوه وقفها بسرعه...وقال...استني يمين بالله بقالي اكتر من سنتين مالمستها دي بتستهبل و
قاطعته غنوه وقالت بحزم...لسه عايز تتجوزني ولا غيرت رأيك
سند ابتسم وقال بسرعه ودلوك لو تحبي
غنوه قالت بجديه...دلوك هننزل نفرغ تلفون المرحوم...ونوح بيه متاكد ان الجدع اللي جابو هيجيب السجلات اللي اتمسحت وكده هيظهر الحق... وقتها تتكلم مع اخوك في موضوعنا على طول
سند ابتسم بسعاده وقال...هيظهر باذن الله ...مبروك علينا
بعد شويه كانو متجمعين
كلهم في الصالون وبدا الخبير اللي جايبه نوح يفرغ تليفون حسن والتابلت بتاعه ويشوف الفيديوهات والصور اللي عنده واذا في حاجه محذوفه
بعد وقت من التوتر كان رجع كل المحذوفات و قال ...الاجهزه نضيفه يا نوح بيه كلها فديوهات افراح وكليبات ما فيش اي حاجه زي اللي انت بتقول عليها دي
اتسعت عيون الجميع بذهول وووووو
زواج_لدقائق_معدوده_الجزء_الثاني
بقلم_زهرة_الربيع
العشرون
ياترى ايه اللي هيحصل الللي جاي روعه تفاعل بقى انتو مش بتشجعوني خالص يلا علشان نخلصها قريب