فخ طبيبة للكاتب سيد داوود المطعنى

كنت دايما افكره اني وضعي مهم وصعب يناديني باسمي كده بدون ألقاب زي ما كنا في طفولتنا زمان رغم أنه بكالوريوس تجارة بس الحظ كان ملطش معاه فترة طويلة لحد ما اشتغل مندوب في الشركة دي وبدأت تظبط معاه شوية 
المهم 
واحنا قاعدين عيني دمعت قصاده لأول مرة وقلت له راح يخطب 
كنت هدخل في اڼهيار حاد لولا ذكاء معتصم اللي فجأة اتحول لدكتور عظيم وخلاني في ثانية طفلة مريضة بتستمد من كلامه وتحفيزه أملها في العلاج 
مش عارفة أوصف لك اتخطفت ازاي الوقت ده كله وانا بسمعه بس وهو بيخفض صوته ويرفعه على فترات على حسب الجملة اللي بيقولها كأنه عازف بيظبط ال tune على حسب المود العام للهواة اللي بيسمعوا الميوزيك بتاعته 
مش هنسى لما قال لي
ليليان لو رامي دخل علينا دلوقتي ومعاه بوكيه ورد وقال لك أنا آسف سامحيني هتقبليه 
مش عايزك تجاوبي هجاوب انا بالنيابة عنك
طبعا مش هتوافقي و مستحيل توافقي مهما كانت المغربات حتى لو في ارتباطك بيها علاج نهائي من سكرك
لا مؤاخذة 
عارفة ليه
لأن جواكي بنت جدعة نضيفة بنت كلها تضحية وفداء وإنكار ذات 
و اللي فيها الصفات دي مستحيل توافق 
ده بالنسبة لرامي يا ليليان 
أما بالنسبة لاسمها ايه انتي أكتر واحدة عارفة سلوكها 
تخيلي أنا ابن خالتك وجيت أسألك عنها وآخد رأيك في اني عايز أتقدم لها هتعملي ايه وانتي عارفة أن
رأيك ده أمانة
أكيد هترفضي أكيد هتمانعي و 
هتوقفي في طريقي وترفضي إني افكر مجرد تفكير فيها ده لو كان أمري يهمك طبعا 
من غير ما تتكلمي يا ليليان أكيد في الحالتين هترفضي و ساعتها خدي عندك جلطة و ضغط و عقدة نفسية و اكتئاب حاد و قروض من البنوك
واجبة السداد و سواد في المستقبل 
كل ده كان متوقع حدوثه في حال ارتباط المنشار ده بقطعة
الماثلة أمامي دي 
السكر مبقاش مرض يا ليليان خلاص انا اعرف ناس كتير عايشة بيه و بقى العادي بتاعها تنظيم أكلها و شربها 
ثم إن واحدة زيك لازم ييجي لها السكر حتى لو مفيش في حياتها رامي 
لأنك في عين كل اللي يشوفك أنثى كاملة من مجاميعه هدوء طباع ثقة بالنفس جدعنة و قار عقل كبير قيمة في مجالك رغم صغر سنك و كان لازم يبقى في ثغرة صغننة عندك علشان تفرق لك بين اللي بيحبك لروحك و شخصك و بين اللي ميستاهلش حتى يسمع منك تحية صباحك 
عارفة يا ليليان 
لو في حد كان السبب في كل اللي بيحصل لك ده هيكون أنا عارفة ليه 
علشان مرة جيتي على بالي و دعيت لك دعوة في قلب الليل وقلت ربنا يبعد عنك الناس الغلط
و علشان انتي عملك كويس ونيتك سليمة ربنا استجاب دعوتي و فلتر لك كل أهل السوء اللي حواليكي وانا بصراحة شمتان فيهم 
مش هعمل نفسي مثالي واقول لك صعبانين عليا 
انا مهما كنت بني آدم وأتأذيت منهم فيكي وشماتتي ڠصب عني 
و انتي لو حسيتي نفسك شمتانة فيهم متجلديش نفسك لانك اتأذيتي 
ليليان 
قومي يا دكتورة اشكري ربنا على جرعة السكر الزيادة اللي جات لك علشان تنقذك من مرار السنين اللي كنتي هتعيشيها مع الزبون اللي غار في داهية ده 
يمكن أكون مش دكتور يا دكتورة لكن اعملي بروشتة علاجي و هي البعد عن الاشكال دي لأن البعد عنهم أقصر طرق العلاج 
وابعدي عن الضغوط سيبي المستشفى باللي فيها واطلبي نقلك للرعاية الصحية الشغل هناك اخف وأوضح ومفيهوش استريس 
ايه رايك في استريس بتاعتي يا دكتورة حلوة
ضحكت من جوايا
على سؤاله الأخير
خصوصا أنه فعلا أمتص كل الڠضب اللي جوايا
كل الثورة اللي كانت جوايا انطفت و معتصم شرب قهوته و مشي و سابني و انا افضل مليون مرة من حالتي قبل و صوله 
مكنتش اعرف ان دماغه فيها كل الحلم و العلم و الحكمة دي استعدت ثقتي بنفسي في اقل من ساعة لدرجة اني استعجلت الصبح ييجي علشان اطير ع المستشفى و اتعامل مع كل اللي فيها بمنتهى العظمة علشان يشوفوا اني متأثرتش لا بالسكر اللي عندي ولا بخبر الخطوبة بين البيه و الهانم 
بس كل ما الساعات تمر كل ما الثقة تروح وبقيت عايزة جلسة تانية مع معتصم يعيد لي فيها ثقتي 
بقى استقراري النفسي متوقف على عدد جلساتي مع معتصم حتى لو عن طريق الفون 
حقيقي حسيت اني مش قادرة استغنى عن وجوده و كنت ألجأ له في كل شاردة وواردة تخصني 
مش هتصدق يا استاذ سيد أن إجراءات نقلي كلها كان معايا فيها معتصم بعربية الشغل بتاعته و كنت فخورة جدا بوقفته معايا في
كل مكان 
سند حقيقي وراجل جدع و مخلص 
اللي بحكيهولك دلوقتي حصل من سنتين و شوية سنتين عرفت فيهم إن قيمة الإنسان في عقله و قلبه ودرجة إخلاصه للي حواليه 
سنتين عرفت فيهم المعنى الحقيقي ل لو علمتم الغيب لاخترتم الواقع
أكيد الواقع اللي اختاره لنا ربنا افضل مليون مرة م اللي احنا عايزينه 
وعلى رأي معتصم جرعة سكر زيادة في الډم أنقذتني من سنين مرار كانت منتظراني 
لأن رامي و روجدا مبهدلين بعض في محاكم الاسرة و فضايحهم على كل مكان في الوسط الطبي خصوصا بعد ما روجدا إجهاض ابنهم و هو لسة في الشهر الخامس من الحمل 
وجرعة سكر رجعت لي عقلي و عرفتني أن معتصم أحسن من مليون دكتور من عينة رامي 
و قبل ما حد يسأل هل معتصم اتجوز اتجوز ليليان الإجابة حصل