زواج لدقائق معدودة الجزء الثاني ٤
الاولاد كلهم ضحكوا مره واحده ونوح ابتسم وقال.... والله كفايه هنعوزو ايه اكتر من كده... لكن انت مش خالك نجاتي هتطلع كيف يعني مستني منك تبقى نجيب محفوظ مثلا
بس قطع كلامهم دخول نجاتي لما قال ...نوح بيه فيه ضيفه بره
نوح بصلو باستغراب وقال....ضيفه..مين
نجاتي قال ....خطيبة جنابك بت الوزير
نوح اتنهد بزهق وقال ....كنت لسه بشكر في ذكائك لود اختك ....انا مش الف مره قولتلك خلاص موضوع خطيبتي ده انتهى ولما تيجي هنه مشيها طرقها وخلاص
نجاتي لسه هيتكلم دخلت دولي وقالت ....ما كانش العشم يا عمده..بقى انا جايه من مصر لهنا عشان تقول له مشيها... دي الضيافه بتاعتكم برده
نوح اتنهد بضيق وقال... يلا يا عيال روحو النهارده وابقوا تعالوا بدري شويه بكره
الاولاد اخدوا الكتب وجريوا ونوح شاور لنجاتي بعينه وسابهم وطلع
دولي قربت منه قوي وقالت..... كويس انك مشيتهم كنت محتاجه اتكلم معاك لوحدنا... وحشتني على فكره
نووح اتنهد پخنقه وقال بجمود.... جايه ليه
دولي قالت .... ليه المقابله دي يا نوح
نوح قال پخنقه .....استغفر الله العظيم يا رب...يا بت الحلال انا مبكرهش في حياتي قد مشاكلي مع الحريم لاني بجد بحتار فيها مبعرفش احلها ...لو كان راجل اللي قدامي كنت عرفت خليته ما يعتبش هنه تاني كيف ما ابوكي واخوكي مبيعتبوش السرايا من وقتها ....لكن الحريم بتوقفني عاجز
دولي خاڤت من لهجتو وقالت.... ده لانك شهم و اكيد عمرك ما تمد ايدك على واحده ست
نزح قال بسرعه وڠضب ....بس انتي شكلك هتخليني اعملها ....دي سابع مره امشيكي من هنه قولتلك موضوعنا خلص طيب مفيش كرامه مفيش مخ كمان
و لسه هيمشي مسكت ايده وقالت ....لا فيه كرامه بس بحبك يا نوح وحشتني مش هينفع تسامحني خالص.... يا نوح انت فهمتني غلط انا لما قطعت علاقتي معاك عملت كده لاني كنت زعلانه بسبب انك اتجوزت بنت عمك وكمان روحت حبست اخويا مع البهايم...على فكره مازن عنده مشكله نفسيه بسبب اللي انت عملته و لحد دلوقتي بنعالجه وبقى ېخاف اول ما تيجي سيره البلد هنا من حقي انا وبابا نزعل ونفركش كان المفروض تقدر موقفنا وتعرف انها فتره وهتعدي
نوح ضحك بدهشه وقعد على الكرسي وقال ....وايه كمان ...بقى انتي وابوكي قطعتو علاقتنا مع بعض عشان زعلكم على مازن.... والله صدقتك.... مش انا حضرت الموضوع بنفسي لكن صدقتك
وبصلها پغضب وقال.... اصغر صغير في البلد دي عارف انك انت وابوك قطعتو رجلكم من البلد وفركشتو الخطوبه وقت ماعرفتو اني مبقتش في المجلس...ده اصلا المنصب اللي كان بيساعدكم وكان فيه فايده ليكم ووقت ما خسرته مبقاش ليا قيمه عندكم ولا افتكرتو كل المرات اللي ساعدتكم فيها... بس ربنا ما بيسيبش حد المنصب اللي ابوكي كسبه بسببي مقدرش يحافظ عليه سنه واحده من بعدي عايزك تعرفي وتطمني انتي وابوكي اني راجع للدايره يعني راجع طالت ولا قصرت هرجع....و طبعا ابوكي اكيد عارف انه اكتر حد هيتأذى وقتها وعشان كده بيبعتك تحاولي ...روحي قوليله نوح بيقولك ما فيش فايده خليه يحفظ اللي باقي من كرامته وكرامتك ده لو لسه عندك كرامه
دولي قعدت على الكرسي وهي پتبكي جامد وقالت.... بابا خلاص شال موضوعك من دماغه.... بس انا مش قادره انساك خالص يا نوح مش قادره انا بحبك
بره في الجنينه كان سند واقف مع حميد وبيسأله اسئله غريبه جدا حميد نفسه استغربها وقال..انا لحد دلوك مفاهمش انت عايز تعرف ايه يا سند بيه
سند حاول يرتب الكلام وقال..... يعني كنت عايز اعرف غنوه اختك الله يرحمها كانت تعرفني ....تعرفني قبل موضوعها ده قبل ما تاجي السرايا يعني
حميد قال.... طبعا كانت تعرفك دي ياما خدت ضړب من ابوي لانعا كانت تهرب من البيت
