مكتوبة على اسمي الفصل الحادى عشر بقلم ملك ابراهيم

لأني تعبانه شويه.. عن اذنكم.
اتكلمت بيسان وهي بتتحرك مع آيات انا كمان همشي عن اذنكم.
امجد وقف بيسان وقالها معلش يا بيسان خليكي انتي لان لسه في كلام بينا مخلصش.
بيسان بصت ل امجد بتوتر وآيات قالتلها خليكي يا بيسان انا هرجع البيت لوحدي.
اتكلم مالك مع آيات انا معايا عربيتي برا خليني اوصلك يا آيات شكلك تعبانه.
كلهم بصوا لبعض پصدمة واتكلمت بيسان وهي بتبص علي عامر وشايفه غيرته علي آيات اه يا آيات خلي باشمهندس مالك يوصلك عشان أبقى مطمنه عليكي.
آيات بصت اتجاه عامر بتوتر وخفضت وشها ومقدرتش تحرج مالك وهزت راسها بالايجاب وقالت عن اذنكم.
ومشيت بسرعه ومالك مشي معاها وعامر كان خلاص هيتجنن من اللي بيحصل. 
عادل مهندس الديكور كان ملاحظ ان في توتر بين كل الموجدين واستأذن منهم بلطف وقالهم انه هيخرج يعمل مكاملة تليفون .
بعد خروج آيات ومالك وعادل من الفيلا. 
عامر بص ل امجد وبيسان وشريف وهاجر وقال هو ايه اللي بيحصل هنا بالظبط!!
كلهم بصوا لبعض بصمت و ردت بيسان انا اللي عايزة اعرف ايه اللي بيحصل هنا بالظبط!
وبصت ل هاجر وقالتلها عشان كده اصريتي علينا نيجي
رد شريف عليها هاجر مكانتش تعرف ان عامر جاي معايا يا بيسان.
أتكلم عامر معاها پغضب طبعا مكنتيش عايزاني اجي واشوف اللي بيحصل هنا!
ردت عليه بيسان پغضب وانت ايه علاقتك ب اللي بيحصل هنا يا عامر.. هو انت مش طلقتها وسافرت من غير حتي ما تفكر تطمن عليها وعلى حالتها.. سيبتها مرميه في المستشفى وكأنها ملهاش اي قيمه عندك وجاي دلوقتي تحاسبنا وتقول ايه اللي بيحصل وايه اللي مش بيحصل!!!
عامر بص ل بيسان بصمت وهي انفعلت اكتر وقالت بصوت مرتفع عايز تعرف ايه اللي بيحصل.. تمام انا هقولك.. اللي بيحصل هو اللي انت شوفته ب عنيك ده.
اتكلم امجد بسرعة عشان يهدي الوضع بينهم وقال مالك يبقى دكتور آيات في الجامعة وبس يا عامر.
اتكلمت بيسان بتحدي لاء.. واضح جدا انه معجب ب آيات ومش بعيد آيات كمان تكون بتبادله نفس الشعور.
كلهم بصوا ل بيسان پصدمة وهي كانت بتبص ل عامر بتحدي لانها كانت شاهدة على چرح آيات وعڈابها طول فترة غيابه بسبب اللي عملو فيها وكانت عايزة تفوق عامر وتعرفه ان آيات من حقها تختار الحياة اللي هي عايزاها وهو خلاص مبقاش في حياتها بعد ما سابها وسافر واتخلى عنها في اصعب وقت في حياتها..
بيسان كانت مټعصبه جدا وزعلانه من عامر بسبب كل اللي عمله في آيات وبصت ل هاجر وقالت پغضب انا ماشيه يا هاجر لازم ارجع البيت عشان اطمن على آيات عن اذنكم.
امجد حاول يوقفها لكن بيسان اصرت انها تمشي لوحدها.
بعد خروجها من الفيلا امجد بص ل شريف وهاجر بقلة حيلة وعامر وقف يبص قدامه للحظات ومشي من قدامهم هو كمان لانه مكنش قادر يسمع اكتر من اللي سمعه وكان حاسس بڼار في قلبه من شدة الغيرة علي آيات ومش قادر يتخيل انها ممكن تكون مع شخص غيره.
بعد خروجه مبقاش في غير امجد وشريف وهاجر في الفيلا وشريف بص ل امجد وقاله شكل اللي جاي هيكون صعب.. عامر مش هيقبل اللي بيحصل ده!
اتكلمت هاجر بصراحة بيسان عندها حق في كل اللي قالته ل عامر.. اكيد يعني آيات مش هتعيش العمر كله لوحدها ولازم تحب واحد تاني وتتجوز وتعيش حياتها.
شريف وامجد بصوا لبعض لانهم فاهمين وعارفين ان مستحيل عامر يسمح ان يكون في راجل غيره