منعطف خطړ ١٠

رد مدير المستشفى 20 الف جنيه حضرتك. 
ضحك بسخريه وقال وده مبلغ كبير!!! 
ياسمين بصتله پغضب وقالت بالنسبه ليا كبير.
دكتور قدري هز راسه وقال طب اتفضلوا انتوا وسيبوا الانسه اتكلم معاها شويه.
حسين بص ل ياسمين وهي هزت راسها انه يسيبها وميقلقش عليها وخرج مدير المستشفى ومدير الحسابات ومعاهم حسين.
ياسمين فضلت واقفه مكانها ودكتور قدري قالها اتفضلي ياانسه اقعدي.
قعدت ياسمين بتوتر ودكتور قدري بص لها اوي وسألها وهو بيطلع تليفونها وبيحطه قدامه علي المكتب الموبيل ده بتاعك 
ياسمين اټصدمت لما شافت تليفونها ومدت أيديها اخدته وبصت فيه بدهشة وقالت اه بتاعي.. حضرتك لقيته فين دا كان ضايع مني إمبارح!
رد بثبات امبارح حصلت حاډثه قريبه من المنطقه اللي انتي ساكنه فيها مظبوط
ياسمين بصتله باستغراب وقالت اه مظبوط
أتكلم دكتور قدري وانتي كنتي مع شخص في عربيه والموبيل ده وقع منك جوه العربيه مظبوط 
ردت بدهشة اه.. هو حضرتك عرفت اللي حصل معايا ده ازاي هو حضرتك كنت موجود في الحاډثه إمبارح 
اتجاهل سؤالها واتكلم بهدوء الشخص اللي ركبتي معاه العربيه ده تعرفيه
سكتت ياسمين شوية وهي بتحاول تربط الكلام ببعضه وقلبها بدأ يدق أسرع.
بصت له وقالت بتردد أنا... لا معرفوش.
دكتور قدري وانتي متعودة تركبي عربيات مع شخص متعرفهوش
ياسمين بتوتر لا طبعا بس اللي حصل إمبارح كانت حاډثه بالصدفه وهو كان شخص عادي وفي عصابه بيجرو وراه وانا ركبت معاه عشان أنقذ نفسي... بس أول لما نزلت من العربيه اكتشفت ان شنطتي والموبيل وقعوا مني ومخدتش بالي.
دكتور قدري ضيق عينيه وهو بيميل بجسمه شوية ناحيتها وقال بنبرة غامضة بس واضح ان اللي حصل إمبارح ماكانش صدفة... ولا الشخص ده طلع شخص عادي زي ما انتي فاكرة.
ياسمين شهقت وهمست پخوف حضرتك بتقول إيه! اومال مين اللي انا قابلته ده ويعني ايه مكنش شخص عادي!! قصدك انه كان عفريت!
وانتفضت من مكانها پصدمة وقالت انا كنت حاسه والله انه مش شخص عادي.. بس طلع عفريت ازاي دا كان شكله حقيقي اوي!... بقلمي ملك إبراهيم. 
... يتبع 
ياسمين في
عالم موازي 
العصابه وصلوا ل ياسمين عن طريق دكتور قدري صاحب المستشفى وطبعا هيخدعها بطريقته عشان تصدقه وتقوله كل اللي تعرفه تفتكروا ياسمين هتتعاون معاه عشان تنقذ اخوها ومامتها ولا هيكون لها خطة تانية منتظرة رأيكم وتوقعاتكم في التعليقات ومتنسوش ترفعوا البارت بالتفاعل عشان تشجعوني اكمل نشر الرواية بانتظام لو البارت ده وصل النهاردة ل 3000 تعليق هنزل بارت هدية