زواج لدقائق معدودة الجزء الثاني ٢ بقلم زهرة الربيع

عيونه بحزن وقال.... مناسيش يا ولدي وعشان كده عايز اعوضها باللي قلبها اختاره حتى لو مش على مزاجي
نوح بصله بدهشه وقال... قلبها اختاره... كيف ما فاهمش هيه...هيه شروق رايده الجدع ده
حكم قال بسرعه ....امال يعني وافقت عليه وجايباه لحد هنه ليه اكيد مياله ليه يا ولدي.... انا هطلع دلوك وارحب بيه واشوفه لو محتاج حاجه وانت فكر مره تانيه ..البت كفاياها اللي حصلها واللي ضاع من عمرها...لازم تعيش لها يومين بردك وتتستر
قال كده ومشي ونوح كان واقف مصډوم مكانه مش عارف ايه اللي معصبه وايه اللي مزعله للدرجه دي ...عيونه بتشعل ڠضب كل ما يفتكر نبيل هيئته مركزه معقوله فعلا تكون بتحبه معقوله نسيته او استبدلته ڠضب مش عارف سببه ولا لاقي له مبرر كل اللي عارفه ان شروق غلطانه وتصرفها مش مقبول مش هيسكت عليه ابدا
هز راسه دليل موافقه على افكاره وطلع على اوضتها متنرفز جدا
عند سند كان رايح على اوضته وحليمه وقفت قدامه وقالت... على فين يا ولدي...مشيت على طول ليه واحد غيرك زمانه فرحان ومظقطط حبيبة القلب رجعت اها
سند غمض عينه بضيق شديد وقال..... انا تعبان وعايز انام
و لسه هيمشي قالت بسرعه..... انا جاهزه اجوزك شروق ومتقلقش من الجدع اللي جاي معاها ده انا هجوزها لك اعتبره وعد مني....بس تسامحني يا سند وتنسى اللي حصل انا عايشه معاك في دار وحد بس لسانك بيخاطب لساني كيف الاغراب ...انت كنت زعلان على شروق لان بسبب اللي انا عملته مبقتش من نصيبك...بس اهي شروق رجعت وانا هخليها ملك اديك بس ترجع ولدي وحبيبي كيف زمان
سند ابتسم بسخريه وقال.... وكيف بقى ياما... المره دي هتحطيها في اوضة نجاتي.... ريحي حالك انا لا بخاطبك ولا بخاطب غيرك...واللي عملتيه عفا عليه الزمن
ولسه هيمشي مسكت ايده وقالت بسرعه ....لو انت نسيته فعلا وعافي عليه الزمن مبتكلمنيش ليه كيف الاول
سند ابتسم والدموع جوه عيونه وقال ....عشان انا ما بكلمش اي حد زي الاول ياما ...لو صوح هامك امري كنتي خدتي بالك اني خلاص مبقاش ليا نفس لاي حاجه....وريحي حالك انا ولا عايز شروق ولا عايز غيرها
حليمه قالت پغضب.... كل ده عشان بت الجزار اللي في كل الاحوال كانت ھتموت..دي واحده كانت كده كده مېته الله يجحم اللي بلانا بيها
سند قال پغضب شديد..... اخوي ما بلاناش يا اما اخوي كان بيحمي روح لسه ملحقتش تعيش وتشوف حاجه من الدنيا وانا انا اللي قټلتها انا... غنوه ماټت بسببي باديا دول اخذتها على هناك اخدتها على مۏتها ...هو كان بيحميها وانا اللي مۏتها انا السبب.... انا ما استاهلش اعيش بعد ما قطعت عيش واحده ما عرفناش ذنبها حتى ...ولولا اني لسه طمعان في رحمة ربنا مكنتش عشت