الجزءالخامس

هيتجنن بعد الكلام اللي قالته وفي نفس الوقت كان شريف لسه واصل هو كمان وراجع من برا لانه مشغول الفترة دي في تجهيز الفيلا اللي هيتجوز فيها. 
شريف استغرب لما شاف عامر وسآله بدهشة عامر مقولتش يعني انك هتيجي هنا مش المفروض هتاخد آيات للدكتور النهاردة!
رد عامر وهو بيتنهد بتعب روحنا للدكتور وروحت آيات البيت وجيت أشوف امي لان خالتي كلمتني وقالتلي حاجة غريبه كده عن امي وانا جيت افهم ايه الحكاية!
شريف بدهشة حاجة ايه
عامر زفر پغضب وهو مش عارف يقول ايه ل شريف لان الموضوع مخجل جدا وقاله تعالى ندخل ونشوف خالتي هتقول ايه.
عامر وشريف دخلوا وكانت ميرفت قاعده پتبكي واول لما شافتهم جففت دموعها بسرعه وابتسمت بتوتر وهي بتستقبلهم.
عامر قرب منها وسلم عليها وسألها بقلق خالتي ايه الكلام اللي قولتيه في التليفون ده!!
اتكلمت ميرفت بتوتر هو انا يعني مينفعش اشوفك غير بالطريقه دي!.. انت بقالك كام يوم مش بتيجي ووحشتني وكمان ميسرة كل شويه تسأل عليك.
عامر بص ل خالته بدهشة وقال بس الكلام اللي قولتيه في التليفون ده....
قاطعته خالته وهي بتضحك عشان يصدق انها كانت بتهزر معاه انا كنت بقولك كده عشان اغيظ ميسرة وكانت قاعده جمبي وكنا بنضحك وعايزين نعرف ايه هيكون رد فعلك لو حاجة زي دي حصلت.
عامر اتنهد براحة وقال حرام عليكي يا خالتي هو في هزار في الكلام ده برضه!!
سألهم شريف بفضول هو ايه الحكاية انا عايز افهم
قاطعهم نزول ميسرة وكانت لابسه بيچامة منزليه غامقه وبشرتها كانت باهته بعد ما مسحت الميكب اللي كان على وشها وقربت منهم وهي بتتابعهم بترقب واتكلمت مع عامر عامر حبيبي وحشتني.
عامر ضمھا وقال بحنان وانتي كمان يا امي وحشتيني.. انا اسف لاني انشغلت عنك الايام اللي فاتت.
ميسرة بصت ل اختها بعد ما اتأكدت انها متكلمتش مع عامر في حاجة وردت عليه ولايهمك يا حبيبي انا وخالتك بنتسلى طول اليوم مع بعض.
أتكلم شريف بحزن وانا كمان اسف لاني انشغلت عنكم الفترة دي بس انتوا عارفين تجهيز الفيلا اللي هتجوز فيها واخده كل وقتي.
ميسرة بصت ل ميرفت بخبث وقالت هي دي سنة الحياة يا حبيبتي كل واحد لازم يهتم بحياته ومستقبله.. اكيد مش هتفضلوا قاعدين جمبنا طول العمر..كل واحد فيكم لازم يبقى عنده بيت وزوجة واولاد يشغلوه وياخدو كل وقته.
ميرفت خفضت وشها بحزن لان هي الوحيدة اللي فاهمه قصد اختها وعامر قبل أيد امه وقالها مين قال كده يا ست الكل احنا من غيركم ولا حاجة.
ميسرة ابتسمت وعيونها كانت على اختها وشريف بص ل عامر وقاله بما انك هنا انا كنت عايز اخد رأيك في تعديلات عايز أعملها في الفيلا بتاعي.. تعالى معايا أوضة المكتب
تشوفهم.
عامر قام ودخل مع شريف غرفة المكتب