جمعتهم الاقدار البارت ال38 بقلم فريدة احمد

عارفها زين كيف ما انا عارفها.. اصل مش معقوله هتستسلم كده امك نابها ازرق وواثق مش هتسكت
زين كان عارف ان لو امه عايزة تاذي وفاء مش هتغلب حتي لو مش موجوده في السرايا بس حاول يبرأها قدام ابوه لما قال... يابوي مال امي باللي حصل ماهو واضح اوي انه قضاء وقدر. وبعدين هي امي موجوده في البيت عشان تعمل كده. 
بس همام مش غبي قال....مش موجوده صوح بس هي مش هتغلب و هعرف وقسما عظما لو طلع ليها يد في اللي حصل. ماهسمي عليها المرادي
..... 
بعد يومين
كانت وفاء حالتها استقرت وخرجت من العناية المركزة بعد ما الدكتور طمنهم عليها كتبلها علي خروج 
ورجعت السرايا معاهم 
.....
كانت ليالي حاضنها وهي بتقول... الف حمدالله على سلامتك ياماما 
وفاء بتعب بسيط .. الله يسلمك ياحبيبتي
وعلي شمالها كانت شيماء حاضناها برضو بس كانت پتبكي 
بصتلها وفاء وقالت ...كفاية ياحبيبتي 
وهي بطبطب عليها..مانا كويسة اهو ياشيمو..بلاش دموع ياحبيبتي
هزت شيماء راسها وبقت تمسح دموعها وتقول.... الحمدلله ياماما. حمدالله على سلامتك 
وهي بتمسك ايدها تبوسها
كانت حلا واقفة بعيد متابعه المشهد وهي شايفة ليالي واختها اللي ردت فيهم الروح برجوع امهم من تاني للحياة...
كانت حاسة بحرمان شديد.. وبقت تتمني لو امها ترجع لحظة واحدة تترمي في حضنها تجرب حضڼ الام اللي عمرها اللي مجربته قبل كده 
حلا طول عمرها بعد امها مأثر فيها ودايما بتحس باليتم بس دي كانت من اكتر اللحظات اللي كانت حاسة فيها باليتم حقيقي وهي شايفة قدامها الحب والحنان والدفي اللي في حضڼ الام 
ڠصب عنها بقت دموعها تنزل وهي بتتمني في حضڼ دافي وحنين زي ده. حضڼ ام تترمي فيه وتشتكيلها فيه من قسۏة الدنيا واللي حواليها. 
فعلا من اصعب اللحظات لما تكون محتاج حضڼ ام ومتلاقيهوش
انسحبت بهدوء وراحت اوضتها وقفت قدام صورة امها وبقت تبكي وتقول من بين دموعها... ليه مشيتي بدري.. ليه اتنازلتي عني بسهوله وسيبتيني ليه.. كنت نفسي اترمي في حضنك وقت ۏجعي واشتكيلك. ليه ياماما. ليه اتخليتي عني وراحت علي السرير اترمت عليه ودفنت راسها في المخدة وفضلت تبكي بحزن شديد 
..... 
صباحا
في امريكا 
دخلت مرام الشركة بخطوات واثقة من نفسها الكل بقي يقفلها باحترام وبإعجاب من هياتها الجذابة 
لحد ما دخلت مكتبها دخل وراها شخص في الخمسين مصري وده بيكون صديق والدها واللي ماسك الشركة 
قال ببتسامة... نورتي يابنت الغالي 
قالت مرام... بنورك يا أنكل. اقصد ياباشمهندس 
ضحك وقال... هنبتديها رسمي من اولها كده.. شكلك جاية ومتحمسة للشغل
قالت بضحك... طبعا
ضحك وقال... تمام يا سيادة المديرة
.... 
بعد يومين 
سميحة في اوضتها غارقة في النوم بسبب المنوم اللي حطته ليها الخادمة في الشاي 
لينفتح الباب بهدوء عليها وتدخل الخادمة. وقفت تنظر لها بغل وبعدين بصت للي في ايدها وكان زجاجة كبيرة من البلاستيك بها بنزين
بقت تفضيه حواليها بعدها طلعت الكبريت
من جيبها وبعد ما ولعت عود الثقاب رمته علي الارض 
وهي بتقول بغل..... مو تي وخلصي الناس من شرك 
وخرجت من الاوضة ومن البيت كله 
وبمجرد خروجها كانت بدات الڼار تشتعل وتزيد وفي لحظة كان البيت كلو بيو لع
يتبع..... 
جمعتهم_الاقدار 
البارت_ال38 
بقلم_فريدة_احمد
قعدتو تندبو وتقولوا مش معقولة سميحه هي اللي تنتصر اهي سميحه ولعت 
لو بس تبقوا تصبروا
اعذروني على الساعات التاخير دي بس جالي دور برد حرفيا مدهولني ما كنتش هكتب بس ما حبتش اخلف بوعدي وكتبت بالعافيه والله وانا مش قادرة