سيطرة ناعمة ٣٣ بقلم سوما العربي

ردت بصراحة فقال 
عجيبه قوي بيضة وقلبك بلاك أسود.
قلبي أسود على أد الغلطة يا ماهر.
الټفت له بيطئ ونظرت له ثم قالت 
أقولك حاجة وبصراحة
هز رأسه يحسها على الحديث فقالت 
أنا مش بصدق انك بتحبني برغم اني عارفه انا أد ايه حلوه ودايما بسمع الكلام ده بس مش قادرة أصدق ان واحد زيك بيحبني.
ليه يا لونا! والله العظيم بحبك.
هزت رأسها والدموع بعيناها ليقول 
اهدي يالونا أهدي وتعالي نامي.
مسحت عيناها كطفلة وقالت 
لا هروح أنام في أوضتي.
ضربها بخفه على رأسها وقال 
أوضتك هي أوضة جوزك ومش عايز تخلف يالا نامي.
نظرت له بحذر فقال 
مش هعمل حاجه عايز انام في حضنك بس يا مفتريه لسه خارج من دبحه ومحتاج رعاية.
لانت ملامحها كأنها موافقة لكنه قال 
بس البسي حاجه ماتناميش جنبي كده انا لحم ودم بردوا وانتي وحشاني أصلا.
وقفت تبدل ملابسها بعيد عن عيناه التي تأكلها أكلا لتعود وتنام بأحضانه بضمير يؤنبها فهي لم تستمر في موجة ثورتها ليوم كامل 
صبرت نفسها وطيبت كرامتها انها ستفعل فقط الليله لأنه مريض ولن يتركها وبالصباح ستعود لونا التي تريد أن تكون عليها.
أما ماهر فعودة لونا لأحضانه سربت الدفئ لخلياه وسقط في النوم بسرعه أكبر مما يتخيل.
__________سوما العربي___________
كانت تجلس على سريرها مڼهارة من البكاء نفس الدرس ونفس الكف كلما ظنت انها كبرت وماعادت تلك الفتاة الصغيرة يعود القدر ويفعل فعلته معها وها هي قد رفضت من جديد رفضها ماهر وفسخ خطبتهما.
نيران الكرامه المهدورة والخذلان يقتلانها وما ضاعفهم أضعاف مضاعفة هو انها هي من خطبت وده هي و والدها لازالت تتذكر مظهر والدها وهو يدخل من البيت مدلدل الكتف مثقل الكاهل وهي كانت تنزل الدرج كي تحظى بالعشاء مع والديها لتتوقف أقدامها على الدرج مع صوت والدتها التي أستقبلت زوجها تسأله 
مالك يا صلاح في ايه!
إرتمى بثقله على الأريكه يردد 
ماهر الوراقي كان لسه عندي في المكتب كان جاي يفسخ خطوبته من جميله.
اتسعت عيناها وشهقت والدتها تسأل 
ليييه!
ماعرفش ماعرفشمش عارف اقول لجميله ايه دي هي الي كانت متحمسه وملمحه لي.
صمت أثنتيهم لتتفاجأ بوالدها يضيف بعجز وكأنه يأس 
رشيد كان مكلمني عايز يتجوزها وبيقول انه..
قاطعته زوجته وهي ټضرب صدرها بعويل 
يانهار أبيض رشيد الي متجوز وعنده عيل.
رد وكأن بضاعته قد بارت ويبحث عن حل 
بيقول بيحبها پجنون لدرجة بيحلم بيها كل يوم وانتي فاهمه بقا.
انت بتقول ايه يا صلاح هو عشان ماهر رفضها نقوم نرمي البنت انت لو عرضت عليها عرض رشيد أصلا يبقى كأنك شټمتها وبتقول لها العيب منك.
هز صلاح رأسه يضربه بيده كأنه يفوق حاله 
صح صح استغفرالله العظيم ايه الي بفكر فيه ده.
عادت من شرودها على صوت رسالة على هاتفها عيونها مغرورقة بالدموع وأنوثتها مبعثرة وإذ بها تتفاجأ برسالة نصيه من رشيد عبر رسائل إل يطلب منها و يرجوها أن تقبل عزيمته على العشاء .
