زواج لدقائق معدودة الجزء الثاني ٣ بقلم زهرة الربيع

وتتمعشقي وتقلي ادبك
شروق قالت پغضب.... حسن كلامك وياي يا نوح انا عارفه حدودي زين ...وانت ما لكش حكم علي ولا ليك انك تسألني اصلا
نوح شدها پغضب عليه وقال.... امال مين اللي يسألك ...دلوك ما بقيتش ليا كلام عليكي.. دلوك بقت شورتك من راسك..لا وعايزه تتجوزي كمان عشت وشوفت
شروق اتألمت من مسكته وقالت... هملني يا نوح ...هملني بقولك
نوح كان ماسكها ومش راضي يسيبها وبقى يبص لملامحها اللي اشتاق لها قوي وهديت ملامحه وقال بتوهان ....الملامح دي كانت وحشاني قوي....اتوحشتك يا شروق...اتوحشت بتي اللي مخلفتهاش
شروق دمعت عيونها بس مش من الفرحه ابدا كان احساس بالالم و الحسره حست پخنقه من كلامه ..الكلام اللي كانت طول عمرها تتمنى ربعه انما دلوقتي بقى زي الهم على قلبها قالت بضيق....ولو ان ده ملوش دخل في اللي كنا بنقوله....لكن تمام انتو كمان كلكم هنا وحشتوني و مهما كان خلافي معاك بس هتفضل اخوي واكيد اتوحشتك
نوح بصلها بدهشه لما قالت كده وقال... اخوكي.... انا اخوكي وضحك جامد وقال.... ده سنه كام ان شاء الله
شروق نفخت بزهق وقالت..... انا جايه تعبانه وعايزه اريح
نوح ابتسم بسخريه وقال.... ماشي يا بت العم.. ريحي خدي النهارده كله راحه...وبعد كده ويانا مواضيع كتيره هنتكلموا فيها مش انا اخوكي ....يبقى لازم اطمن ان العريس اللي جاي لاختي ده عريس زين ويملى العين
شروق قالت پغضب ....بس ابويا موافق و
بس قاطعها وقال بحزم.... بس انا مش موافق....و انا مش بس ابن عمك و اخوكي زي ما قولتي...لاه... انا كمان عمدة البلد و كلامي بيمشي على الكل يبقى لازم يمشي على اهل بيتي كمان
لسه هيمشي قالت بسرعه ....صحيح انت ما اتجوزتش ليه لحد دلوك يا عمده.....معقوله قعدتو سنتين كمان خطوبه...بس ان شاء الله ما يكونش في مشاكل
نوح ابتسم بسخريه وقال.... لاه في مشاكل... وكتيره كمان... انا ودولي مټخانقين.. ومعرفش لسه مقررتش يمكن ما يبقاش في جواز اساسا
شروق قالت بسخريه....اممم... ربنا يهدي سركم
نوح ابتسم وقال.... اتغيرتي قوي يا شروق.... كأني قدام واحده ما اعرفهاش
شروق ابتسمت وقالت.... محدش بيفضل صغير طول عمره ....بيعيش الانسان وبيتعلم يا عمده
نوح اتنهد بضيق وقال...معاكي حق...بس خدي بالك سعات كتير بنتعلم وبنفهم بس بعد ما بنكون ضيعنا حاجات كتير وبنفهم قيمتها متأخر
قال كده ومشي بسرعه وخنقه
وشروق ما صدقت انه طلع قفلت الباب بسرعه واترمت على السرير بضيق وحزن
عند سند بص لغنوه بدهشه ومش مصدق اللي بيسمعه قال بذهول...وبتقولي قدامي كمان انك ضحكتي على البت ونزلتيها ھتموت من الخلعه انتي مجنونه يا بت انتي ...اتحدفتي عليا من انهي داهيه
غنوه وقفت وقالت پغضب...مهو من عمايلك... مش عيب عليك تبقى شاب كبير طويل عريض كده وتعمل الحركات القرعه دي مع الخدم...لو حد شافك يقول عليك ايه