مكتوبة على اسمي الفصل الحادى عشر بقلم ملك ابراهيم

الحلقة_11
الجزء_الثاني
مكتوبة_على_إسمي
بقلمي_ملك_إبراهيم 
آيات انتي كويسه 
بصت ل مالك وهي لسه مصډومة وهزت راسها ب لا ومالك قلق عليها اكتر وبعفويه مد أيديه ليها وقالها تعالي اقعدي ارتاحي هنا.
في اللحظة دي جن جنون عامر وبدون ما يفكر اتحرك بخطوات سريعة يقرب منهم وامجد وبيسان وشريف كلهم فاقوا من صدمتهم مع خطوات عامر إللي كان واضح عليه الڠضب.
اتحركوا كلهم بسرعه عشان متحصلش مشكله وبيسان قربت من آيات ووقفت جنبها.. 
آيات بصت ل بيسان والدموع لمعت في عينيها وكانت حاسه انها هتفقد الوعي من شدة الصدمة ومش قادرة تستوعب ان عامر موجود هنا دلوقتي فعلا ومعاها في نفس المكان وصډمتها كانت كبيره لأنها مكانتش تعرف انه رجع ومفيش حد قالها حتى ان في احتمال انه يرجع ومكانتش مستعدة ابدا انها تقابله دلوقتي ومش عارفه تفكر ولا تتحرك من مكانها!
عامر نظراته ليها كانت ناريه وامجد وقف قدام عامر عشان يحاول يهديه واتكلم معاه بهدوء عامر حمدلله على السلامه.
عامر بص ل امجد وهز راسه بصمت لان تركيزه كان مع آيات والشخص اللي واقف جنبها وكان واضح علي ملامح الشخص ده انه قلقان عليها وكأنه قريب جدا منها وده كان هيجنن عامر وهو مش عارف مين الشخص ده وايه علاقته ب آيات وازاي كان واقف يتكلم معاها براحه كده وبيضحكوا!!
هاجر خرجت من المطبخ هي ومهندس الديكور واتفاجأت بوجود عامر وبصت ل شريف پصدمة لانها مكانتش تعرف ان عامر ممكن يجي مع شريف وخاڤت ان آيات تزعل منها وتفكر انهم كانوا قصدين يجمعوها مع عامر بالشكل ده.
هاجر قربت منهم بتوتر وقالت حمدلله على السلامه يا عامر.
عامر بصلها وهز راسه وقال بجمود شكلي جيت في وقت مش مناسب!
آيات كانت بتخفض وشها بعيد عن نظراته. 
اتكلمت هاجر بأبتسامه ونبره مرحه عشان تلطف الاجواء شويه لان الكل كانوا متوترين وقت ايه اللي مش مناسب دي احلى مفاجأة لينا النهاردة.
آيات بصت ل هاجر بلوم ونظرة عينيها كانت بتقولها ليه عملتي كده!
هاجر كانت واقفه جنب شريف وفهمت نظرات آيات ليها وزعلت علي الموقف إللي حصل وهمست ل شريف بصوت منخفض ليه مقولتش ان عامر جاي معاك
رد عليها شريف بنفس الهمس ما انا معرفش انك هتجيبي آيات معاكي!!
هاجر بصت ل آيات بحزن وهي مش عارفه إزاي هتشرحلها اللي حصل.
عامر كان بيبص ل آيات ومنتظر ردها او تفسيرها ل وقوفها مع الشخص ده ومنتظر يعرف مين ده وسألهم بنبره حادة مش تعرفونا
اتكلم شريف بتوتر وهو بيشاور علي مهندس الديكور المهندس عادل.. مهندس الديكور اللي شطب لنا الفيلا.
عامر بص على ديكور الفيلا بنظرة سريعه وقال واضح ان الباشمهندس عادل بيحب شغله.. تسلم أيدك باشمهندس.
مالك استغرب لان رد عامر كان نفس رد آيات لما سألها عن رأيها في ديكور الفيلا!
رد عادل علي عامر بأبتسامه واسعه شكرا يا باشمهندس عامر دي شهادة غاليه اعتز بيها.
عامر بص ل مالك وهو منتظر يعرفوه مين ده وامجد فهم من نظرات عامر وقال المهندس مالك.. صديق المهندس عادل... 
وبص علي آيات وقال ودكتور آيات في الجامعة.
عامر رفع حاجبه وهو بيهز راسه وبيردد دكتور آيات في الجامعة!!
كمل امجد التعارف بتوتر وقال ل مالك المهندس عامر الچارحي... 
مالك هز راسه بالايجاب وقال اه طبعا المهندس عامر الچارحي غني عن التعريف.. 
ومد ايديه بالسلام وقال حمدلله على السلامه يا باشمهندس.
عامر بص على ايديه وبادله السلام.
آيات بصت على أيديهم وهما بيسلموا على بعض وبدأت تستعيد نفسها وقوتها تاني وقالت بعتذر منكم همشي انا