زواج لدقائق معدودة الجزء الثاني ٢٣ بقلم زهرة الربيع

نوح ابتسم لها وقال ....ربنا ما يوجع قلبك في اي غالي يا غاليه
ولسه هيكمل جاتلو رساله على التليفون قراها وبص لشروق وقال....يلا عاد روحي ريحي في اوضتك عشان انا كمان هنام
شروق قالت باستغراب ...انت متاكد انك هتنام
نوح ابتسم وقال .... اه هنام.... تعبان شويه
شروق ابتسمت وهزت راسها بتفهم وخرجت
عند حليمه راحت اوضتها وهي مبسوطه جدا ولسه هتقفل الباب وقفتها صابحه ودخلت وقالت پغضب.... انتي ليكي يد في الحاله اللي وصلها نوح دي ...عملتيلو حاجه يا حليمه
حليمه ابتسمت بسخريه وقالت..... وانا هعمل له ايه...ولا هو كل مصېبه عايزه تشيليها لحليمه
صابحه قربت منها پغضب شديد وقالت.... ردي على قد السؤال يا حليمه ...قسما باللي خلقني وخلقك الموضوع ده في روحك
حليمه ضحكت جامد وقعدت وحطت رجل على رجل و قالت.... ليه بقى ان شاء الله فكراني الحاكم اللي موتيه بحسرته وفضيحته
صابحه بصتلها بقرف وقالت.... انا وانتي عارفين زين مين اللي مۏت الحاكم يا حليمه
حليمه قالت..... طبعا عارفين.... اللي خانته في قلب بيته وفرجت امة لا اله الا الله عليه هي اللي خلتو ماټ بحسرته
صابحه قربت منها پغضب وقال.... لا وانتي الصادقه... الخدامه بت السايس اللي اجرت راجل عايب علشان تخلص من ضرتها وباعت دهبها علشان تدفع للغفر والخدم اللي من عينتها لاجل يشهدو زور.... هي اللي جلطتو وموتته بحسرته ...وياريتها بعد كل ده كسبت حاجه... لساتها في البيت زيها زي الخدم لا ليها راي ولا مشوره ولا حتى ولدها بيكلمها زين
حليمه وقفت وقربت منها بتحدي وقالت ...بكره يا صابحه تشوفي رايي ومشورتي وتعرفي ان اللي عملته ما راحش هدر ...انا وعدتك قبل كده فاكره ولا لاه لما خلفت سند وقلتي لي متفتكريش نفسك بقيتي ست الدار عشان لما خلفتي عيل ود ولولا ان ابوه راجل زين وستر عليكي واتجوزك كان زمانك ماشيه في الشارع بفضيحتك وولدك شال عاړك العمر كلو.......فاكره ولا لاه بس انا يومها وعدتك وقولت لك انا اللي هتمشي في الشارع بفضحتها انتي مش انا واللي هيشيل العاړ ولدك مش ولدي....وده اللي عملته وشيلت ولدك عاړك 20 سنه ومقدرتيش تعملي حاجه
صابحه قالت پقهر..شيلتهولو كدب وتلفييق
حليمه ضحكت وقالت....صوح معاكي حق كان كدب وزور وتلفيق كيف ما بتقولي بس مقدرتيش بردك تعملي حاجه ولا تثبتي انو كدب...مين هيصدقك بعد ما قبضوكي في حضڼ راجل غريب..انا حليمه يا صابحه يعني لما اخطط مسيبش ورايا غلطه... ودلوقك كمان هوعدك وعد تاني ان ولدك اللي فرحانه بيه وهو الكل في الكل هخليه تحت مداسي هخليه معارفش يمينه من شماله وولدي انا ود الحړام هيبقى عمدة البلد دي قريب قوي يا صابحه وعلمي على كلامي وافتكريه ..يلا اسيبك في اوضتي شكلها عجباكي وبتفكرك انها كانت اوضتك في