غرورها جن جنونى ١٦ للكاتبه ابتسام محمود الصيري

وترفع حاجبيها عاليا وتعوج رأسها بتساؤل فوضحت كاميليا وهي تلعب بشعرها صاحب اللون المستعار وبنبرة ثقة وغرور 
يا أنط أنا متأكدة إن وجود مش هينزل ويسبني ثقة بقى في حبيبي.
قالت حديثها وهي متعمدة إغاظتها فهي تعلم تماما بعدم تقبل جميع أفراد أسرته لها تنهد مهيمن بضيق ونهض يضع يده على كتف نايا التي اشتعلت بها النيران من صفاقتها قائلا بثبات وببرود 
شكله نسي يقولك إنه هينزل مع أخوه النهاردا أو أنتي اللي نسيتي إنه قالك وفي
كلتا الحالتين أنتي اللي غلطانة.
أرجعت خصله من شعرها المتبعثر وابتلعت ريقها بإحراج تقول بنبرة بها دلع مصطنع بعد أن سعلت 
آها صح هو قالي قبل ما ينام أصل طول الليل كان بيكلمني وبصراحة مش فاكرة غير كلامه اللي بيوصف بيه جمالي وحبه ليا.
فكانت نايا ترمقها بعين تحمل الشرار فأحاطها مهيمن بذراعه بقوة وسألتها من بين أسنانها ساخرة مع ابتسامة تحمل الكره 
والله
فأجابتها كاميليا بعنجهية قبل أن تنصرف 
والله.
وعندما انصرفت ترك مهيمن زوجته وهو يزفر أنفاسه بحنق فأطلقت هي عنان صرخاتها المستشيطة غيظا فقال مهيمن 
داهية في تقل دمك.
فحدقته نايا بغل متمنية أن ټخنقها 
البت دي ناوية على مۏتي.
وضع يده على ثغرها وبصرها بنظرات عتاب وأردف بهمس حنون 
بعد الشړ عنك يا قلب قلبي إياكي تنطقي وتقولي على نفسك كده تاني.
شعرت بحزنه وتأثره فردت وهي تعانقه 
آسفة يا حبيبي بس هي مستفزه أووي.
ضمھا بتملك مرددا بثقه وتأكيد 
إن شاء الله مش هتكمل مع ابنك ودا الواضح من تصرفاته اليومين دول.
رفعت رأسها من على صدره العريض بتساؤل 
تفتكر اكتشف حقيقتها وإنها بتستغله مش أكتر.
رفع حاجبه الأيمن وهو يبتسم ويجيبها بسعادة 
أفتكر إن قلبه دق بجد والله أعلم.
دق قلبها بسرور وكاد أن يقفز من مكانه 
يا رب اللي حاسة بيه يكون صح.
إن شاء الله ويلا انزلي كملي شغل في اختراعك.
أردفت بحزن 
زعلانة أوي على توتا.
وإيه لزوم الزعل.
أنت مستهون الكلمة اللي اتقالت قدام الناس امبارح.
الناس كلهم اللي كانوا موجودين عارفين إنها بنتي بالتبني.
بس عيالهم لا.
أخذ أنفاسه وهو يردف 
نايا اللي حصل حصل واتفضلي روحي شوفي شغلك عايزين نفوق شوية لبعض زي زمان.
وضعت قبلة على وجنته بعدما قالت 
حاضر يا حبيبي.

بعد أن انصرفت كاميليا من فيلا مهيمن ظلت تمشي بالشوارع ودموعها تنحدر بقوة وصوت شهقاتها يصم الآذان حتى مسحت عبراتها وتفوهت بامتلاك 
أنت بتاعي أنا وبس يا وجود مهما يحصل هتكون ليا أنا في النهاية ولو مش بمزاجك هيبقى بمزاج أهلك اللي بيكرهوني من أول يوم.
ثم أكملت بصوت كالفحيح 
كده الجيم بدأ لما نشوف يا وجود الجيم أوفر هتبقى لصالح مين.

بعد ساعات في الكافيه الذي يجلس فيه مستقبل ويحضر مفاجأة حضرت كارما وزينة