رواية محبوب رغم عيوبه كاملة جميع الفصول بقلم ريم خالد

تخليه ميخرجش من السچن أصلا 
رديت پصدمه أنت بتتكلم بجد !
ايوه وبجد جدا أنتي أول ما قولتي أسمه كان عليه قواضي كتير ولما ركزنا معاه شويه عرفنا نوقعه يعني نقدر نقول دلوقتي أنك في أمان ومش هتشوفيه قدامك تاني 
مشتكرة لحضرتك جدا 
بصيت لجدو وأنا بتنفس براحه وهدوء قام وقف بعد ما شرب قهوته قبل ما يخرج لفلي وهو بيقولي 
القهوة المظبوطه بيتحط عليها سكر عادي لاكن الساده لأ أتعلمي تعمليها بقا عشان لما أجيلكوا قريب ! 
قالها وبعد كدا خرج وهو بيضحك فضلت متابعاه بأستغراب وبعدها قفلت الباب دخلت المطبخ وأنا بسأل تيته
هي القهوة المظبوطه بيتحط عليها سكر !
بصتلي بأستغراب وهي بتقولي اه بس مش كتير !
حطيت أيدي علي وشي بأحراج وأنا بضحك وهي بتبصلي بأستغراب من سؤالي 
بعد أسبوع كنت واقفة في بلكونتي بكتب حاجه في النوت بتاعتي بالليل ومشغله أم كلثوم لقيت حاجه بتترمي عليا من فوق بصيت بأستغراب كان عمر واقف وماسك كوباية قهوة في أيده 
وطي صوت الست مش عارف أنام !
ضحكت بسخرية وأنت بتنام وأنت بتشرب قهوة !
رد بسخرية مشابهه اهه عادة عندي قبل ما أنام لازم أشرب قهوة 
ضحكت دا في قانون مين دا 
رد بغرور مصتنع أنا مش بمشي بقوانين حد اللي أنا عايزه بعمله 
ضحكت وكملت كتابة في النوت بتاعتي رمي مشبك تاني وهو بيصفر 
الوالده هتزعلك بسبب المشابك اللي بتحدفها دي !
هجيبلها غيرهم قوليلي بقا بتكتبي أي 
أي الفضول دا !
لا مش فضول دا تدخل في حياة الناس قوليلي بقا بتكتبي أي !!
ضحكت جامد وأنا برد عليه عادي بكتب زي مشاهد صغيرة من حياتنا أو قصص قصيرة يعني !
رد بأعجاب اهه وبتنزليهم فين بقا !
مش بنزلهم بحتفظ بيهم لنفسي عادي 
رد بأستغراب طيب ليه !
رفعت أكتافي بعدم أهتمام أصل هعمل أي بعد ما أنزلهم مفيش جديد هيحصل يعني !!
ازاي بقا بالعكس هتحسي أن الحاجه بتاعتك بتطلع للنور ولما تشوفي رأي الناس
فيها قد أي هي جميلة
ومعجبين بيها هيزود ثقتك في نفسك وفي كتباتك وأحتمال كبير تتشهري وتلاقي ناس بتحبك ومستنين منك كل جديد ومنعرفش نكلم غير بمعاد بعد كدا !
ضحكت وأنا ببصله وبفكر في كلامه اللي أداني شجاعه كبيرة في نفسي وفي كتاباتي بيتنافي مع كلام معاذ اللي مكنش بيعمل حاجه غير أنه بيسخر مني ومن كل حاجه بكتبها وعمره ما في مره شجعني بالعكس خلاني کرهت الحاجه الوحيدة اللي كنت بحبها وهي الكتابة ووقفتها فترة طويلة 
بتكتبي ايوه أعملك اي يعني 
بحب الكتابة يا معاذ وبكتب قصص قصيرة يعني !
ايوه هتعملي بيهم أي بعد كدا !
مش عارفة بس بفكر أبقي أنزلهم في جروبات للكتابة وكدا وحلمي يكبر !
ضحك بسخرية وهو بيقولي ريم مفيش حد هيهتم يقرأ الهبل دا ! خليكي عاقلة شويه 
شد من أيدي النوت وهو بيقرأ اللي فيها وكل شويه يضحك بسخرية 
قومي ياريم أرمي النوت دي بلاش هبل !
قالها وهو بيرمي علي النوت بتاعتي ودخل الأوضة وهو بيتريق علي اللي أنا كتباه مسحت دموعي وأنا بمسك النوت بقطعها وبرميها بدموع فوقت من ذكرياتي علي صوته وهو بيصفر بأستغراب عشان يلفت نظري 
قولت بحزن كلامك يتنافي مع كلام كتير سمعته من ناس كانوا قريبين مني في يوم من الايام 
زي ما بتقولي كانوا قريبين يعني كلامهم عمره ما يكون مقياس يخليكي توقفي زي ما طلعتيهم من حياتك طلعي كلامهم السلبي برده من حياتك !
أبتسمتله بهدوء وأنا بهز رأسي بموافقة بص في ساعته وبصلي تاني وهو بيقولي بهدوء 
يلا