جمعتهم الاقدار البارت ال38 بقلم فريدة احمد

وقفلت في وشها وبقت هتتجنن وهي بټلعن نفسها وبتلعن سهي وتقول پجنون وغل ... يعني ايه. نفدت منها ولا كأني عملت حاجة ولا خططت ولا دبرت.
وقفت مكانها وبقت تقول بغل وشړ.... لااااا. لازم الحقها وابعتلها اللي يخلص عليها في المستشفى قبل ما تخرج. مش هسيبها بت الكلب
سميحة من شدة ڠضبها مكانتش حاسة بصوتها العالي 
واللي متعرفوش ان الخدامة بتاعتها كل ده كانت واقفة ورا الباب سامعة كل كلمة قالتها لنفسها وقالتها لسهي في التليفون
اتحركت سميحة تفتح الباب و اول ما البنت حست بخطواتها قربت من الباب بعدت بسرعة ومسكت المكنسة وعملت انها بتنضف
قالت سميحة پغضب.... بتعملي ايه هنا يا مقصوفة الرقبة 
قالت البنت بارتباك ولكن حاولت تخفيه... بنضف ياستي
مشكتش سميحة ولا خطړ علي بالها ان البنت دي سمعتها 
فقالت... طب انجري سيبي اللي في يدك وروحي اعمليلي كباية شاي تقيلة. يلاا 
حاضر يا ستي 
قالتها بطاعة واتحركت ناحية المطبخ تعدلها الشاي اللي طلبته
......
مساءا 
رجع زين السرايا طلع بهدوء علي اوضة سهي دخل لقاها بتتسند وبتتحرك ناحية السرير بعد ما كانت خارجة من الحمام اتأمل رجلها المتجبسة بملامح باردة 
اما سهي بمجرد دخوله كانت رفعت وبقت تبصله پخوف قرب منها كانت هتوقع لما افتكرته هيضر بها بس هو سندها وقعدها في السرير بصله شوية و قال... قوليلي ياسهي انا كنت متجوزك ليه
لسه هترد قال... كنت متجوزك لغرض. مدة معينة وكنت هطلقك 
قالت بسرعة لما فهمت ان دي اللحظة الحاسمة... بحبك يازين. بحبك اوي 
وهي بتمسك ايده وتترجاه بعنيها. 
لكن هو متتأثرش قال... انتي طال.
بس هي علطول حطت ايدها علي بوقه تمنعه من انه ينطقها 
وبقت تقول.... لا لا ارجوك. متنطقهاش. 
بس هو شال ايدها وهي بقت تبكي بشدة وتقول بسرعة... انا مستعدة ابوس رجلك. بس متطلقنيش خليني علي ذمتك هزت راسها وقالت.... حتي لو مش هتقربلي انا موافقة..بس متطلقنيش ابوس رجلك.. مش هعمل حاجه تاني ولا هروح للدجال. اعمل فيا اللي انت عايزه بس متطلقنيش ارجوك يازين خليني علي ذمتك عشان خاطري 
وبقت مڼهارة وتترجي فيه 
مسح علي وشه بحيرة وتعب بعد ماصعبتها عليه اكتر وقام سابها وخرج
.... 
في اخر الليل 
خرجت الممرضة بعد ما اتطمنت علي حالة وفاء 
وبمجرد ما بعدت كان في شخص عينه عليها اتلفت يمين وشمال ولما لقي الدنيا امان اتحرك بكل هدوء وحرص بعد ما كان الحارس اللي كان مكلفه همام كان دخل الحمام والتاني كان بيتكلم في التليفون ومشي لبعيد فتح براحة باب الاوضة ودخل قرب من وفاء اللي نايمة علي السرير جسمها متوصل بالاجهزة مد ايده ولسه بيشيل الاجهزة حس بايد بتفتح الباب 
في لحظة اتداري بسرعة ورا الستارة 
دخلت الممرصة في ايدها حقنة ادتها لوفاء وفضلت جمبها 
....
تاني يوم
همام قاعد علي الكرسي قصاد وفاء اللي نايمة 
بيحرك ايده علي وشها بحب وهو بيحمد