بنات الحارة ١٥بقلم نسرين بلعجيلي

الفصل 15 بنات الحارة 4Cats
بقلم نسرين بلعجيلي Nisrine Bellaajili
نورهان بصتلها بحنية وبعدين بصت لكريم بنظرة فيها عتاب ثقيل.
نورهان بهدوء الجواز مش سجن يا كريم ولو فايزة مش لاقية في بيتها أمان يبقى البيت ده محتاج يتبني من أول وجديد.
كريم إزاي يتبني من أول وجديد
نورهان يعني تمسك مراتك وتتكلموا كويس وتتفاهموا على سبب الخلافات اللي بينكم.
كريم بذمتك يا نورهان هو وقته تسافر وأنا مزنوق مش معايا فلوس اديهالها في إيديها أمها تقول إيه تقول إني مش راجل ومش مكفي بيتي إنتم مش حاسين بيا أنا موظف يادوب المرتب مش عامل حاجه وبشتغل على أوبر بالليل علشان أسدد الديون اللي عليا والباقي بنصرف منه. أنا تعبت بروح لأصحابي أستلف كل مره.
نورهان هي كمان تعبت الستريس اللي إنت فيه بيخليك على طول متنرفز وعصبي وردة فعلك وحشة معاها. هي غريبة هنا وأمها بعيدة وكمان حامل.
كريم يا سبحان الله! بتدافعي عنها وإنتم على طول خناق
نورهان دي حاجات عادية بس ده ما يمنعش إننا بنحب بعض. وأنا ما كنتش فاهمة إن الحمل بيخليها عصبية. إسمع مني يا كريم غير معاملتك ليها إنت قاسې.
كريم ڠصب عني.
نورهان ماعلش إحنا حمل عليك.
كريم الطشك قلمين على الكلام ده! عيب تقولي كده الديون هي اللي ضغطاني.
نورهان ربنا يعينك.
كريم يارب...
نورهان طيب أنا معايا ٥٠٠ جنيه خذهم واديهم لمراتك من غير ما تقول إنهم مني خليها تحس إنك اتصرفت علشانها.
كريم حضڼ أخته من غير ولا كلمة حضڼ فيه كل حاجة شكر وراحة وامتنان. حضڼ لأنها ساعدته وطيبت خاطره وحست بيه.
ساعات الكلام ما بيعرفش يعبر عن اللي جوانا بس الحضن بيقول كل حاجة.
طلع كريم بره البيت ورجعت فايزة أوضتها قفلت الباب وراها بهدوء وقعدت على السرير ساندة على الحيطة. كانت دموعها لسه على خدها بس المرة دي ماكنتش من زعل بس كانت دموع تعب من كل حاجة.
فايزة في سرها هو أنا غلطت لما حبيت ولا غلطت لما صدقت إن الحب ممكن يغلب الفقر ولا الجواز كان هو الغلطة هو ليه دايما الست اللي بتشيل وليه لما الراجل بيضيع لازم هي اللي تلاقي الطريق
فضلت تبص في سقف الأوضة كإنها بتدور على جواب بس مافيش. كل اللي حواليها صمت صمت بيوجع أكثر من الكلام.
فايزة الفقر والجواز والحب التلاتة ماينفعوش يكونوا في كفة واحدة. لما الحب يدخل من غير ظهر بيتكسر. ولما الجواز يبقى من غير أمان يبقى سجن. ولما الفقر يسيطر بېقتل كل حاجة حلوة.
سحبت البطانية غطت نفسها
بس رغم التعب النوم ماكانش جاي. كانت بتفكر هل تستسلم وتروح ولا تكمل الطريق اللي ماكانش يوم سهل
رحاب كانت قاعدة في أوضتها
وماسكة تليفونها.
رحاب يا بن اللذين يا جمال عملت ليا بلوك بس أنا هفضل وراك وراك لحد