عشقت طفلة بقلم اسراء ابراهيم

اسكربت 
عشقت طفلة 
حب ايه يا مفعوصة انتي اللي بتتكلمي عليه وبعدين هو جاسر هيوافق يتجوز طفلة زيك فوقي يا جودي احسن ما عمك يفوقك بكلامه اللي زي السم
جودي بسرحان وانا ايه اللي هيخليني اعرف عمي وبعدين جاسر اصلا بيحبني هو قالي كدة يا ماما والله
كريمة بتلقائية يا بنتي الله يهديكي جاسر قالك انه بيحبك بس زي اخته افهمي وبلاش تتعشمي باوهام يا جودي اتا خاېفة عليكي
جودي بعند لا يا ماما وجاسر بيحبني مش زي اخته وايه يعني فرق بينا عشر سنين وبعدين انا مش طفلة بطلو تعاملوني علي اني طفلة لو سمحتي
كريمة بقلة حيلة طب انتي لابسة ورايحة علي فين كدة 
جودي بابتسامة نازلة عند جاسر زمانه جه من الشغل
كريمة باعتراض لا يا جودي لو سمحتي مفيش نزول انا مش هفضل اسمع كلمتين من عمك بسببك وانتي عارفة اصلا انه بيكرهنا فبلاش تحطينا في مشاكل معاه فاهمة
جودي بضيق وانا مالي ومال عمي يا ماما بس انا نازلة عند وردة مرات عمي مش عشانه يعني وبعدين متقلقيش انا مش هخليه يشوفني
كريمة بقلة حيلة طيب يا جودي براحتك بس يارب مترجعيش ټندمي وتقولي يارتني سمعت كلامك يا ماما
جودي بحماس متقلقيش يا مامتي يلا انا نازلة بقي سلام
................................... 
كان واقف جاسر بيظبط هدومه بعد ما لبس وشوية وسمع خبط الباب ودخلت وردة امه اللي كانت بتبتسم بحب
وردة بحب خير يا سي جاسر اول مرة تيجي ومتدخلش المطبخ ليا الاكل انهاردة مش عاجبك ولا ايه
جاسر بابتسامة هو انا اقدر بس يا ست الكل انا قولت الحق اغير هدومي واريح شوية قبل ما جودي تنزل ما انتي عارفة هي بتبقي لازقة ازاي
وردة بضحك دي لو سمعتك بتقول عليها كدة هتنفخك بس عندك حق ده انت لو ابوها مش هتعمل كدة البت متعلقة بيك اوي
جاسر بابتسامة ايوة اوقات فعلا بحس اني ابوها من كتر ما انا مسئول عنها
وردة بخبث طيب تفتكر هي بقي شايفاك ابوها
جاسر باستغراب قصدك ايه يا امي مش فاهم
وردة بابتسامة يعني جايز هي متعلقة بيك بس بطريقة تانية زي مثلا انها شايفاك مش اخوها
جاسر باستفهام مش فاهم برضه يا ماما انتي تقصدي ايه
وردة بضيق ايه يا واد انت مخك تخين ليه مش يمكن البت بتحبك
جاسر پصدمة نعم يعني ايه بتحبني ماما انتي مش واخدة بالك ان جودي طفلة
وردة بسخرية طفلة لا يا حبيبي البت مش طفلة دي عندها 18 سنة يعني عروسة وممكن تتجوز في اي وقت بس اللي انا شايفاه انها متعلقة بيك وشكلها كدة بتحبك
جاسر كشړ بضيق ماما جودي بنت عمي واختي وزودي عليهم انها بنتي اللي كبرت قدامي وانا مش شايفها غير كدة فلو سمحتي بلاش تقولي كدة واصلا جودي مستحيل تفكر كدة ابدا
وردة بابتسامة طيب يا جاسر بس بكرة تقولي كلن عندك حق ياما وبعدين مالها البت دي صغيرة وحلوة وتطبعها علي طبعك ولا لازم تاخدها كبيرة وتتعبك فكر كويس يا جاسر صدقني يابني هتندم لو سبتها
مشيت وردة بعد ما خلصت كلامها ووقف جاسر يفكر في كلامها وهو مصډوم ومش مستوعب ان ممكن جودي تكون بتفكر في كدة وتكون شايفاه مش اخوها فعلا
......................................
جودي بابتسامة فين جاسر يا مرات عمي يا قمر
وردة بابتسامة ياختي طب قولي ازيك يا مرات عمي الاول حسسيني انك جاية عشاني
جودي بتلقائية يعني اكدب يعني يا مرات عمي الله بقولك صحيح هو عمي كمال هنا
وردة بيأس لا مش هنا