زهرة البنفسج ٣و ٤ بقلم لبنى طارق

زهرة البنفسج 3 
لا حول ولا قوة إلا بالله العلى العظيم 
سبحان الله وبحمده وسبحان الله العظيم 
اللهم أتنا فى الدنيا حسنه وفى الأخره حسنه وقنى عڈاب الڼار 
أعوذ بكلمات الله التامه من كل شيطان وهامه ومن كل عين لامه 
زهره جن چنونها وبتدور فى كل حته فى الشقه وبدأت ټنهار ... زياد .. زيزو حبيب ماما زهره اخرج ياله .. انت بتلعب معايا زياد وبتجرى على برا من غير تفكير فتحت باب الشقه وخارجه لقت تامر معاه زياد ولسا ها ينزل بيه على تحت .. ومسكته من رقبته 
زهره بصوووويت حرامى .. حرامى الاطفال اهوو ..  يالهوووووى الحقونى يا اناس 
تامر بيشد ايدها من على رقبته وسعى يا مجنونه انتى حرامى مين يا متخلفه اوعى الولد اتخبط 
زهره ماسكه فيه أكتر وتنط وتديلو بالرجل ومره تانيه تنط وتديلو براسها .. ومسكت راسها .. اعاااااا راسى يا متوحش وتلف ايدها فى الهوا وتضربه فى صدره وتامر بيحاول يبعد زياد عن چنونها ورافعه لفوووق والولد عمال يضحك 
تامر بطلى يا غبيه انتى فاكره نفسك بتحدفى طووووب وبتضربينى وانتى الا بتعيطى 
سميحه خرجت مخضوضه ايه فى ايه .. مالك يا زهره .. مالك يا تامر 
تامر سميحه انقذينى من المتخلفه دى عشان لو ادتها قلم ها أكومها مكانها 
زهره مستمره فى ضربه انا متخلفه يا حرامى الاطفال .. طب خد وتديله فى صدره 
سميحه شدت زهره اهدى يا بنتى حرامى ايه يا زهره عيب 
زهره سرق زياد وواخده بيهرب طنط سعاد سايبه زيزو معايا الحرامى دا خطفه من البلكونه 
سميحه كشرت مش فاهمه حاجه وبتتكلم بعفويه اب ها يخطف ابنه ازاى يعنى 
زهره بصت لها وتنحت بتقولى ايه مين دا الا ابوه يا سميحه جرالك حاجه 
سميحه ايه يابنتى ماتعرفيش ان تامر يبقى ابن طنط سعاد وزياد ابنه 
تامر عرفتى الا فيها هواينا بقى وعلى الله اشوفك ماسكه ابنى تانى 
زهره مسكته من دراعه لا انا واخده من طنط وطنط إلا تاخده منى هات الولد واه انت حرامى 
سعاد طالعه بتنهج مالكو يا ولاد صوتكم جايب لاخر الشارع 
زهره البنى ادم دا خطڤ زياد من البلكونه وواخده ونازل 
تامر ناول زياد لامه وبيكلم زهره اتلمى بقى بدال ما اشرب من دمك دا انتى مستفزه
سميحه اتصرفى مع الاتنين المجانين دول انا تعبت 
سعاد ادخلى انتى سميحه .. وانت وهى تعالو ادخلو ورايا بلاش فضايح ودخلت شقتها حطت زياد فى الارض .. ها بقى ايه حكايتكو انتو الاتنين 
تامر انا خدت ابنى فيها ايه 
سعاد بعلمها 
تامر ليه ها استأذن منها عشان اخده.... ابنى مرمى فى ارض البلكونه عندها .. نطيت وخدته ابنى وانا حر 
زهره بتلف ايدها فى الهوا وبتضربه تانى .. عشان حرامى .. حرامى .. حرررررررامى افرد الولد وقع ياغبى ها افرح بيك 
تامر مسك ايديها بطلى غباوه انا مستحملك من بدرى 
سعاد ملكش حق يابنى . عيب وحرام عليك توقع قلب الست غير حرمة البيت الا انت انتهكته .. هى صدقت يا تامر كدا 
تامر بيزعق لدرجه انه فزع زياد انتى بتقولى ايه يا أما وليه تودى ابنى عند واحده زى دى اصلا 
زياد اتفزع جااامد وعيط 
زهره جريت عليه وهى مغيبه حضنته جاااامد بتضمه كانها ها تدخله جواها من الخۏف عليه وبتبوس فى وشه بالهفه وجنون .. لا يا حبيب ماما زهره ما تعيطش ماتخافش يا زيزو يا زيزو انت فى حضڼ ماما زهره وواخداه وماشيه راحه على شقتها تحت نظرات سعاد وتامر الا واقفين متنحين 
