جمعتهم الأقدار ٢٢ بقلم فريدة احمد

.. خارج.. محتاجة حاجة 
بس هي اخدت سيف وقالت وهي واضح عليها الحزن والخۏفقالت... لا 
وراحت تطلع علي فوق بهدوء
بس هو وقفها اتنهد وقال... متشغليش دماغك بأي حاجة من اللي بتحصل هنا..ماشي..
قالت.. ازاي وهو اللي بيحصل ده عادي.. واحد حيوان زي ده. مش عارفين توقفوه 
قال..وبعدين احنا قولنا ايه... يلا اطلعي ذاكريلك كلمتين ينفعوكي
بصتله بضيق وطلعت 
....... 
عند اهل مرام 
يعني ايه.. هتسيب بنتك للحيوان ده يارفعت 
قالتها صافي مامت مرام پغضب وعصبية ليرد عليها ويقول... اكيد مش هتخلي عن بنتي يا صافي 
قالت بسرعة .... يبقي نسافر الصعيد دلوقتي حالا ونرجعها معانا قبل ما الحيوان ده ياذيها
وبدموع وقلق.... انا خاېفة عليها يارفعت عمل فيها حاجة
اتنهد رفعت وقال..... متقلقيش هو مش غبي 
بصتله وقالت.... انا ليه حاسه انك حتي مش واخد منه موقف. انت عارف عمل ايه في بنتك لحد دلوقتي.. وانت مصدرش منك اي رد فعل 
بصلها وقال...كنتي عاوزاني اعمل ايه بعد ما بنتك حطت راسي في الطين..هو انا صعب عليا اخد اجراء معاه بس بنتك وطت راسي قدامه .خلتني مبقتش قادر ارفع عيني فيه
اتنهد وقال.. اللي عمله زين مع بنتك لو اي حد مكانه كان هيعمل اكتر من كده..بنتك غلطت ياهانم.. مقدرتش انه مفضحهاش وستر عليها لا راحت هي تفضحه.. اللي بنتك عملته قلب ادب منها وقلة تربية مننا
قالت صافي... مرام مغلطتش يارفعت بنتك وانت عارف.. انا كنت متاكدة ان بنتي عمرها ما تفرط
ابتسم بسخرية وقال...بس اللي حصل عادي صح!! 
سكتت وهو بصلها بشدة وقال....تعرفي ايه عنها بنتك كانت بتخرج وتسهر وتسافر بمزاجها. 
كمل وهو بيوجهلها الاتهام.... وانتي..انتي يا هانم اللي كنتي بتشجعيها علي كده وتقولي حرية.. طيب يابتاعت الحرية..شوفي بنتك وصلت نفسها لايه بسبب الحرية. فعلا المفروض ما الومش عليها. بنت كل شئ في حياتها مباح. اديناها حرية كاملة وادينا في الاخر بندفع تمن استهتارنا بيها
قالت بدموع وندم....اديك قولت احنا كمان غلطنا.. يعني احنا اللي وصلناها لكده.. احنا السبب يارفعت 
غمض عينه وقال.. عندك حق.
واتنهد وقال بتعب... اجهزي. هستناكي في العربية
....... 
عند مراد وليالي 
خرج مراد من الحمام بالبنطلون بس 
كانت ليالي قاعدة في السرير وپتبكي.
بمجرد ما حست بيه قامت من السرير بدون ما تبصله متجهة للحمام 
بس هو مسك دراعها وقفها اتأمل دموعها وبعدين قال... 
انتي ليه محسساني 
بصتله پغضب وقالت بدموع.. امال اللي عملتو ده يتسمي ايه
قال ببرود .. ده حقي ولا نسيتي ان بينا اتفاق.
قالت بدموع... حقك تاخده بالطريقة دي
كان حاسس بالندم ولاول مرة واحدة تفرق معاه بصلها وقال ... انتي اللي اضطرتيني ياليالي.. صدقيني مكنتش حابب اخدك ڠصب.. والدليل اهو.. بقالي داخل علي شهر متجوزك وسايبك براحتك مع ان اتفاقي معاكي مكانش كده ومع ذالك سيبتك
بصتله وقالت بدموع... وانا عملت ايه عشان تعمل فيا كده قولتلك كنا واقفين بنتكلم