بنات الحارة ١٩ بقلم نسرين بلعجيلي

خدها بس ابتسمت ابتسامة صغيرة وقالت بصوت خاڤت.
زينب أنا جعانة.
أسماء بضحكة أهو كده تعالي كلي البيتزا هتبرد.
زينب قعدت وخذت أول قطعة.
أسماء عايزة تسمعي أغنية
زينب بس من غير نكد.
أسماء يعني هقفل الموبايل ما كله نكد في نكد .
ضحكوا الاتنين وكانت أول ضحكة في وش زينب من أيام.
هاجر راحت شقتها مع صفية علشان يشوفوا الحاجات اللي ناقصة ويشوفوا الحاجات اللي جابها العريس.
صفية إيه ده يا بت
هاجر في إيه
صفية مش ده اللي اتفقنا عليه بصي الدولاب والسرير.
هاجر مالهم بس ما هم حلوين.
صفية إتوكسي يا بت دول جاهزين مش معمولين وكمان حاجة رخيصة شفت هما علشان المطبخ عملوا فينا إيه ولا أمه الحرباية وقفت لنا على واحدة ونص ولا اتنازلت عن حاجة من الجهاز
هنا ما كانوش متوقعين وجود محمد وأمه اللي أول ما شافت صفية ركبها مېت عفريت.
أم محمد هي مين الحرباية يا ولية يا معفنة
صفية أنا معفنة فشړ يا حبيبتي قال معفنة.
محمد صلي على النبي.
أم محمد شايف مجايبك يا خويا أهو ده النسب اللي يشرف.
صفية وماله نسبنا يا أختي إحمدي ربنا إننا وافقنا على المعدول إبنك. شايفة نفسك علينا ليه
أم محمد حقي أشوف نفسي لأني بنت أصول ومتربية كويس وأعرف الحلال والحرام والصح والغلط.
هاجر عيب اللي بتعملوه ده إحنا مش في وقت خناق.
صفية أسكتي إنت واركني على جنب. بتقولي إنك بنت أصول هي الأصول بقى تقول إنكم ما تنفذوش الاتفاق مش إنت وقفت على الراجل والصنايعي لحد ما خلص المطبخ وكلفنا شئ وشويات ليه تغيري أوضة النوم اللي اتفقنا عليها
أم محمد بكيفي ومزاجي واحمدي ربنا إني أصلا راضية أكمل في الجوازة المهببة دي.
صفية نعم نعم يا ولية يا خرفانة! إنت بقى اللي راضية ولا إحنا اللي راضيين بيكم إوعي من وشي الساعة دي أنا عفاريت الدنيا بتتنطط قدامي.
أم محمد والله ده بيت إبني أقعد فيه براحتي زي ما أنا عايزة. إنت اللي جاية هنا.
صفية أستغفر الله العظيم.
أم محمد أيوه أيوه إستغفري كثير علشان ربنا ينظف السواد اللي في قلبك.
صفية لا إنت زودتيها خالص.
أم محمد بصي أنا لولا حلفان جوزي عليا بنتك ما تدخلش بيتي ولا تاخذ ابني بس حكم القوي بقى وأنا ست تحترم كلمة جوزها علشان راجل مش زي الدلدول جوزك اللي شايف پهدلة بنته ومش قادر ينطق قدامك.
اسمع يا واد لو عايز البت دي إذبح ليها القطة من أول يوم علشان ما تبقاش نسخة من حماتك.
صفية ماقدرتش تسكت أكتر من كده راحت ناطة على أم محمد جابتها من شعرها....
روايات نسرين بلعجيلي Nisrine Bellaajili 
اللي يختارك في العتمة هو اللي يستاهلك في النور.
بس لو اضطرك الظلم تدافعي عن نفسك ما تعتذريش عن صراخك.
السكوت في وسط الهدم اسمه خړاب مش حكمة.
اللهم ارزقني نفسا

مطمئنة ترى الخير في كل شيء وتثق أن ما كتبته لي أجمل مما تمنيته.
واجعلني قوية بما يكفي لأكمل الطريق حتى وإن خانتني الدموع وخذلتني الأيام.
بقلم نسرين بلعجيلي Nisrine Bellaajili