مكتوبة على اسمي الفصل الحادى عشر بقلم ملك ابراهيم
وهي بتفتكر اللحظة اللي عرفت فيها ان عامر طلقها وسافر بدون حتى ما يشوفها او يطمن عليها.. كانت حاسه پألم قوي في قلبها وپتبكي وهي مڼهارة.. بيسان ضمتها لحضنها وكانت حزينه عشانها ومش عارفه تساعدها ازاي!
آيات بعدت عن حضڼ بيسان وقالت بكاء انا مش عايزة اعيش الۏجع ده تاني يا بيسان.. انا تعبت ومش هستحمل يقهر قلبي تاني.. مكنش لازم يرجع.. انا كنت مرتاحه وهو مش هنا.
بيسان بصتلها بحزن وقالت معلش يا آيات حاولي تنامي وتهدي دلوقتي وان شاء الله مش هيحصل حاجة تاني اطمني.
آيات هزت راسها وهي پتبكي وبيسان ساعدتها تنام وقعدت جنبها تبص قدامها بحزن وتفتكر نظرات عامر ل آيات وغيرته عليها اللي اكدت للكل ان عامر لسه بيحب آيات ومستحيل يسمح لحد غيره يدخل حياتها.
رواية مكتوبة على إسمي بقلمي ملك إبراهيم.
الساعة الثانية بعد منتصف الليل.
رجع عامر بعربية شريف على بيت خالته وكان شريف سهران في انتظاره وقلقان عليه لانه من وقت ما خرج من الفيلا مرجعش علي البيت ولا بيرد على تليفونه.
شريف قرب منه واتكلم بقلق عامر انت كنت فين كل ده قلقتني عليك.. انا قولت ل خالتي انك سهران مع امجد عشان تطمن وتنام.. انت كنت فين كل ده
عامر قعد قدامه بتعب وسأله ايه اللي حصل في غيابي يا شريف ومين مالك ده وايه علاقته ب آيات
شريف قعد قدامه وقال بحزن انا اول مرة أشوف مالك ده النهاردة.. واول مرة اسمع عنه في حياة آيات.
أتكلم عامر پغضب وهو بيفتكر نظرات مالك ل آيات عايز أعرف ايه اللي حصل في حياة آيات انا معرفوش خلال السنه اللي انا غبتها
رد شريف محصلش حاجة غير اللي انت تعرفه! آيات رفضت ترجع البلد مع عمها وطلبت منه يسمحلها تكمل دراستها هنا وبيسان رجعت وقررت مع آيات إنهم يفتحوا شركة مع بعض وآيات دخلت معاها شريكة بالفلوس بتاع الارض بتاعها وفتحوا شركة صغيرة على قدهم وهاجر اشتغلت معاهم وآيات وبيسان عايشين مع بعض في شقة واحدة هنا ومرات عم آيات ماټت بعد سفرك ب شهرين وفارس ابن عمها اتجوز هدير صحبتها بعد مۏت امه عشان ميبقاش هو وعم آيات لوحدهم في البيت وآيات في الاجازة بتسافر عند عمها في البلد تقعد معاهم أسبوعين وترجع وطول السنه هنا وحياتها مفيش فيها غير هاجر وبيسان والشركة والجامعة! لكن مالك انا اول مرة اسمع اسمه ومعرفش دخل حياة آيات امتى ولا ايه علاقتهم بالظبط.
اتعصب عامر وقال پغضب اكيد مفيش بينهم حاجة!! آيات مستحيل تفكر في واحد زي مالك ده.
شريف بص له بحزن وقال طب حاول انت تهدا وانا هحاول افهم من هاجر إيه حكاية مالك ده.
عامر بص قدامه پغضب وشريف كان متوتر وقلقان من اللي جاي ومش عارف عامر ممكن يعمل ايه لو اتأكد ان في مشاعر متبادله فعلا بين آيات ومالك.
رواية مكتوبة على إسمي بقلمي ملك إبراهيم.
صباح اليوم التالي.
هاجر دخلت الشركة عند بيسان وآيات وهي متوتره بعد اللي حصل إمبارح.
دخلت غرفة الاجتماعات وشافت بيسان قاعدة شاردة وآيات قاعدة قصادها وبتبص قدامها بشرود.
هاجر قربت منهم وقالت بتوتر احم.. ممكن نتكلم.
آيات بصتلها پغضب وهاجر اتكلمت بصدق طب احلف لك ب إيه اني مكنتش اعرف ان عامر هيجي مع شريف.
اتكلمت آيات پغضب يعني شريف مقلكيش ان عامر هيرجع من السفر إمبارح
ردت بتوتر هو قالي انه هيروح يجيبه من المطار ومش هيقدر يجي الفيلا عشان
كده طلبت منكم تيجوا معايا.
آيات بعصبيه وليه مقولتليش ان عامر هيرجع من السفر إمبارح.
ردت هاجر بتوتر عشان مكنتش عايزاكي تضايقي.
اتكلمت بيسان بهدوء وهي بتبص ل آيات وهاجر خلاص يا آيات اللي حصل حصل وكده كده انتي وعامر كنتوا هتتقابلوا تاني.
ردت آيات بارتباك بس انا مكنتش عايزة اقابله بالطريقة دي.
بيسان الطريقة مش هتفرق يا آيات.. عامر خلاص بقى شخص غريب عنك وانتى لازم تتعاملي معاه على الاساس ده.
لمعت عيون آيات بالدموع وقالت عندك حق.. هو فعلا بقى غريب عني.
اتكلمت هاجر معاها برجاء طب ايه لسه زعلانه مني
آيات ابتسمت لها وقالت خلاص مش زعلانه بس بتمنى ان ده ميتكررش تاني يا هاجر عشان خاطري.. انا مش حابه اقابل عامر تاني.
هاجر هزت راسها بالايجاب ودخلت السكرتيرة قاطعة كلامهم وقالت الباشمهندس عامر الچارحي موجود برا وطالب يقابل حضرتك.
بيسان وآيات وهاجر بصوا للسكرتيرة پصدمة وهاجر ضحكت وقالت انا قاعدة معاكم اهو معرفش انه جاي هنا والله.
آيات بصت للسكرتيرة بتوتر وسألتها هو قالك عايز يقابل مين بالظبط
ردت السكرتيرة بثقة طلب يقابل حضرتك... بقلمي ملك إبراهيم.
... يتبع
عامر شكله منمش طول الليل من التفكير في آيات ومالك ياترى عامر رايح يقول ايه ل آيات وهي هتقابله ازايوتفتكروا المقابله دي هتخلص علي خير بينهم ولا الشركة هتولع منتظرة رأيكم في التعليقات ومتنسوش التفاعل ب لايك وتعليقات كتير عشان نرفع البوست ويوصل لكل المتابعين وشكرا لكل الناس اللي بيقدروني ويتفاعلوا معايا
