مكتوبة على إسمي الحلقة ١٢الجزء الثاني بقلم ملك إبراهيم
شغلنا!!
شريف زفر پغضب بس المشروع ده كان مهم جدا ل شركة البنات وانا وعدت هاجر اننا هنسلمهم المشروع وهنساعدهم في التنفيذ كمان.
عامر قام وقف وهو بيبصله وقال من امتي وشغلنا فيه مجاملات يا باشمهندس شريف.
رد امجد احنا مش بنجامل يا عامر بس بنحاول نساعد البنات في شغلهم وندعمهم من بعيد.
عامر قعد مكانه تاني وقال عشان كده الشركة متقدمتش خطوة واحدة من يوم ما سبتها من سنه لحد النهاردة!!
شريف وامجد قعدوا قدامه وهما بيبصوا لبعض بقلة حيله وفجأة تليفون مكتب عامر رن والسكرتيره بلغته ان هاجر وبيسان وآيات موجودين وعايزين يقابلوهم.
عامر ابتسم بثقة وقالها خليهم يتفضلوا.
شريف وامجد بصوا لبعض بدهشة وفي اقل من دقيقه اتفتح باب المكتب پعنف ودخلوا و
شافوهم متجمعين في المكتب وبيسان اتكلمت بعصبيه طبعا متجمعين تحتفلوا بخسارتنا للمشروع صح
هاجر هي كمان اتكلمت بعصبيه مع شريف شريف انتوا اخدتوا المشروع من شركتنا فعلا مش انت وعدتني ان المشروع ده هيكون بتاع شركتنا!
شريف بصلها ومعرفش يرد يقول إيه وامجد أتكلم مع اخته هاجر شريف ملوش علاقة ب اللي حصل.
ردت بيسان عليه يبقى حضرتك إللي عملت كده.. عايز ټنتقم مني صح
امجد بدهشة انتقم منك ليه!!
آيات بصت على عامر وشافت علامات الانتصار والراحة اللي ظاهرة علي ملامحه ونظرات عيونه الواثقه وفهمت ان هو اللي عمل كده وبيسان شاورت بإيديها بتحذير ليهم وقالت تمام بس انتوا كده اعلنتوا الحړب علينا.. استقبلوا بقى اللي هيحصل من اللحظة دي.
واتكلمت هاجر مع شريف وانت يا شريف الفرح اللي اخر الشهر ده تنساه خالص لاني هكون مشغوله الفترة الجايه في شغلي عشان نصلح اللي انتوا عملتوه ده.
بيسان خرجت پغضب اول لما خلصت كلامها وهاجر خرجت وراها وآيات فضلت واقفه مكانها تبص ل عامر بتحدي وقربت منه وقالت بثقة انت اللي عملت كده يا عامر.. شريف وامجد ملهمش ذنب صح عملت كده عشان ټنتقم مني.. مش مكفيك كل اللي عملته فيا!! جاي وعايز تأذيني في شغلي كمان!!
عامر كان بيبصلها بثبات وقال عملت فيكي ايه!!
شريف وامجد بصوا لبعض وشريف شاور ل امجد بعينيه عشان يخرجوا ويسبوهم يتكلموا لوحدهم.
خرجوا الاتنين ومبقاش غير عامر وآيات في اوضة المكتب.
عامر قام من على مكتبه وقرب منها وهو بيبصلها بثبات وسألها مرة تانيه قولي.. انا عملت فيكي ايه
آيات اتوترت من قربه منها وحاولت تستجمع كل قوتها وشجاعتها وقالت انت عارف كويس اللي عملته وعموما كل اللي حصل بينا ده كان في الماضي وانا نسيته خلاص.
عامر قرب منها اكتر وهو بيبص لها وقال يعني عايزة تقولي انك نسيتيني خلاص
آيات اتوترت اكتر من قربه ووشها احمر وعامر ابتسم لانه اتأكد انه لسه بيأثر فيها ومشاعرها اتجاهه متغيرتش.
بعدت عنه خطوتين للخلف وقالت بتوتر لو سمحت متقربش مني كده.. بقلمي ملك إبراهيم.
... يتبع
تصرفات مالك العفوية إتجاه آيات لسه هتجنن عامر أكتر وأكتر
تتوقعوا عامر اخد المشروع من البنات ليه !وهل بيخطط لحاجه فعلا
متنسوش تحطوا لايك و تعليق شجعوني كده حبايب ملوكه وإلى اللقاء فى حلقة جديدة
