اسكريبت بقلم هاجر القاضي

هشوف بابا تاني
_بعدين يا يونس 
بصيت على زين شوفته وهو بيقاوم عشان الدموع متنزلش من عينه 
نزلت يونس على الأرض وخليت منة تدخله الأوضة
فضلت واقفة باصة لزين مستنياه يقولي يلا نرجع بس هو مقاليش كدا! بالعكس ده مسك نفسه وكأنه بيقولي أنه عمره ما يتكسر قدامي!
خدت نفس وعليت صوتي
_أظن أن كدا خلصنا يا زين 
فتحت باب الشقة
_يلا اتفضل من غير مطرود ملكش حاجة عندنا وابنك واخترني 
مردش عليا ومشي من سكات
_اتفو على دي تربية
غمضت عيني ورديت عليه بعند
_أنا مغلطتش في حاجة يا عمو 
_لأ غلطتي والغلط راكبك من فوقك لتحتك أسوأ حاجة لما يتسلط على الإنسان نفسه وأنت لا حول ولا قوة إلا بالله 
شاور على ماما
_شايفة أمك دي خربت بيتك من تاني زي ما خربت بيتك الأولاني وفرقتك عن اللي بتحبيه بحجة أنه الحب مش بيأكل عيش وفي الأخر طليقك الاولاني ربنا كرمه واتجوز وعاش عادي بعد ما اطلقتي مكانش قدامك غير أنك تبقى زوجة تانية والحمدلله الراجل طلع كويس ويعرف ربنا وعادل فضلت تزن على ودانك وتقولك خليه زي الخاتم في صباعك واسير تحت دراعك وفي الأخر إيه أطلقتي أمك دي مش ديمالك ما هي مش مخلدة في الأرض في الأخر أنت اللي هتبقي لوحدك 
شاور على منة
_شايفة صاحبتك دي اللي قاعدة بترفعلك قواضي عليه وتقولك تدخليه القسم ازاي آخرها معاك لحد الساعة كام وتروح عشان جوزها وتسيبك ضيعتي راجل زي الفل بسبب شيطانك وشيطانهم وفرقتي أب عن عياله 
بلع ريقه
_عارفة حتى عيالك مسيرهم يوم ويسبوكي ويروحوا ليه هو أنت فاكرة أن يونس هيسامحك ابنك عمره ما هينسى اليوم ده الله يسامحك يا شيخة ويهديك قبل فوات الآوان
قال كدا وبعدها مشي كنت محتارة جوايا جزء بيقولي كفاية كدا إيه اللي أنا بعمله ده في الأخر محدش هيتأذى غيري وجزء تاني بيقولي هي الدنيا كدا كدا بايظة فلو هتبوظ تبوظ على الكل مش عليا أنا لوحدي! والجزء ده هو الأقوى من الجزء الأولاني! الجزء اللي خسرني كل حاجة جزء عبارة عن طاقة غل وحقد وكره وبس!
_لسة تعبانة
بصتلها وهزيت راسي بمعنى آه
_حسبي الله ونعم الوكيل في كل من ينكد ويقهر بنتي كدا 
_تفتكري يا ماما عمو صح
_عمو مين اللي صح هو عمك ديما كدا يحب ياخد اللقطة ويتقال عنه العاقل وبعدين يا عبيطة عيالك عمرهم ما يقدروا يسيبوك بقى هيسيبوا أمهم ويروحوا برجليهم لمرات أبوهم! 
_معاك حق يا ماما
_تبديد عفش 
_يعني إيه يا منة
_يعني ترفعي عليه قضية بأنه سرق العفش بتاعك
_بس هو مسرقش حاجة والعفش في البيت هناك عادي 
_الموضوع بسيطة نسرقه أحنا
_أزاي يعني!
_أزاي دي سهلة وكدا كدا أنت قاعدة مع طنط فمحدش هيشك فيك
_أيوا وإيه الفايدة بردو مش فاهمة
ردت ماما
_يا بت ما ساعتها المحكمة هتحكم عليه أنه يجبلك عفشك والعفش اصلا معانا فساعتها هيتجبر أنه يجيب عفش جديد
كملت ماما بضحك
_ده غير التعويض اللي هيدفعه
ضحكت منة
_وساعتها هيجي يترجاك بأنك تتنازلي أو
كملت وأنا ببتسم
_أو يقولي نرجع
_منك لله حسبي الله ونعم الوكيل فيك 
كانت إسراء بتقولي كدا بعد ما خرجنا من المحكمة 
بصتلها من فوق لتحت ومردتش عليها فجت وقفت قصادي 
_أنت إيه يا شيخة جبروت مش بتتهدي كل شوية
الواحد يقول أكيد هتسكت أكيد مش هتعمل حاجة أسوأ من اللي عملته
وكل مرة بتثبتيلي أني غلبانة قصادك 
شاورت على زين
_عملك إيه هو عشان تبوظيله حياته بالشكل ده ها 
زين مسكها
_خلاص يا إسراء 
_لأ مش خلاص مش خلاص دي ست عاملة زي الحية دخلت حياتنا وخربتها من ساعة ما عرفنها وأحنا مشوفناش