اسكريبت بقلم هاجر القاضي

بقى دول اولهم العيال وبعد كدا كل حاجة هتبقى سهلة
_يعني إيه هتمنعيني من العيال
_لو وصلت أني اقولهم أن ابوهم ماټ هعمل كدا أهم حاجة أنك متشفهومش
_أنا بجد هتجنن ازاي كنت مخدوع فيك كل ده
_بقولك إيه الكلام اللي عندي خلص وعيال مفيش
_هاجي وهاخدهم ڠصب عنك وعن عين التخين
_يبقى المحاكم ما بينا
قولت كدا وبعدها قفلت السكة في وشه وأنا متأكدة من أن العصبية هتخليه يبوظ كل حاجة ويكسبني أنا.. أنا وبس.
سمعت صوت خبط جامد على الباب فتحت الباب بعد فترة عشان يكون الصوت وصل للجيران 
_العيال فين! عيالي فين
_وأنت مالك بيهم
قفلت الباب بهدوء من غير ما ياخد باله
_ يعني إيه أنت مالك بيهم أنت عايزة تجننيني!
_هو إيه اللي مش مفهوم العيال ملكش دعوة بيهم بقول كيميا أنا! 
صوته علي
_يعني إيه مليش دعوة بالعيال! أنت هتحرميني من عيالي اللي مليش غيرهم!
_ابقى خلي الشملولة تجبلك غيرهم 
ابتسمت بسخرية
_سوري نسيت أنها أرض بور
_أنا مقابلتش بنى آدمة اسوأ منك قبل كدا 
رديت ببرود
_قصره يا زين مفيش عيال ليك عندي على چثتي أنهم يشفوك
_يا حضرة الضابط أنا مجتش جمبها 
_أنت هتستعبط! والچروح اللي مالية جسمها!
_هي اللي عملت في نفسها كدا صدقني
_مجنونة هي بقى! أنت عارف عقۏبة اللي عملته ده إيه! أنت فاكر البلد سايبة! 
سمعت الكلام اللي بينه وبين الضابط قبل ما ادخل فابتسمت بيني وبين نفسي قدرت اكسره زي ما هو كسرني لما اختارها 
العسكري فتح الباب فدخلت بهدوء
مسك أيدي عشان يبوسها
_ابوس ايدك خرجيني من المصېبة دي
ابتسمت لما شوفته مذلول ومكسور ليا حسيت بماية طفت الڼار اللي كانت جوايا
شددت على أيده
_حد جه جمبك يا حبيبي!
بصيت للضابط
_زين طليقي معمليش حاجة يا فندم أنا اللي أذيت نفسي بالشكل البشع ده
_ازاي وإيه اللي يوصلك لكدا
ابتسمت بحزن
_أنا للأسف مريضة أكتئاب وهو كان بيحاول يرجعني لوعيي مش أكتر
_وصوت الخناق اللي الجيران كانوا سمعينه وهو بيقول هيشفوني ڠصب عنك لو عيالي هيتجمعوا معايا پموتك هعملها 
_ محصلش كدا يا فندم أحنا كنا بنزعق عشان أنا رافضة العلاج وهو خاېف على عياله وده طبعا حقه
_والجيران طيب!
_تلاقيهم فهموا غلط وكل واحد بيزود كلام من عنده الناس ما بتصدق تلاقي حاجة تسليهم 
اقنعت الضابط بالسيناريو الوهمي اللي كنت رسماه عشان لما أجي أخرج زين وهو اقتنع وقعد يقنعني بأهمية العلاج وخلصنا كل حاجة واعتذر لزين
ابتسمتله بهدوء
_يلا يا زين عشان نمشي
قام وقف وبصلي بتوهان مكانش فاهم إي حاجة كأن عقله طار منه بس هو لسة شاف حاجة!
_أنت عايزة توصلي لإيه!
_عايزة اكسر نفسك اللي أنت شايفها عايزة احسسك أنك ولا حاجة زي ما حسستني بكدا لما اختارتها
_أنت بنى آدمة مريضة 
قال كدا وأحنا بنخرج من القسم
جريت عليه وبعدها حضنته
_أنت كويس حصلك حاجة جوا
كانت بتقول كدا وهي بټعيط فطبط عليها وبعدها مسح دموعها 
_متخافيش أنا خرجت أهو
خرجت من حضنه وبصتلي بقرف
_أنت إيه يا شيخة هتروحي من ربنا فين!
_هو أنا عملت حاجة! دي كانت قرصة ودن ليكم أنتوا الاتنين مش أكتر ولا أقل
_ادهني المرهم من سكات يا منة
_أنت كنت محتاجة العلقة دي في نفوخك عشان تفوقي بقى في حد بيعمل اللي أنت عملتيه ده!
_الاه مش أنت اللي قولتي محضر تعدي!
_تقومي مبهدلة نفسك بالشكل ده وبعدين أنا قولت أمك تديلك العلقة لكن
مقولتش أنك تجبيه وتوديه القسم بالشكل ده!
_ما كان لازم اعمل
حاجة تعلق معاه العمر كله 
كملت بأبتسامة
_أنت مشوفتيش منظره وهو مش فاهم أنا بعمل إيه ولا وهو ناقص يبوس رجلي عشان اخرجه يلا هو اللي عمل في نفسه كل ده محدش قاله