رواية محبوب رغم عيوبه كاملة جميع الفصول بقلم ريم خالد

اللي حصل دا وهو يقولنا نعمل أي 
قاطعته بهدوء جدو الموضوع مش محتاج كل دا !
رد بعصبيةلا يا ريم الموضوع محتاج وبطلي تمثلي البرود دا عشان أنتي عارفه معاذ مش سهل 
سكت وأنا بحط أيدي علي وشي وبتنهد فعلا مش سهل ومش هيسكت علي اللي حصل دا بس أنا خلاص مبقاش فارق معايا كتير يعمل اللي يعمله 
الصبح علي الفطار كونا قاعدين بنفطر بهدوء سمعت جدو وهو بيقولي 
ريم هنروح أنهارده لعمر جهزي نفسك بعد الفطار 
هروح معاك 
ايوه عشان نشوف هنعمل أي وتحكيله اللي حصل 
تمام هروح ألبس أهو 
أتنهدت بضيق أول ما دخلت الأوضة لبست ونزلنا أنا وجدو مسكت في أيده وأحنا ماشين وبنتكلم 
تأكلي آيس كريم !
بصيت علي الآيس كريم وضحكت 
مش محتاجه كلام دي 
ضحكنا وروحنا طلبنا آيس كريم بعدها روحنا علي القسم وقفنا خمس ثواني قبل ما ندخل للي أسمه عمر دا دخلنا قام وقف ورحب بجدو جدا بأدب وبعدها بصلي وأبتسم بهدوء 
أتفضلوا أقعدوا تشربوا أي !
الله يعزك يابني مش عايزين حاجه تسلم 
فضلت بصاله كتير بحاول أفتكر أنا شوفته فين قبل كدا بس عقلي مش مجمع أوي بس حاسه أني شوفته قبل كدا وقريب 
أي المشكلة في أي !
بصلي جدو بمعني أتكلم أخدت نفس عميق وبدأت أققوله اللي حصل أخر مره بعد ما خلصت ضحكت ضحكة بسيطة وهو بيقولي 
برافو عليكي أخدتي حقك في نفس الوقت !
دا ميجيش ربع حقي حتى !
رفع عينيه ليا وهو مركز معايا خلاني أتوترت في قعدتي بعدها بص لجدو وهو بيقوله بهدوء 
أحنا دلوقتي هنعمل محضر عدم تعرض وهنحكي أنه أتهجم عليهم في البيت ولو حضرتك عايز يبقي في حد قدام شقتك الفترة دي مفيش مشكلة لحد ما الموضوع يهدى 
أتنهد جدو وهو بيقوله شوف أي الصح وأعمله المهم ريم متتأذيش !
بصيت لجدو وأنا ببتسم بحب علي تعبيرات وشه القلقانة علي تركيزه مع كل كلمه عمر بيقولها بيطمن نفسه بيها ويبصلي يطمني بنظراته 
متشكر جدا يا عمر باشا !
أي باشا دي لأ كدا أزعل !!
ضحك جدو وهو بيطبطب علي كتفه وصلنا لحد الباب قبل ما أخرج سمعته وهو بيقولي 
بطلي تلعبي تحت
المطر عشان متأخديش برد
لفيتله بسرعة وأنا ببصله پصدمه ضحك وهو بيرفع حواجبه وبيغمزلي ضحكت بتوتر وأنا بجري من قدامه بمسك في جده قبل ما نخرج من القسم لفيت ببص عليه لقيته ساند علي الباب ومتابعنى رفع كفه وهو بيشاورلي لفيت وشي بسرعة وأنا ببتسم تلقائي 
بعد يومين كنت في المطبخ أنا وتيته وسمعنا صوت خبط علي
الباب أتخضيت وأنا بمسك في أيد تيته بتوتر طبطبت علي أيدي وهي بتروح ناحية الباب وفتحته وأنا مراقبة من بعيد 
أدخل يابني هتفضل واقف علي السلم كدا كتير !
معلش أعذريني أنا عايز بس استاذ عبد الرحمن 
طيب خش وأنا هناديه 
أبتسم وهو داخل وقعد علي أول كرسي قابله وتيته دخلت تنادي لجدو طلعتله
بهدوء وأنا ببص لتعبيرات وشه بترقب حس بيا رفع عينيه من علي التلفون وقام وقف 
عاملة أي 
الحمدلله بخير هو في حاجه جديدة !
يعني لما أستاذ عبد الرحمن يجي هتعرفي 
أبتسمت بتوتر وقولتله تحب تشرب أي !
أبتسم لا متشكر مش عايزه أتعبك 
مفيش تعب ولا حاجه تشرب أي !
طيب ممكن قهوة مظبوطه !
هزيت رأسي وأنا داخلة المطبخ وسمعت جدو وهو بيرحب بيه عملت القهوة وأنا مش بعرف أعملها اصلا وطلعت وكان هو وجدو بيتكلموا بهدوء قربت منه القهوة 
حصل حاجه جديدة 
قولتها وأنا بقعد جنب جدو أخد بوق من القهوة وقالي 
أتقبض علي طليقك كان بيشتغل في الممنوعات وبكمية كبيرة