حب جديد

لا عايزة علاج 
هو أنا لازم أقول 
مش المفروض أنت تسألني و تقولي يعني أنا تعبانة و كمان أطلب العلاج و الأكل 
ماعندكش بند إنك تاخد بالك مني و تهتم بيا 
و هو أنا مابهتمش بيك ماجبت الأكل و حطيت اهو عايزة تكشفي قومي ألبسي أوديك 
مش عايزة منك حاجة 
دخلت أوضة الأطفال و قفلت على نفسي بعد شوية نادى عليا ماردتش عليه بعد شوية تاني سمعت صوت الباب عرفت إنه خرج طلعت عشان الأكل بس هبقى زعلانة و كمان جعانة 
كلت و خدت شوية حاجات معايا تسليني و موبايلي و الشاحن عشان مش ناوية أطلع من الأوضة 
ماعرفش نمت و صحيت امتى بس صحيت لما لقيت باب الأوضة بيخبط عليا و لقيته هو 
قومي جهزي نفسك جبت لك دكتور 
بصيت له ب استغراب 
دكتور ايه جبته فين 
جبته بره اهو يكشف عليك قومي كده اعدلي نفسك و اعدلي الغطا 
قومت و أنا مش عارفه فكر يعمل كده إزاي 
بعد ما الدكتور مشي و هو نزل يجيب العلاج اللي كتبه الدكتور لقيته جايب أكل جاهز تاني و مسنود بره على السفرة هو جاب أكل تاني غير اللي جابه في الأول 
لسه بشوف الأكياس فيها ايه و لقيته دخل من الباب 
ده أكل أنا جبته بدل
اللي كلته تعالى يلا كلي الدكتور كاتب لك تحليل انيميا و بيقولي ضعيفة باكل أكلك أنا 
مارضتش أضحك مع إني ھموت و أضحك 
بصيت له و ماردتش 
خلصي و كلي تحصلك حاجة يغمى عليك أبوك يجي ېخرب الدنيا 
ده المهم يعني في الموضوع 
أهلي لو عرفوا إني تعبانة مش عشان بتحبني لقدر الله و پتخاف عليا 
يا حورية بحبك و بخاف عليك
بس مش بطريقتك دي يعني ايه خناقة طويلة عريضة عشان ماقولتلكيش تعالي اتفضلي كلي معايا 
هو أنت زميلتي في الشغل ماتقعدي تاكلي 
على فكرة هي الفكرة مش عشان ماعزمتش عليا الموقف البسيط ده بيتكرر كتير و ب أشكال أكبر و كلها تدل إنك مابتهتمش بيا مابتاخدش بالك مني 
أنت ليه مش مراعي إني متجوزة بعيد عن أهلي و ماعنديش إخوات يسألوا عليا 
و أنا مش بهتم بيك مانا جبت لك الدكتور اهو 
بعد ايه 
بعد ما ليا يوم كامل ماسألتش فيا 
كان عندي زحمة في الشغل مافضتش بجد 
و لا حتى رسالة 
على فكرة يا حورية أقولك حاجة أنا لو مش واخد بالي من حاجة و أنت عايزاها قوليلي و هتلاقيني عملتها 
و الله 
أقولك ايه اهتم بيا يا إبراهيم 
خد بالك مني يا إبراهيم و قبل ماتنزل لو أنت زوج حنين كان زمانك واخد أجازة و قاعد جنبي و لا على الأقل جاي بدري و لا حتى مكلمني في التليفون 
أقولك أنا سيبت أهلى اللي ماليش غيرهم و جيت عيشت معاك في حته بعيدة عشان شغلك مع إن أبويا ماكنش راضي و عشان بحبك إزاي أكون بحبك كده و