زواج لدقائق معدودة الجزء الثاني ٢ بقلم زهرة الربيع
شروق بصتلها بدهشه وقالت ....يا بت وطي صوتك هتفضحي اللي جابونا ....وبعدين ايه السؤال ده راجل ومره وبقول لك مقضيها معها هيكون كيف يعني
غنوه غمضت عنيها پغضب واضح وجابت النقاب بتاعها ولبسته بسرعه
شروق قالت باستغراب...لبستي ده تاني ليه
غنوه خدت نفس وقالت...هروح اطمن على سند انا مشفتوش واصل من وقت ما جينا
ولسه هتمشي شروق مسكت ايدها وقالت بزهول ...تطمني عليه ليه هو انتي اخته في الرضاعه ..ولا عايزه تفضحينا هنه
بقلم....زهرة الربيع
عند نوح كان هو وعمه في المكتب ونوح كان بيزعق پغضب وقال... لما بتك هتتخطب ونويت تجوزها من بره ما جبتليش سيره ليه يا عمي دلوك بقيت تتصرف لحالك... وبقيت تجوز بناتنا من بره لبره ومن غير ما اعرف حتى
حكم قعد وقال بضيق ....مهو انت لو تهدى هرد عليك.. بقالك ساعه بتسال وما راضيش تسكت واصل
نوح قال پغضب..... اديني ساكت ...اتفضل رد يلا قول اتكلم مقولتليش ليه ان بتك جايه وساحبه خروف وياها
حكم اتنهد وقال.... انا مقولتش لاني عارف انك مهترفضش اكيد مهتكرهلهاش الخير.... يا ولدي ده دكتور كانت بتدرب عنديه في دراستها وكيف ما انت شايف شاب ما فيش حاجه تعيبه مالي مركزه وحالته الماديه زينه قوي
نوح قال پغضب...لا يا عمي انت متاكد اني هرفض وعلشان كده مقولتليش ..وزي ما قال هو عملتهالي مفاجأه علشان تحطني في امر واقع
حكم حمحم وقال...ماشي..معاك حق...انا عارف انك مهتوافقش وهتخاف على شروق لانو واحد غريب عنينا وعشان كده قلت لما تشوفه بعينك وتعرف قد ايه هو جدع زين يمكن تشاور عقلك
نوح قال بحزم...اديني شوفته قدامي وبردك مموافقش
حكم قال باستغراب.... مموافقش ليه...ايه السبب
نوح قال بعند ...كده من غير اسباب منازليش من زور
حكم اتنهد وقال.... ده لان الموضوع جديد عليك دلوك تقعد مع حالك وتعرف ان عمرنا مهنلاقي عريس انسب منو لشروق متنساش يا ولدي اللي كان ينفعها زمان ما ينفعهاش دلوك يعني مش بس عشان مشكلة رجلها كمان هي دلوك بت مطلقه ..وده عيب مش اي حد يرضى بيه
بس قاطعو نوح وقال پغضب.... شروق عمرها ما كانت معيوبه يا عمي مفيهاش اي عيب... لو على موضوع رجلها ده حاجه ما تعطلهاش ولا تعيبها ده اختيار ربنا زمينقصش منها حاجه ولو على طلاقها فده بردك اختيار ربنا ولا هيه اول ولا اخر واحده تطلق
حكم قال بحزن.... ده اللي انت هتقوله عشان مربيها على يدك وكيف ابوها لكن الناس ليها رأي تاني يا ولدي
نوح قال پغضب..... ما يولعو الناس يا عمي ما يولعو هي الناس كانت تعبت معاها ولا اتحملت اللي هيه اتحملته ....الجوازه اللي اتحسبت عليها دي احنا السبب فيها احنا اللي اديناها اللقب اللي مش عاجبك ده.... انا وانت يا عمي ولا نسيت
حكم نزل