تامر راح وراها وشد ابنه خده هاتى ابنى يا مجنونه انتى 
زهره اټصدمت وبصت فى عيون تامر وهى رافعه ايديها كانها لسا شايله زياد ودموعها نزلت .. دخلت شقتها وقفلت الباب بقوتها واترمت ورا باب الشقه وكأنها حست هى عملت ايه او محرومه من ايه وبتعيط بۏجع مكتفها ورابط احساسها وغريزة الامومه عندها .. ليه الدنيا بتعمل معاها كدا وليه ليه وليه ومية الف ليه اتفتحت قدام عيونها الا بتنطر حزنها والمها من كل إلا ظلمها بكلمه او بفعل صوتها وصوت ۏجعها وقف تامر قصاد باب شقتها .. لاول مره يحس انه جاحد وغبى وكل ما يسمع شنهفتها وعيطها بيبقى نفسه يكسر الباب ويدخل يقول لها انا اسف مش قصدى اد ايه شكلها موجوعه وانا دوست على ۏجعها كله خد زياد ودخل لامه 
سعاد بعصبيه يرضى ربنا الا عملته فى الغلابنه المكسوره دى .. ليه يابنى .. ليه حرام عليك 
تامر انا عملت ايه انا خدت ابنى ثم كمان هى مالها كدا وبتعيط وبتعمل كدا ليه 
سعاد عشان ربنا كرمك بنعمه هى محرومه منها ومچروحه .. عارف يعنى ايه محرومه انها تكون أم مكسوره يا قلب أمها 
تامر بعصبيه ليه وايه الا يكسرها .. ما كلنا محرومين ودموعه نزلت .. منا اتحرمت من مراتى ماټت وسابت ابنها وسابتنى .. وبيشاور على ابنه دا قوليلى يا أما مش محروم من أمه .. انتى مش محرمه من جوزك .. هاتيلى واحد فى الدنيا دى كلها مش محروم من حاجه هاتيلى واحد فى الدنيا مش بيعانى من حاجه كلنا بنعانى وكلنا تعبانين . فهميها وعرفيها ان كسرة البنى ادم بتيجى من نفسه وعدم رضاااه با الا ربنا عطاهالو .. فهميها انها ممكن يبقى معاها كل حاجه وتعيش حياتها حاسه بالنقص والحرمان والقفص الكبير الا فصلته لنفسها .. قوليلها اننا كلنا بنكمل بعض ربنا خلقنا كدا نكمل بعض وساب امه ودخل شقته .. وانهار هو كمان على قلبه وحياته الا فقدها من يوووم ما ماټت فعلا الدنيا قاسيه بس احنا الا بنزود قساوتها دى على نفسنا 
ليه بنجرح نفسنا وليه الناس بتجرحنا يارب هون 
سعاد شالت زياد من الارض وراحت لزهره .. فضلت كتيررر تخبط عليها بس مفيش رد .. يا زهره يابنتى افتحيلى انا طنط سعاد الا بتحبيها زهره 
سميحه ايه مقدرتيش عليهم 
سعاد زهره زعلت من ابنى المدب وقافله على نفسها مش عايزا تفتح 
سميحه طيب سبيها بس انهارده وبكرا ها تلاقيها زى الفل انتى عارفها 
سعاد يابنتى ها نبقى احنا والزمن عليها مش عايزاها تزعل والله ابنى ما يقصد حاجه ولا كان يعرفها ما انتى عارفه يا سميحه كان مشغول لشوسته فى الورشه دا حتى اتفاجئ ان فى حد سكن فى الشقه 
سميحه معلش يا سوسو بكرا تهدى صدقينى وها تطلع ولا كأن فى اى حاجه هاتى زياد وروحى شوفى الباشا دا وهديه شويه 
سعاد بعد ما ادت زياد لسميحه انا غلبت معاه غلبت يارب اعمل ايه تانى 
سميحه معلش ربنا يهديه .. وبتبسم لزياد .. ياله يا استاذ يا إلا عملتلنا مشاكل مع ابوك ابو مخ تخين وزهوره الا ما بتصدق تزعل .. وخدته ودخلت على جواااااا 
.............
زهره لسا مكانها .. ۏجعها والكلام قلب عليها الا فاااات الا مش قادره تنساه ابدا 
فلاااااش بااااك 
بعد ما حسام مشى قعدت تفكر ياترى القرار الا خدته صح والا غلط .. طيب ها تقدر تعيش من