جمعتهم الأقدار بارت 39 بقلم فريدة احمد

وبعدها شوفي البيت نضفيه 
جريت عليها بفرحة انها وافقت تشغلها وبقت تبوس ايدها وتقول بفرحة.... ربنا يخليكي ياست 
وبعدها راحت تعمل اللي امرت بيه 
وبالفعل اشتغلت عندها الفترة دي وهي بتعد نفسها للاڼتقام بقت تراقبها وتتجسس عليها 
لحد ما سمعتها في يوم وهي بتتفق مع سهي ېقتلو وفاء 
ومن حظها قدرت بكل سهولة تسجلها مكالمتها مع سهي لما نادت عليها سميحة .. بت يا قمر.. انتي يامقصوفة الرقبة
نعم ياستي 
قالتها قمر وهي خارجة من المطبخ بتنشف اديها في عبايتها وبتقرب عليها تشوف عايزة ايه
لتقول سميحة وهي ماسكة تليفونها... بتفهمي زين في الهباب ده 
قالت قمر... اه ياستي ده انا بريمو فيه
لتقول سميحة.... طب اقعدي عاوزاكي تظبطيلي كذا حاجة فيه 
فقعدت قمر تحت رجلها واخدت منها التليفون بحماس
وبقت تظبتلها حاجات في الاعدادت سميحة طلبتها
وهي بتظبط في الموبايل جات في دماغها فكرة انها تفعلها خاصية تسجيل المكالمات بصتلها بخبث وغل وفعلت لها الخاصية وهي بتقول في نفسها... قريب اوي هخليكي تحصلي امي
اما سميحة كانت شردت وهي بترتشف قهوتها
باااااك
فاقت من شرودها علي صوت المطافي اللي بتطفي الحريق 
وكمان الشرطة اللي انتشرت في المكان 
وفي نفس اللحظة كان وصل زين وابوه 
زين كان واقف في حالة يرثي لها وهو شايف بيت امه بيولع ومش عارف يعمل حاجة ولا ينقذها 
بصله ابوه بشفقة وقال... نصيبها ياولدي
بس زين بصله بنظرة مغزاها انه انت اللي عملت كده 
ليقول همام بسرعة لما فهم مغزي نظرته.... لاه يالودي انا معملهاش وغلاوتك ماانا اللي عملت كده.
انا اللي قټلتها ياباشا 
بص زين لمصدر الصوت وكانت قمر اللي اعترفت علي نفسها بكل بساطة ف مكانش فارق معاها غير انها اخدت بتارها خلاص وشفت غليلها يعني كانت بايعة نفسها
بصت لهم وللبوليس اللي كان موجود بيعاين الچريمة وشاورت علي البيت وقالت.... انا اللي ولعت في البيت ياباشا 
.. 
تاني يوم 
بعد ما كل حاجة انتهت البيت اتفحم وطبعا سميحة ماټت والبنت اتقبض عليها ولكن زين كان معتقد ان ابوه هو اللي عمل كده يعني كان فاكر انه هو اللي كلف البنت تولع في البيت 
......... 
في المكتب الخاص بالحاج همام في السرايا زين واقف مدي ظهره لابوه بېدخن بهدوء 
مكانش عارف الحاج همام يقولو ايه ولكن بصله بترقب بعد ما اعتقد انه هدي شوية ويقدر يسمعهقال .... اكيد مش هتشك في ابوك ياولدي 
بس زين لف له وهو بيتطلع اليه بنظرات كلها شك قال... تفتكر مين غيرك ممكن يعملها ياحاج
ليقول الحاج همام.. ماهو كان قدامك البت اعترفت علي نفسها ياولدي 
ولكن زين قال وهو بينظر له نظرات ڼارية... تفتكر مين ورا البت 
لسه الحاج همام هيتكلم زين قال وكأنه واحد تاني .... هعرف يابوي وهتأكد بنفسي.. بس خليك عارف ان ساعتها محدش هيلومني في اللي هعمله
وسابه وخرج عاصي ومراد اللي كانو واقفين حاولو يوقفوه يتكلمو