زواج لدقائق معدودة الجزء الثاني ٤
وتروح تشوف في الصابيه وانت بتتسابق بالخيل...وكانت تتعلم الفروسيه وتقول لما اكبر محدش هيسبقني واصل زي سند ود العمده
لمعت الدموع في عيون سند وابتسم بالم وقال.... طيب وغير السبق كانت تعرفني
حميد قال باستغراب..... تعرفك كيف يعني
سند اتنهد وقال ....ابدا..... الله يرحمها يعني كنت احس اني اعرفها قبل كده
حميد ابتسم وقال....ده لان اختي قريبه من القلب واي حد بيقول كده
سند ابتسم وقال بحرج.... انا ما اعرفش اقولك ايه...ولا عارف اوقف في وشك من وقتها ولا اعتذر لك انا السبب في كل ده
حميد حمحم وقال... اللي حصل حصل وخلاص احنا كنا زعلانين ومعارفينش بنعمل ايه ...يعني انا كمان غلطت معاكم باللي عملته مع نوح بيه
سند اتنهد وقال .....نوح كان ضحيه للي انا عملته زي غنوه... كان المفروض تحاسبني انا مش هو.... انا اللي طلعتها بره البيت مش قادره اسامح نفسي واصل مش قادر انسى
حميد صعب عليه جدا وحط ايده على كتفه وقال ....ربنا يهونها يا بيه اللي راح راح وربنا يسامحنا كلنا ويغفر غلطنا في حق بعض ....بالاذن انا
سند هز راسه وقال...تمام...مع السلامه و لو احتجت اي حاجه انا في الخدمه
حميد ابتسم وقال.... العفو يا بيه ..انا اللي في خدمتكم دايما
ومشي بسرعه وهو متوتر جدا وحاسس بتانيب ضمير من ناحيته وكمان خاېف نوح يشوفه
سند بص لطيفه بدموع وبقى يفكر في كلامه هو فاكر ان غنوه قالتلو انها كانت متابعه المسابقات بتاعته بس مش قادر ينسى الجمله اللي قالتها قبل ما تتقتل...لما سالها وافقتي تتجوزيني ليه طالما مش خاېفه على اخوكي عشقاني في الضلمه....وقتها قالتلو لا عشقاك في النور
من وقتها مش قادر ينسى الكلمه دي ولا قادر ينسى نظره عيونها ابدا
اتنهد و نزلت دمعه من عيونه وهو بيفتكر وقت ما وقعت بين ايديه وكانت اخر مره يشوفها فيها
على جنب ورا الشجره غنوه كانت بتبص عليه وسمعت كل كلامه مع حميد ابتسمت بدموعه وقالت... يحزن اللي حزن عينيك يا غالي ...ربنا يديم طيبة قلبك
بس انتفضت لما حد حط ايده على كتفها التفتت پخوف واتنهدت بارتياح لما لقتها شروق وقالت ....فزعتيني يا شروق كنت هصرخ ونتفضح
شروق بصت لها پغضب وقالت....هو صرلخك بس اللي هيفضحنا.... انت كلك هتفضحينا جايه وراهم ليه افرض كان سند شافك وانتي بتتصنتي عليهم كنتي هتعملي ايه وقتها
زواج لدقائق معدوده الجزء الثاني حصريا لاول مره على الصفحه الرسميه للكاتبه زهرة الربيع
غنوه قالت بحزن .....سند يا شروق...سند تعبان قوي شايل ذنب تقيل في رقبته الواد قلبه محروق..... كيف عشان اعيش اموت حد تاني بالبطيء كده..... مكنتش اعرف انو مهتم وشايل في نفسه كده ده انا فكرت هرجع الاقيه مش فاكر اسمي
شروق اتنهدت وقالت..... يا بت الناس سند مسيره هينسى لكن انتي لو حد عرف بوجودك مهتعرفيش تعيشي بعدها ... وبعدين انتي دايره ورا سند ليه... انا مبقيتش فاهماكي
غنوه بصيت لها بغيظ وقالت.... ولا عمرك هتفهمي حاجه... روحي خليكي في حالك وسيبيني في حالي وما تخافيش مش هخلي حد يعرف عني حاجه
شروق قالت بغيظ.... انا همشي دلوك لاني سايبه نبيل من الصبح مسألتش فيه ...بس لو مجيتيش وراي بعد كده مليش صالح بيكي واصل فاهمه ولا لاه
غنوه نفخت بضيق وقالت...هاجي وراكي ...هاجي خلاص
شروق مشيت وغنوه رجعت ورا الشجره تاني بقت تبص على سند وتتأمل ملامحه من بعيد
عند نوح كان زهقان جدا من دولي وحركاتها وقال.... هتخلصي المسرحيه دي مېته يعني
دولي وقفت وقربت منه وقالت... هو انا موحشتكش خالص يا نوح ...مش فاكر اوقاتنا سوا خالص يا عمده
وقربت من شفايفه قوي وقالت..... على فكره شفايفك وحشوني
نوح اتخنق جدا من قربها وقال ....ارجعي دارك يا دولي ما فيش فايده من اللي بتعمليه ده ...
بس قطعت كلامه لما قربت منه بقوه
نوح اتفاجئ جدا ولسه هيدفعها شروق دخلت واټصدمت بالمنظر قدامها
نوح اول ما لمح شروق شدها ليه اكتر وبادلها بنفس الطريقه قاصد انها تشوفهم
عند غنوه اتنهدت بحزن من حالة سند اللي بقى دايما سرحان وقاعد لوحده عكس مكان الاول خالص اتنهدت ولسه هترجع البيت وبتتقدم اول خطوتين حست بحاجه بتشدها من النقاب من ورا
التفتت واتفاجات بالنقاب بتاعها ماسك في الشجره اللي كانت مستخبيه وراها بقت تحاول تفكه بس ما رضيش يتفك ابدا
لسه بتحاول تفكه براحه اتفاجأت بسند قام وجاي ناحيتها حست بړعب من الموقف وشدت النقاب بكل قوتها واندفعت وقعت على الارض والنقاب اتقطع نصين
غنوه لطمت على خدودها بذهول من اللي حصل والصدمه الاكبر ان النقاب لما اتقطع المايك وقع على الارض بقت تحاول تلاقيه وسط اوراق الشجره وبتدور على الارض پخوف شديد وبتقول.... يا مراري والله ورحتي فيها يا غنوه اتكشفتي خلاص
بس اتجمدت مكانها لما سمعت سند بيقول من وراها وووو
#زواج_لدقائق_معدوده_الجزء_الثاني
#البارت_الرابع
#بقلم_زهرة_الربيع
عايزه تفاعل عظمه علشان نشوف اللي هيحصل
مشاركات كتير يا بنات وتفاعل جامد جدا الاحداث الللي جايه مرعبه يللااااا عايزه حماااس انطلقووو🏃♀️🏃♀️🏃♀️
