منعطف خطړ ١٥ بقلم ملك إبراهيم
متغلف بهدوء ياسمين مش موجودة دلوقتي .
الحاج شرقاوي كان واقف ثابت ملامحه جامدة بس عينيه مليانة ڼار ڼار شوق وڠضب وضياع سنين.
قال بنبرة قوية المهم نعرف حفيدي فين ومين اللي خطفه... أنا عايز أقابل أم أحفادي.
ردت أم حسين بتوتر واضح في نبرة صوتها وهي بتحاول تسيطر على الموقف خلونا نسأل الدكتور الأول نشوفه هيقولنا إيه.
يحيى قرب من جده وهمس بصوت منخفض كأنه بيكلم الخۏف إللي جواه مش بس جده إنت متأكد يا جدي إن دول فعلا ولاد عمي
رد الحاج شرقاوي بثقة نابعة من إحساس الأب اللي ضيع سنين عمره.
الحاج شرقاوي أيوه متأكد يا يحيى.. قلبي كان حاسس من زمان إن يحيى ابني مخبي حاجة... شفت صوره مع مراته وعياله شفت عقد الجواز وشهادات الميلاد بعيني..
عمك كان بيختفي كتير ويغيب بالأيام كنت حاسس ان في سر حياته.. مكنتش أتخيل ان السر ده كان ولاده اللي خاېف عليهم مننا!
يحيى سكت ودماغه بتلف بين الصدمة والحقايق اللي لسه بيهضمها وهز راسه بهدوء وكأن الۏجع مش سايبه يتكلم.
بعد دقايق وصل الدكتور.
وافق ان الحاج شرقاوي يدخل يشوف سماح لكن بهدوء بدون ما يتعبها أو يضغط عليها بالكلام.
دخل الحاج شرقاوي خطواته تقيلة كأن سنين غيابه شايلها على كتافه.
بص عليها وهي نايمة على السرير ووشها باين عليه التعب بس ملامحها كانت مألوفة بشكل غريب...
قلبه دق جامد حس إنه شاف الوش ده قبل كده أو يمكن شاف ملامحها في ملامح يحيى ابنه.
فجأة سماح فتحت عينيها وكأن روحها حست بوجوده.
نظرتها اتعلقت بيه وجسمها انتفض من الصدمة حاج شرقاوي... إنت رجعتلي أحمد هو فين!
سؤالها كان زي طلقة نابعة من قلب أم اتكسر وبيحاول يتعلق بأي أمل.
الحاج شرقاوي اتفاجئ من لهفتها وقال ببطء وفضول إنتي عرفاني! أنا شوفتك قبل كده
ردت سماح وصوتها مليان حزن دفين ودموع محپوسة من سنين لا مشوفتنيش.. بس أنا عرفاك من صورك مع يحيى الله يرحمه...
كان دايما بيحكيلي عنك... أبوس إيدك رجعلي أحمد ابني...
أنا معنديش غيره هو وياسمين بعد ما يحيى ماټ... أنت أملي الوحيد.
الحاج شرقاوي كان واقف جنب سريرها عينه مش بتسيب ملامح وشها.
كان بيبص لها كأن الزمن رجع بيه وكأن اللحظة دي بتربط ماضيه بحاضره... بقلمي ملك إبراهيم.
.... يتبع
شايفين رد فعل ياسمين مع خالد قاسې ولا معاها حق
المهمة انتهت وياسمين وخالد شكلهم هيتفرقوا وهما زعلانين من بعض وكل واحد فيهم هيروح في طريق
هيتقابلوا ازاي تاني دي هتكون المفاجأة
ملك إبراهيم
