رواية جمعتهم الأقدار البارت 35 بقلم فريدة احمد

موافقه اتجوزك 
قالتها مرام لطارق وهي واقفه معاه في الجنينه لوحدهم 
لكن كملت وقالت... بس زي ما انت عارف انا لسه في شهور العدة
قال بسرعه... 3 شهور استناهم على ڼار لحد ما يخلصوا
بس هي قالت بتصحيح.... لا هم مش 3 شهور.. هم تسعه
قال .. ليه هي العده دلوقتي خلوها بقت تسعة.. طب والله لسه عارف
ضحكت ڠصب عنها وقالت لا هي لسه زي ما هيا 3 شهور لكن تسعه لاني.. 
اتنهدت وقالت... لاني حامل. وعدة الحامل بتختلف
اټصدم وقال ... انتي.. 
هزت راسها وقالت... حامل من زين
بعدين قالت... زي ما قولتلك.. مش هينفع غير لما اولد..
بصتله بترقب وقالت... لو موضوع حملي ده ممكن يخليك تتراجع.. 
قاطعها وقال... هستني
بصلها بحب وقال... اكيد هستناكي يامرام..اني اتجوزك ده بالنسبالي حلم.. متعرفيش ازاي بعشقك
ابتسمت ابتسامه بسيطة وهو قال باستغراب ... بس ازاي ابوكي وامك جوا محدش منهم جاب سيرة انك حامل
ردت مرام وقالت... هما ميعرفوش 
بعدين بصتله وقالت... طارق انا محدش يعرف اني حامل ومفيش حد هيعرف.. انا قولتلك عشان انا نويت اكتب البيبي ده علي اسمك. يعني لما نتجوز هيكون ابنك. زين مش هيعرف بيه..لو موافق يتكتب علي اسمك تمام. فكر وابقي رد عليا 
قررت تتجاهله لما عملت نفسها مشغولة مع الكلب بتاعها اللي قعدت علي ركبتها وهي بتحرك ايدها عليه وبتاكله
في الاول طارق اټصدم ومكانش عارف يرد 
لكن بعد صمت منه دام لدقايق... رد وقال... موافق
مكانش عند طارق ادني استعداد ان يسمح لحاجة تأثر علي جوازه من مرام. فهو خاف لو رفض ترجع هي ترفض جوازه منها.. دا غير انه لما فكر في شرطها لقي نفسه موافق ومبسوط كمان.. نعم ف اذا كانت مرام هتعمل كده اڼتقام من زين فهو مكانش يفرق عنها لانه كمان بيكره زين 
ف إنه ياخد ابنه ويكتبه علي اسمه ده في حد ذاته انتصار منه علي زين 
ابتسمت في داخلها ووقفت وقالت.. تمام يبقي احنا متفقين
... 
تاني يوم صباحا 
في جنينة السرايا عاصي واقف بيعلم ابنه سواقة العربية
متلفش الدركسيون ياحمار 
قالها عاصي لسيف ليقول سيف بضيق... تؤ..يابابا انت اللي بتوترني 
في اللحظة دي حلا كانت نزلت بعد ماجهزت للجامعة خرجت الجنينه. بس وقفت بدهشه لما لاقته واقف بيعلم السواقة ل ابنه اللي عمره لا يتخطي الخمس سنوات
قربت عليه وهي بتقول بدهشة وزهول.... انت بتعمل ايييه
مردش وهو مشغول مع ابنه قال... يلا دوس فرامل عشان تقف
ف رد سيف ب لماضة وقال.... اكيد يابابا هدوس فرامل لما احب اوقف مش محتاجة ذكاء بعني
قال عاصي بغيظ... يابن الكلب 
وسيف بص ل حلا من شباك العربية وقال... صباحو يامزة
حلا بصت لعاصي بدهشة وقالت... انت بتعلم الواد ده