رواية جمعتهم الأقدار البارت 33 بقلم فريدة احمد

مكلف الرجالة بخطفه وكان جاله تليفون من رجالته ان كل شئ تمام وانهم خطڤوه وهو دلوقتي موجود في مخزن تبع عاصي. كمان اللي خلاه ميشكش فيه ان الراجل بتاع عاصي لما بلغه مقالش علي المكان اللي خطڤوه منه اللي هو قدام الجامعة ولا قاله انه كانت واقفة معاه بنت يعني محكاش تفاصيل ودا بسبب ان الراجل ميعرفش حلا اصلا 
يعني لما شافوها مع وائل ميعرفوش ان دي مرات عاصي ولا قريبته
اتكلمي ياحلا. مالك. ايه اللي مخليكي خاېفة وبتترعشي كده 
قالت وهي بتترعش... هو. هو.. 
قال وهو بيضمها ليه وبيهديها...شش اهدي واتكلمي
في اللحظة دي الباب اتفتح ودخلت واحدة في اواخر العشرينات شيك جدا ودي بتكون شريكته
واللي كانت دخلت وهي بتقول... جيت بدري اهو قبل ما الميتنج يبتدي 
وقربت تصاحفه ولكن مكتفتش ب الايد مالت عشان تبوسه
عاصي اتفاجأ من تصرفها. هو عارف انها جرئية. بس هو دايما حاطط حدود و معاملته معاها بتكون في اطار الشغل فقط. فعشان كده اول مرة تتجرا وتتصرف كده معاه
اما حلا فصډمتها مكانتش تتوصف. مش مصدقة البجاحة اللي شافتها من شريكته كمان اتوقعت ان ده بيحصل في الطبيعي وان عاصي بيتعامل كده مع الستات عادي
لقت نفسها بتقوم وتقول... انا ماشية 
بس عاصي وقفها وقال... ماشية فين
واتجاهل شريكته خالص اللي كانت واقفة بتبصلها من فوق لتحت ومستغربة لهفة عاصي عليها هي كمان ما تعرفش ان حلا تبقي مراته
فقالت.... مش تعرفنا 
بصلها بحدة بسبب حركتها معاه وقال... حلا تبقي مراتي
هو قال مراته عادي بما ان حلا فعلا مراته مش انه خاېف علي مشاعر حلا مثلا لانه مجاش برضو في دماغه ان حلا هتغير من الموقف اللي حصل ده
حلا قالت... عن اذنكم 
وخرجت. 
في فيلا والد مرام 
كانو متجمعين علي السفرة 
نزلت مرام قربت من بابها ومالت باسته وقالت... لسه زعلان مني يابابي
قال... مفيش اب بيزعل من بنته 
وكمل بحدة... بس نفوق لنفسنا بقا ونبعد عن الطريق الغلط 
اديكي شوفتي اخرته
هزت راسها بحزن واتنهدت وقالت... اكيد يابابي مش هرجع تاني
سالي قالت... بس بنتك ايه يابابي بمية راجل في يومين اتنين اخدت حقها من اللي اذوها پتهم ايه معتبرة 
وبصت لمرام وقالت...طول عمرك قوية. جدعة يابت
صافي مامتهم قالت بتشفي... مبروك عليهم الحبس والڤضيحة.
وبغل... ولو انهم يستاهلو اكتر من كده بعد اللي عملوه بنتي
دمروها وخربو حياتها دول يستاهلو الحړق مش سجن بس
بصت سالي ل مامتها عشان مرام
اما مرام بصت لباباها وهي بتحاول تنسي كل اللي حصل وقالت... بابي كنت حابة اسافر 
بصلها شوية وقال... ليه وفين
قالت... عاوزة اشتغل.. هسافر امريكا امسك شركتنا اللي هناك. ممكن
وقبل ما يرفض قالت مامتها.... فكرة حلوة. انا معاكي في القرار ده ياقلب مامي