ريم واياد
اتجوز اللي قد جدي ده واخلص يارب ساعدني اهرب من المچنون ده
اټفزعت لما دخل عليا رمالي فستان وقال
اجهزي فيه حفلة بالليل عايزين نتعامل كأن مفيش حاجة
وبعدين طلع بصيت للفستان وقولت
ياربي وقعت في ايد واحد مچنون
لبست وجهزت وبصيت علي نفسي وعلي جمالي وقولت
والله خسارتك في الهم يا بت
يا قمر انتي صحيح ربنا مبيديش كل حاجة اداني الجمال بس الحظ لا
وبعدين دخل اياد من غير ما يخبط
الله ما تخبط يا بني ادم انت افرض مكنتش لابسة
بصلي بقرف وقال
يالا الناس وصلت
وبعدين مشي
جاتك نيلة وانت زي القمر كده يا اختي البت اللي شبهي دي جالها قلب تخونك ازاي ده انت مارشيملو والله مارشميلوا
جه وزعق
انتي مجيتيش ليه
اتنفضت وقولت
هدي نفسك يا اخويا جاية اهو يختي
نزلت وانا ببص لصدمة للناس وهي لابسة غالي كان باين عليهم الغني والرقي جه اياد جمبي ومسك أيدي جسمي اترعش فبصلي وقال
دي حفلة عيد ميلادك اضطريت اعملها عشان الناس متاخدش بالها من اللي حصل بينا يالا نرقص
وبعدين مسك أيدي وبقي يرقص معايا توهت في عينيه وانا ببصله الكره اللي فيهم ليا زعلوني معرفش مراته شبهي ازاي فقولت
عارف انك مش مصدقني بس انا مش مراتك انا اسمي ريم والقدر رماني في طريقك معرفش ليه بس والله أنا بنت بسيطة ابويا كان عايز يجوزني لواحد عنده ستين سنة عشان كده هربت من البيت وجيت الإسكندرية عشان صاحبتي
بصلي اياد فقولت
فيه تحاليل ممكن تعملها لو حابب عشان تتأكد اني مش مراتك
بعد عني لما تليفونه رن فتح تليفونه ورد فجأة وشه اتغير وقال
ايه
يتبع
الجزء الاخير
بعد تلات ايام
كان واقف اياد قدام قبر مريم الدموع في عينيه صحيح خانته بس هو حبها لحد دلوقتي بيفتكر اللي حصل
كنت بلبس هدومي عشان امشي عرفت دلوقتي القصة كاملة اياد متجوز واحدة شبهي بالضبط وهي خانته عشان كده حجزني هنا علي قد ما كنت فرحانة انه اخيرا افرج عني علي قد ما كنت زعلانه لانه حسيت اني اتعلقت بيه
فجأة حد خبط
بصيت لقيت اياد دخل بصيت للأرض بتوتر ابتسم وقرب مني وقال
قد ما اتكلمت مش هقدر اعتذرلك بشكل مناسب أنا آسف يا ريم بس الشبه بينك وبين مريم كبير اووي وانا اول ما شوفتك افتكرتك هي فمقدرتش اسيطر علي نفسي أنا آسف
شكلي حلو
اووي وهو
بيعتذر يختي ايه الرجالة الحلوة دي لما ده يتخان اومال اللي كنت هتجوزه مفروض اعمل فيه ايه
ريم انتي معايا
معاك يا قمر
ايه
اقصد
يا عسل يادي
النيلة معلش
يا بيه انا واحدة كانت ھتموت علي ايدك فمرتبكة شوية
ضحك وقال
لا ولا يهمك دلوقتي هاخدك واوصلك المكان اللي انتي عايزاه
بعد شوية كنا مع بعض في العربية بصلي وقال
ما تقوليلي حكايتك كده تاني
ابتسمت بحزن وقولت
انا يا سيدي من القاهرة عايشة مع بابا بعد ما ماټت امي من وقتها وابويا بقا
علطول خناق أنا عارفه أنه عمره ما حبني عمره ما حضڼي حتي وعشان يخلص مني كان عايز يجوزني لواحد عنده ستين سنة حاولت أوقفه مقدرتش بعدين قررت اهرب وبس هربت من الفرح والقدر رماني في سكتك
ليه مكملتيش حد كبير في العيلة يساعدك
ملوش كبير الا ربنا عشان كده جاي عليا
عايزة اشوف ابوكي
قالها بعد فترة
بعد ساعات
يا بيه بلاش ابوس ايديك خلينا نرجع ابويا
انتي في حمايتي ملكيش دعوة
فجأة خبط علي الباب فطلع ابويا
اول ما شافني عينيه حمرت
اه يا بت
استاذ مرسي لو سمحت
وقف اياد قدامه بصله ابويا وقال
وده مين إن شاء الله عشيقك
انا اياد الصاوي صاحب سلسلة فنادق الصاوي عارفني
فجأة بهت ابويا وقال
اياد باشا أنا
انا جاي هنا اتقدم لبنتك يا مرسي موافق
بصيت لاياد پصدمة فقال ابويا
موافق طبعا يا بيه حد يرفض
ابويا دخل اياد البيت طبعا مش هيسيب فرصة زي دي تفلت من أيده راجل غني وطلب أيده وبعد ما سابني مع اياد وراح يجيبله يشرب حاجة
انا مش موافقة
قولتها
بصلي اياد وقال
ليه
ايه هو اللي ليه انت عايز تتجوزني عشانها عشان شبهها يعني مش عشاني
ابتسم ومسك أيدي وقال
لو قولتلك اني مش حبيت شكلك أنا حبيت طيبتك قوتك خفة دمك عيونك اللي بتلمع ليا وانا مش بقولك هتجوزك علطول أنا بطلب فرصة فرصة ليا وليكي فرصة احبك وتحبيني موافقة
ابتسمت وقولت
مكدبتش لما قولت مارشيملو موافقة طبعا
تمت
