اسميته تميم بقلم هند الحبال

علي خدي وبان علي وشه الجمود وقال

فيكي أيه!!
بدأت أحكي له عن قربي من حمزه وقد أيه كنت غبيه لما مسمعتش كلامه بدأت أحكي له عن خداعه لي وأستغلاله لمشاعري.
قام وقف وخد بعضه ومشي مشي بعصبيه مشي وأنا عارفه أن مشيانه ده وراه كارثه.
سندت راسي علي السرير وأنا معنديش حيل للمناهده ولا عندي حيل أفكر في اللي ممكن يحصل.
غمضت عيني وروحت في النوم في مكاني صحيت علي صوت تليفوني فضلت أدور عليه لحد ما لقيته مرمي جمب التسريحه.
كان تميم رديت وكان جملته

أنزلي دلوقتي حالا
ملحقتش أرد كان قفل المكالمه.
وبما أني لابسه هدومي من أمبارح قررت أنزل أشوف في أيه.
أول ما نزلت لقيت تميم واقف وحمزه!! حمزه واقع علي الأرض ومتبهدل.
پصدمه بصيت ل تميم وقلت

أيه اللي عملته ده!!
عشان قبل ما يفكر بس يبص لك يفتكر وقعته دي

أيوه بس أنا مش عايزه مشاكل

مفيش مشاكل طول ما أنا موجود
مسكه من ياقة القميص ووقفه وقال

يلا تعالي خدي حقك منه
بصيت له وبعدين بصيت ل تميم كنت متردده لحد ما لقيت تميم بيكرر جملته قربت ورفعت أيدي ونزلتها علي وشه.
بص لي وهو مكسور كان بيعيط بصيت له بقوه وقلت

خساره فيك حتي الكلمه الحلوه اللي قولتهالك أنت متستاهلنيش تستاهل واحده زباله زيك تلعب بيك
تميم شده وزقه بعيد ربعت أيدي وتميم حط أيديه في جيوبه وبقينا نتفرج عليه مسح دموعه بكم القميص ومشي.
اتنهدت بس المره دي اتنهدت براحه.
بصيت ل تميم لقيت عيونه علي فضلنا نبص لبعض كانت نظرته لي غريبه بس حلوه.
بعدت عيوني عنه وقلت

أنا متشكره جدا علي اللي عملته
هز راسه وقلت

عن أذنك لازم أطلع
هند!!
بصيت له بعد ما مشيت وقال

أتمني تكوني كويسه دلوقتي
هزيت راسي وقلت

أنا كويسه بس لو مكنتش بعدت يا تميم وفضلت جمبي أكيد مكنتش وصلت للحاله دي
سكت وابتسمت بزعل وطلعت.
أسميته_تميم
هند_إيهاب_الحبال