نظرت للهاتف بأعين مشوشة من الدمع وعقل غير متزن من الصدمه التي تلقاها في الحال.
تقدم بخطى تغلي من الڠضب
تجاه غرفة الإجتماعات صباح يوم جديد محمل بكل أنواع المشاكل والمفاجآت صنعتها له مصيبته المتدلعه.
بداية من إستيقاظه وهي ليست بجواره ثم علمه بمغادرتها للشركه دون إذنه أو حتى إنتظاره وصولا للأن فالهانم تعقد إجتماع هام مع كل رؤساء الأقسام.
اقتحم الغرفة ليجد لونا تترأس طاولة الإجتماعات والكل يهمس مبتسما هاتفا بأسمها صمت أذنيه وهو يسمع بهاء مدير الحسابات والذي من المفترض أنه ذراعه اليمين يردد بحماس وشكر وحرارة 
يااااه أخيرا حد حس بينا شكرا يا لونا هانم احنا بنشكر حضرتك على زيادة المرتبات دي.
زيادة ايه الي بتتكلموا فيها.
قالها صاحب المال الذي يوزع دون علمه الان
فوقف بهاء يرد 
لونا هانم عملت لنا زيادة على المرتبات عشره في الميه على المرتب.
نعم!!!
قالها پحده وهو ينظر ناحية لونا التي أضافت مبتسمة 
مش بس كده أنا كمان هقلل ساعات العمل يعني بدل ما بتخلصوا عشره هتخلصوا تسعه.
نعم!
لم يسمع أحد أعتراضه فقد وقف الكل يحلف ويتحالف بلونا وما فعلته.
اوقف الكل وهتف بصوت جهوري 
بس كفايه فوضى.
تقدم منها يردد پغضب 
مين الي سمح بالكلام الفارغ ده.
انا.
ازاي!
بالتفويض الي معايا.
التفويض أه عظيم قوي طيب التفريض الي معاكي بيحدد مهامك في بعض قطاعات الشركه مش كلها ان الميزانية الي تحت تصرفك في التفويض مش هتكفي الزيادة الي حضرتك ماشيه توزعيها ودلوقتي كل واحد على شغله.
علت علامات خيبة الأمل على وجوه الموظفين وخرجوا من الاجتماع فبقت معه وحدها.
أخذ يقترب منها وهي تردد پغضب 
تاني بتلعب معايا تاني مديني تفويض مالوش لازمه.
قولت لك ماهر مش بيريل في أكل عيشه عايزه تلعبي هسيبك تلعبي بس في حدود المعقول عايزه تقلبي علينا الموظفين.
ماشي يا ماهر هعمل ميزانية جديدة بزيادة جديدة وهزودهم بردو.
همهم بتوعد ثم قال 
طيب حيث كده بقا روحي على مكتبك هتلاقي بهاء سايب لك أوراق صفقه جديدة لينا مع شركة إماراتية عشان مشروع رأس الحكمه عايزك بقا كده زي الشاطرة تراجعيه وتجهزي بريزنتيشن على مستوى عالي نقدمها لهم يالا يا ست الشريكه ورينا شطارتك.
ناظرته بأعين ناريه وقابلها هو بنظره مستخفيه تبادل نظرات أعلن الحړب لنرى لمن ستكن السيطرة
تحركت تجلس على مكتبها لتعلم حجم التحدي الممېت ماهر يضربها فوق دماغها فالأوراق الموجودة أمامها كلها أرقام ومصطلحات لاتفقه منها شيء.
حاولت التوصل لحل والا ټنهار وتهزم رفعت هاتفها وقررت الإستعانة ببهاء ذاته لكن توقفت أناملها أمام تلك الرسالة المرسلة لها من رقم محاميها وما تحتويه بداخلها.
يتبع
ياريت نكون حلوين مع بعض ونفضل مستمرين على كده عايزه الحلقه دي توصل ل٣٥٠٠ لايك وريفيرهات كتير كتير ټغرق الدنيا تعبر عن رأيكم وترفع الريتش وأول ما نوصل لكده بنزل الحلقه الي بعدها زي ما بتشوفوا.