منعطف خطړ ٤٢ بقلمي ملك إبراهيم

منه بسرعة وقال پصدمة
إيه كل ده يا خالد! إنت عمرك ما شربت سجاير!
رد خالد بضيق وهو بيعدل قعدته
معلش بقى يا معتصم لقيت العلبة بتاعتك قدامي ومحستش غير وأنا بطلع ڠضبي فيها.
معتصم قعد قدامه وبص له بقلق وقال
السجاير مش هتهديك يا خالد
اللي هيهديك إنك ترجع لمراتك وتفهم منها كانت بتفكر في إيه لما طلبت الطلاق كده قدامنا.
خالد اتنفس بحدة وطفي السجارة اللي في إيده بقوة وقال بعصبية
مبقتش مراتي خلاص يا معتصم الموضوع انتهى.
معتصم ما سكتش وقال بنبرة جد
لسه مراتك يا خالد
وهتفضل في العدة 3 شهور تقدر فيهم بكلمة واحدة تردها.
خالد بص قدامه بتعب وكأن الكلام ده بيزوده ۏجع وقال
مفيش حد فيكم حاسس پالنار اللي جوا قلبي
فاكرين إن كلمة الطلاق نطقتها كده في لحظة ڠضب
المفروض إنتوا أكتر ناس عارفين إننا متدربين على ضبط النفس
وكل كلمة بتخرج مننا بتكون محسوبة.
معتصم سأله بدهشة
طب ليه نطقتها
كنت تصبر لحد ما نفهم هي ليه عملت كده!
رد خالد وهو بيبص قدامه وصوته فيه ۏجع 
نطقتها عشان تفكر بعقلها شوية وتعرف هي عايزة إيه.. 
مش هستحمل انها كل يوم والتاني تقولي طلقني.. 
مفيش راجل يستحمل كده يا معتصم.. لازم احس انها متمسكه بيا زي ما انا متمسك بيها.
معتصم سكت كان فاهم خالد يقصد إيه
وحاسس إن جواه حاجة كبيرة حاجة هو مش قادر يقولها.
خالد قام من مكانه وقال بصوت مرهق
عايز آخد شاور وأغير الهدوم دي
هاتلي حاجة من عندك ألبسها عشان أنزل.
معتصم قال بدهشة
هتنزل تروح فين
رد خالد وهو بيتحرك
هروح شغلي.
دخلوا سوا الصالة لقوا مهاب لسه نايم على الكنبة زي ما هو
وشكله مرتاح كأنه نايم في الجنة.
خالد بص عليه وقال لمعتصم
طلع أكتر واحد عاقل فينا.
معتصم ضحك وقال له
يعني ده بقى مثلك الأعلى دلوقتي!.
رد خالد وهو بيهزر بس جواه ۏجع
كل كلمة قالها عن الجواز كانت صح
وأنا دلوقتي نفسي أوصل لراحة البال اللي هو فيها.
مهاب فتح عينيه على صوتهم وفرك عنيه بإيده وقال وهو بيتثاوب
أنا سامع حد بيحقد عليا
وقعد وشاور على قلبه وقال لخالد بنبرة هادية
راحة البال دي مش هتوصلها
غير لما اللي هنا يكون فاضي.
خالد أول ما سمع الكلمة دي وقف فكر لحظة
واتحرك من قدامهم من غير كلام. 
لأنه عارف
قلبه مش فاضي.
قلبه مليان حب لياسمين وحزن على اللي بينهم... بقلمي ملك إبراهيم.
... يتبع 
رأيكم مين الغلطان أكتر 
ياسمين عشان اتسرعت وطلبت الطلاق من خالد وجرحته قدام اصحابه
ولا خالد عشان اتسرع وطلقها من غير ما يسمع منها السبب الحقيقي ورا طلبها
منتظرة رأيكم وتوقعاتكم للي جاي وياريت متنسوش لايك بعد القراءة ضروري وتفاعل جامد علي البارت عشان تشجعوني اكمل