غرورها جن جنونى 5 للكاتبة ابتسام محمود الصيري

حين سمعت رنين محمولها تمنت أن تحطمه إربا أو لا يوجد من الأساس اختراع هذا الجهاز فردت بامتعاض
أمم 
لا وحياة مامي كلميني عدل أصل بخاف 
فردت بعصبية وضيق
عايز إيه يا مستقبل مني بقى
لم ينجح في تمالك أعصابه هذا المرة ورد باندفاعية
أنا اللي عايز إيه يا بت عيلة زهير! ترمي كلامك زي الدبش ولا كأني واحدة صاحبتك بتاخدي رأيها ولا كنتي متوقعة جنابك هستنى كمان تجيبيلي دعوة فرحك لحد البيت اتعدلي يا بت الناس لأن أنتي لحد دلوقتي ما شوفتيش وشي الغبي اللي المثل بيقولك عليه اتقى شړ الحليم إذا ڠضب تمام 
لم يأته ردها فأردف بصوت مرتفع كالرعد
قلت تمام 
أنا هتج 
قاطعها مسرعا حتى لا ټندم على ما تقوله
بصي أنا قاطعتك وهعمل نفسي ما اعرفش كنتي هتكملي هرتلة بإيه أو ما سمعتش أهو عداني العيب وبحذرك لو ردك ما اتعدلش هدخل أكسر دماغك وأقول لأبوكي يضربك طلقة وأنتي عارفة أبوكي مش محتاج تسخين 
ثم يكمل كلامه بعد أن فتح هاتفه على رسالتها التي أرسلتها وهو جالس بالمشفى ويقرأها لها بصوت جهوري
شكلك نسيتي اللي كتبتيه اقرأه ليكي بنفسي 
أنا خلاص رميت طوبتك بطول دراعي وما بقتش اطيقك ودا من زمان وبحب واحد ما بيشوفش غيري قدامه وهيتقدم ليا وهتجوزه  
بعد ما أنهى الرسالة قال بتهكم وهو ما زال على وجومه
حد قالك يا هانم أني بشوف قمر منور غيرك 
لم تجب عليه فجملته الأخيرة ضغطت على مشاعرها كيف أن تتحدى شخصا تعلم جيدا أنه سينتصر عليها من أول لحظة قبل أن تبدأ معه اللعبة وهي الآن خاسرة أمامه فبكلمة منه جعلتها تنصهر أمام حروفه وهذا هو حال العاشقين يذوبون في حروف من يحبون فترد عليه بعينين دامعتين وهمست بحروف مرتبكة
لو صح ما كنتش تعاكس اللي تسوى وما تسواش 
أمم وبعدين 
ولا قبلين 
وأنا بتنيل أتمرمغ في حب مين غيرك اتفضلي جاوبي ياللي قدرتي تقولي إنك بتحبي غيري كارما أنتي لو مش حاسة پالنار اللي جوايا اقفلي أحسن لأن فعلا كلمة كمان فيها مقاوحة أو استهبال وربي ما هدرى بنفسي هعمل إيه 
خلاص يا مستقبل اعتبره ما حصلش 
خلاااص! بعد اللي كتبتيه وبعد حړقتي جاية تقولي أعتبره!
ردت بحدة
كنت عايزاك تحس بڼاري 
ڼار إيه يا آنسة يا محترمة اللي بتتكلمي عنها كنتي قفشتيني في أوضة مع واحدة ولا سمعتيني بعشق في غيرك وكل اللي بعمله وبتقولي عليه بيضايقك أقسم بالله مش هتكوني بتحسي بنص اللي جوايا دلوقتي كارما أنا تعبت ومش قادر اتكلم تاني سلام 
مستق 
أغلق الهاتف حتى لا يسمع حرفا آخر يزيد لهيب رجولته