عشقت طفلة بقلم اسراء ابراهيم

غريب عنها كانت واقفة بتعدل طرحتها قدام المراية لحد ما دخلت عليها كريمة
كريمة بقلق خلصتي يا جودي يلا عشان عمك تحت من بدري ومستنينا
جودي بتلقائية اه يا ماما خلصت بس مش غريبة يا ماما عمي عاصم يعزمنا علي الغدا دي معجزة اساسا
كريمة بحيرة والله من امبارح بفكر بس مش عارفة الاقي سبب عموما هيبان يا خبر بفلوس بكرة يبقي ببلاش
جودي بابتسامة علي رأيك يا ماما يلا بينا بقي عشان الحق اساعد مرات عمي احسن زمانها مشغولة بتحضير الاكل
كريمة بتردد طب وهتعملي ايه مع جاسر انا خاېفة عليكي
جودي بقوة وخاېفة عليا من ايه بس يا ماما متقلقيش انا خلاص اتخطيت جاسر واتقبلت حقيقة انه شايفني بنت عمه واخته وخلاص نسيته اساسا
كريم بشك ربنا يكملك بعقلك يا رب يا بنتي ايوة كدة خلينا في الجامعة اللي كمان يومين
جودي بتصنع القوة ايوة يا كيما علي رأيك ده اهم حدث في حياتي يلا بقي خلينا ننزل اصلي جوعت اوي
كريمة بابتسامة مفجوعة والله يلا بينا ياختي يلا قبل ما نسمع كلمتين من عمك ملهومش لازمة
..........................................
عالسفرة كانت قاعدة جودي باصة في طبقها ومش مركزة في اي حاجة بتتقال وحاولت تتجاهل جاسر ووجوده وده خلاه يضايق وخصوصا انها سلمت عليه بجدية باحتة غير عادتها
عاصم بابتسامة ساكتة يعني يا جودي مش بعادتك
جودي بانتباه ها لا مفيش يا عمي انا بس سايباكم بتتكلمو براحتكم
عاصم بقصد كبرتي يا جودي وبقيتي عروسة ما شاء الله
جودي باستغراب وهي بتبص لامها شكرا يا عمي وبعدين انا في الجامعة اهو يعني اكيد فعلا كبرت
جاسر كان باصث لابوه بشك وبيحاول يفهم هو يقصد ايه
عاصم بابتسامة انا لحد من يومين مكنتش مصدق انك كبرتي كدة بس لما حد طلب ايديكي مني وقتها عرفت انك كبرتي فعلا
جودي بصت لعمها پصدمة وتوتر وكمان كريمة اللي ردت بسرعة وجدية هي فعلا كبرت يا عاصم بس انا بنتي هتكمل تعليمها هو المهم دلوقتي
جاسر مكنش مصدق اللي بيحصل وان فعلا ممكن يكون في عريس متقدم لجودي فرد بتلقائية استني بس يا مرات عمي تعليم ايه اللي بتقوليه بابا جودي لسة صغيرة ازاي حضرتك تفاتحها في حاجة زي دي
بصتله جودي پغضب وهي عنيها بتطلع شرار من كلامه اللي استفذها وقبل ما ترد كان رد عاصم عليه
عاصم بجدية جودي مش صغيرة يا جاسر وسنها ده الطبيعي انه يجيلها عرسان فيه وعشان كدة انا طلبتها عشان اعرف رأيها ايه ها يا جودي انتي شايفة ايه 
كريمة باندفاع بنتي مالهاش رأي يا عاصم لاني مش موافقة وانا مش عاوزاها تتجوز انا حرة اقولك هخليها تعنس جمبي
عاصم بحدة وان بسأل بنتك يا كريمة واعرفي انها لو موافقة مهما كان رأيك مش هيهمني وانتي عارفاني كويس وعارفة طبعي
وردة بتوتر اهدو يا جماعة ده الكلام اخد وعطا وانتي يا كريمة مش نعرف العريس ده مين مش يمكن يطلع حد كويس
جودي كانت باصة لجاسر پغضب من كلامه اللي قصد ېجرحها بيه لتاني مرة وانه رفضها وكمان عاوز يتحكم فيها فردت باندفاع من غير ما يهمها اي حد
جودي بقوة مرات عمي عندها حق يا ماما مش لما نعرف مين العريس ده الاول
جاسر بانفعال انتي اټجننتي يا جودي عريس ايه بطلي هبل
جودي بقوة انت اللي بطل بقي تحكمات وبعدين حضرتك مالك ومالي انت بس ابن عمي لكن مش ولي امي فياريت متدخلش في حياتي وقرار ارتباطي ده انا حرة فيه انت فاهم