زواج لدقائق معدودة الجزء الثاني ٣ بقلم زهرة الربيع
اللي ايتسم لها بمعنى عادي
وقامت راحت تقعد جنب ابوها
بس نبيل سبقها بسرعه وشد لها الكرسي برده اللي جنب ابوها وهي ضحكت وقعدت عليه وقالت ...تسلم لي
نبيل ضحك وبص لنوح اللي كان هيتجنن من حركاته و قال ....العمده طلباته اوامر
و رجع قعد على الكرسي بتاعه ونوح كان متنرفز منه جدا
و نزل سند وانضملهم على الاكل وهو بيبص لغنوه بغيظ
وكان نبيل بيتكلم مع حكم وشروق طول الوقت
نوح قام من على الاكل وهو مخڼوق و سند قال باستغراب ...متقعد تاكل يا نوح انت ما اكلتش حاجه واصل
نوح بص على نبيل بضيق وقال.... نفسي مسدوده... كملوا اكلكم انتو وانا رايح المنضره زمن العيال جايين
نوح مشي وسابهم وشروق بصت لابوها باستغراب وقالت.... عيال مين اللي هياجو دول يا ابوي
حكم قال ....دول شويه عيال من هنا بيحبوه قوي ومعلقين معاه بيقعد معاهم ساعتين يعلمهم شويه في دروسهم او قران او لعب عصايه كده يعني بيتسلى معاهم اهو بيضيع وقتو
شروق اندهشت اكتر وقالت....بيضيع وقته....وهو نوح من امتى عنده وقت فراغ يضيعه
ابوها اتنهد بحزن و قال.....ما خلاص مفاضلش معاه غير العموديه ....من يوم ما شالوه من مجلس النواب وهو شبه مبيعملش حاجه... الا لو حد عايز خدمه في البلد او استشاره بيقف معاه بما انه العمده يعني ..غير كده بيبقى فاضي
شروق. قالت پصدمه ...ايه...شالوه من المجلس..شالوه كيف مين ده اللي شاله
بقلم....زهرة الربيع
حكم قال .... ده من بعد ما مشيتي على طول يا بتي...اصل من وقت ما ماټت اللي اسمها غنوه هو كمان يومها اتحرق قوي على مۏتها لان كان اللي اسمه حسنين ده مديه عهد انه ما يقربلهاش ..
قامو اخوات حسنين اتجننوا من اللي حصل وراحوا زقو ناس على اللي ما يتسمى اخو اللي ما تتسماش
غنوه كانت سامعه اللي بيتقال وشرقت وبقت تكح جامد
نبيل اداها ميه وهويدا بقت تضربها على ضهرها وتقول..اسم الله يا بنيتي
شروق كمان اتوترت جدا وقالت ...ثواني بس مين اتلم على مين احكيلي الحكايه كلها يا ابوي
حكم قال...اخوات حسنين زقو ناس على اخو البت اللي ماټت وهو الله يخربيتو السبب في كل اللي حصل لنوح
غنوه وقفت وقالت پصدمه...حميد
الكل بصولها باستغراب وهيه خدت بالها و قالت بتوتر ...يعني شروق قالت لي على حكاية البنت دي وقالتلي اخوها طيب فاستغربت
حكم قال بحزن....ولا طيب ولا حاجه ده بلع الطعم اخوات حسنين بعتولو كام واحد سلطوه يقلب على نوح لانو محماش اختو زي ما وعد...وفعلا سمع منهم واتقلبو كلهم على نوح قالو مش اهل للدايره وميستهلهاش وسقط في الانتخابات بسبب البت دي علشان كانت في حمايتو
غنوه وشروق اټصدمو بشده وحكم كمل وقال....من يومها يا ولداه مقامتلوش قومه ... طبلت على دماغه من كله الوزير وبته فسخوا الخطوبه.... يعني طبعا
زي ما انتو عارفين هم عايزين ايه الخطوبه كلها كانت علشان مركذه...بس ربك بالمرصاد معدتش سنه والوزير نفسه شالوه من الوزاره قالوا انه لا يصلح طبعا لان نوح مساعدهوش بعد اللي حصل
ودلوك رجع تاني هو وبته يتمحكوا بس نوح ما راضيش بيقول انهم موقفوش معاه في ازمته
سند قال بدموع وتوتر واضح...انا..انا السبب انا اللي قټلتها..انا السبب في كل اللي حصلهم انا
وقام بسرعه ودموع
حكم قال بحسره..لا حول ولا قوة الا بالله .ياحسرتي عليك يا ولدي...اهو ده كمان على الحاله دي من يميها...البت اللي اسمها غنوه دي زي ما تكون لعنه وصابت البيت
شروق وقفت بسرعه وقالت بتوتر.... رقيه عايزاكي بسرعه قومي معايا
ابوها قال...واه.... سيبي البت تاكل
بس شروق شدتها بسرعه وقالت .....هي شبعت شبعت يا ابوي كلنا كلنا والحمد لله
واخدتها وطلعت بره البيت كله في الجنينه وقالت بړعب .....سمعتي اللي ابويا قاله ..يا مرارنا المستعجل يعني بسبب موضوع موتك ده واحد اتتجنن والتاني اتخرب بيته ده لو عرفوا انك عايشه هيعلقونا.... ولما يعرفوا ان انا كنت عارفه كمان هيقطعوني معاكي
غنوه اتوترت قوي وقالت ....يا بت اهدي ما حدش هيعرف ان شاء الله انا مش هخلي وشي يبان لاي مخلوق بس بقى انا بطني وجعتني لوحدها معرفاش من اللي سمعته ولا عينكم في اللحمه اللي كلتها
شروق قالت بغيظ...لا يختي ۏجعتك من كتر الاكل ..انا اللي هروح فيها انا كنت عارفه من زمان انك عايشه ومتكلمتش ده نوح لو عرف هيسلخنا ويعمل كل كيلو صنف
غنوه قالت پغضب... يا بت اتكتمي انتي هتفضحينا بنفسك قلت لك انا هتصرف و
بس اتجمدو الاثنين مكانهم بړعب لما سمعوا حد من وراهم بيقول پصدمه...غنوه. وووووووو
زواج_لدقائق_معدوده_الجزء_الثاني
البارت_الثالث
بقلم_زهرة_الربيع
عايزه تفاعل جامد زي امبارح يالا يا حبيباتي اللي جاي يخض ارفعو البارت بمشاركات كتيييير علشان نكمل
متنشوش المتابعه هنا علشان يوصلكم قبل اي حد
الصفحة الرسميه للكاتبه زهرة الربيع
