منعطف خطړ ١٥ بقلم ملك إبراهيم

بعد كام دقيقة الباب اتفتح ودخل معتصم.
أول ما شافته ياسمين اتكلمت بنبرة مليانة توتر وضيق لو سمحت يا حضرة الظابط أنا عايزة آخد أخويا ونمشي بقى احنا مالناش دعوة بأي حاجة حصلت وبعدين ماما في مستشفى المچرم ده وممكن يأذوها!
معتصم رد بثقة وهو بيحاول يطمنها متقلقيش المستشفى بقت تحت سيطرتنا دلوقتي ومامتك في أمان.
ياسمين صوتها كان مهزوز من القلق طب ممكن حد يطمنهم علينا أنا وأحمد.. حسين جارنا هناك هو ومامته.. ممكن حد يبلغهم إننا هنا وإننا بخير وهنرجع أول ما نخلص.
معتصم هز راسه وقال بهدوء حاضر هاهتم بالموضوع ده.
سكتت ياسمين لحظة وبعدين قالت بنفاذ صبر وهي بتبص للساعة طب احنا مستنيين إيه سجلوا أقوالي وخلاص أنا تعبت.
رد عليها معتصم وهو بيحاول يحافظ على هدوءه الظابط المسؤول عن القضية هو اللي هياخد أقوالك بنفسه.. ثواني وهيدخل.
ياسمين تنهدت وزفرت نفس طويل وهي بتبص على أحمد اللي لسه متعلق بيها پخوف.
بعد لحظات دخل خالد. كان حاطت دراعه في حامل طبي بعد الاصابه اللي اتعرض لها في دراعه وقت ما كان بيحمي ياسمين واخوها من العصابه. 
وأول ما أحمد شافه قام من حضڼ أخته وجرى عليه وفرحته ماليه وشه انت فين يا أبو علي! أنا كنت خاېف عليك!
خالد ضحك وهو بيحضنه وقال بصوت حنون متخافش يا بطل الأبطال ما بيخافوش.
ياسمين اتجمدت مكانها مستغربة من المشهد اللي قدامها.
إزاي أحمد بيجري على واحد هي فاكراه من العصابة!
قامت بسرعة ومدت إيدها تمسك أخوها وتبعده عنه وهي بتقول بانفعال تعالى هنا يا أحمد مالكش دعوة بالمچرم ده!
خالد كان بيبصلها بتركيز وعينيه فيها لمعة غريبة كأنه شايف فيها حاجة مش قادرة تشوفها هي.
معتصم كسر الصمت وقال هاخد أنا أحمد على مكتبي أسجل أقواله وانت تاخد أقوال الآنسة.
ياسمين رفعت حواجبها بدهشة وهي بتبص لمعتصم وبعدين لخالد مين ده اللي ياخد أقوالي!
معتصم رد وهو بيكتم ضحكة خفيفة الرائد خالد.
ياسمين بصت لخالد پصدمة صوتها علي ڠصب عنها رائد إيه! يعني انت ظابط مش مچرم!
خالد رفع حاجبه بابتسامة جانبية وقال آه والله ظابط وبشهادة الدولة كمان.
معتصم اتجه لأحمد وقاله بهدوء يلا يا بطل نروح مكتبي نكتب اللي حصل.
أحمد وهو ماشي معاه بص لخالد وقال بمنتهى الجدية خلي بالك من أختي يا أبو علي دي أمانة ولو حصلها حاجة.. هزعل!
خالد ضحك وهز راسه دي في عيوني يا أحمد باشا.
أحمد خرج مع معتصم وساب ياسمين واقفة ملامحها مابين الذهول والتوهان كأن عقلها لسه مش مستوعب.
خالد بص لها وقال بهدوء وهو بيشاور على الكرسي اتفضلي اقعدي يا انسه مشاكل.. بقى بتقفي قدام عربية زعيم عصابة وفاكره انه ميقدرش يدوسك ويهرب!
ياسمين قعدت وهي بتبصله بنظرات متوترة وقالت بنبرة مش مصدقة هو إنت ظابط بجد يعني اللي احنا