زهرة وسيف ١٤
هاتي اتصل ليكي بجوزي يجي ويجيب ليكي قسيمة الجواز تشوفيها بنفسك
عمتها پقسوه
اخرسي خالص واقطعي نفس فكراني عبيطه وهتضحكي عليا يا بنت اعتدال
جوزك ايه وقسيمة ايه الي بتتكلمي عنها تلاقيه واحد دفعاله عشان تداري فجرك
لتتابع بصرامه
خدوها على أوضة الخزين إرموها هناك
وإقفلو عليها كويس و محدش يدخل عندها ولا يشوفها الا بأمري
ليقوم الرجال بحملها وهي تصرخ بفزع
اسمعيني يا عمتي حرام عليكي انا متجوزه ومعملتش حاجه غلط هاتي اتصل بجوزي وانتي تتأكدي اني مبكذبش عليكي واني متجوزه علة سنة الله ورسوله
لتواصل الصړاخ في حين تتجاهلها عمتها حتى اختفى صوتها عنهم
لتشير الحاجه لاكبر ابنائها سنا واكثرهم غلظه وهو من قام بمهمة ضړب عليا حتى ڼزفت الډماء من انفها وفمها
إستنى يا أبو كامل عوزاك
ليطيعها وهو ينظر الى زهره بتوع
الحاجه بصرامه
البت دي مالكش صالح بيها متقربش منها ولا تأذيها انت فاهم انا عرفاك كويس وعارفه انت بتفكر في ايه
أبو كامل پغضب
انتي بتقولي ايه ياما دي خاطيه ومخلفه بالحرام ده بدل ماتقولي
اقټلها وتاويها واخلص منها ومن فضيحتها
الحاجه پغضب وهي ټضرب عصاها بالارض بقوه
البت متجوزه وعلى سنة الله ورسوله
امها الله يجحمها كانت معرفاني انها مكتوب كتابها
ودخلت من غير فرح علشان ظروف مۏت جوز امها وانا سكت ايامها علشان معملش عداوه معاها واقدر اخد ورثكم من عمكم
ابو كامل بذهول
ايه بتقولي ايه ياما متجوزه انتي لسه متهماها في شرفها وكدبتيها لما قالت انها متجوزه
ليتابع بدهشه اكبر
طب ليه خلتيني اخطڤها واضړبها
وليه حبساها دلوقتي ليه عملتي كل ده ليه
الحاجه بصرامه مخيفه
عشان أرجع حقك وحق اخواتك الي الحيه إمها لهفته
لتتابع بكره
استغلت ان اخويا الله يرحمه كان كبير في السن
و اول ماخلفت منه خلته يكتب لها كل الي وراه وقدامه
ولما رحت اطالب بحقي من ورث اخويا طلعت ورق ان كل حاجه مكتوبه باسم بنتها
وانها متقدرش تديني حقي الا لما بنتها تبلغ سن الرشد وفضلت ساكته على امل اخد حقي منها
لكن بعد الصبر ده كله و بعد ما خلاص زهره بلغت سن الرشد كانت امها ماټت وزهره اختفت كأنها فص ملح وداب وكل الاملاك اتباعت
وابن جوز امها قال انها باعت كل حاجه و خدت ورثها وسافرت على بره
لحد امبارح جالي اتصال عرفني عنوانها و اتبعاتلي صوره لابنها وللقصر الي معيشه جوزها فيه من فلوسي وحقي من ورث اخويا
ابو كامل بصرامه
يعني قصدك ان القصر والخير الي عايشه فيه ده كله بتاعها هي مش بتاع جوزها
الحاجه بسخريه
بتاع جوزها انت عارف هي متجوزه مين
متجوزه حتة واد فقير مش لاقي ياكل ابوه يبقى السواق بتاعهم الظاهر امها جوزته ليها عشان بنتها كانت بتحبه وهي كانت مدلعاها ومبترفضش ليها طلب
ابو كامل بجديه
يعني انتي جيباها هنا عشان
الحاجه مقاطعه
عشان تمضي على تنازل عن حقي في فلوس اخويا
ابو كامل بسخريه
وموضوع شرفها ده عشان تكسري عينها و تخوفيها وتحسسيها ان روحها في ايدك تقوم تمضي من سكات مش كده
ليتابع بتساؤل
طيب وبعد كده بعد ما تمضي ايه الي هيحصل
الحاجه پقسوه
هتمضي وتغور تروح لحال سبيلها
أبو كامل بصرامه
تغور يبقى انا كده مش موافق
الحاجه بدهشه
بتقول ايه مش موافق انت عاوزني أسيبها بعد ماصدقت لقيتها ايه مش عاوز ترجع حقك انت وخواتك انت عارف ورثكم من عمكم يطلع أد ايه
أبو كامل بابتسامه صفراء
عارف يا أما وعشان كده بقولك مش موافق
الحاجه بدهشه وعصبيه
هي فزوره اتكلم علطول وقول قصدك إيه
أبو كامل بصرامه
قصدي انا عاوز الورث كله وفوقيهم صاحبة الورث
شهقت الحاجه بحنق
طب الورث كله ومقدور عليه نمضيها على تنازل عن كل الي حيلتها
لكن عاوز صاحبة الورث كمان طب اذاي انت نسيت انها متجوزه و حامل كمان وألا حلاوتها لحست عقلك
أبو كامل بغلظه
متجوزه نطلقها حامل نسقطها و
بعد عدتها اكتب عليها
الحاجه پغضب
طيب احنا ممكن نسقطها ذي ما انت بتقول لكن نطلقها اذاي من جوزها
نحط البندقيه على راسه ونطلب منه يطلقها دا ېفضحنا وسط البلد ويمكن يبلغ عننا البوليس وكل الي عملناه يضيع
ابو كامل بغلظه
ليه شيفاني عبيط عشان اعمل كده احنا هنعمل ذي ما كل الناس ما بيعملو لما بيحبو يطلقو بناتهم
الحاجه بقلة صبر
والناس بيعملو ايه يا سندي
ابو كامل بابتسامه صفراء
هنخليها تعمل توكيل لمحامي والمحامي يرفع على جوزها قضية
خلع عشان نخلص بسرعه
ونبقى كسبنا الورث كله وانا كسبت فوقيهم واحده تملالي البيت ولاد بدل الي انا متجوزها بقالي عشر سنين وعامله ذي الارض البور بتطرح بنات وبس
ليتابع بثقه
انا حاسس ان الولد هايجي منها
وهرفع راسي وسط الناس بدل
خلفة البنات الي حانيه راسي وسط الخلق
هزت الحاجه رأسها وهي تقول بثقه
وانا موافقه يا ابو كامل اهم شئ تمضي على ورق التنازل واضمن الورث بين إيديا
ابو كامل بابتسامه صفراء
هتمضي يا أما هتمضي وهتجوزها وهنجيب الواد
