عشقت طفلة بقلم اسراء ابراهيم

لسة مجاش تعالي يلا ادخلي
جودي بابتسامة يا جااااسر انت فين
جاسر بانفعال وهو بيخرج من اوضته بضيق ايه جاسر دي انتي ناسية اني اكبر منك قوليلي يا ابيه فاهمة
جودي باستغراب هو في ايه يا جاسر 
ويعني ايه اقولك يا ابيه انا دايما بقولك يا جاسر
جاسر يعصبية وانا مش صغير وبلعب معاكي في الشارع فاوعي تنسي الفرق اللي بينا فاهمة
جودي بدموع فاهمة انا اسفة يا ابيه جاسر مكنتش اعرف ان انت شايفني كدة
جاسر اتوتر اول ما شاف دموع جودي وقلبه وجعه ووقتها اتأكد ان كلام امه صح وان جودي بتحبه
جاسر بهدوء جودي انا اسف متزعليش بس انا يعني عاوزك تفهمي تصرفاتك ومتتسرعيش
جودي بحزن وانا فهمت يا ابيه متقلقش 
وردة بتوتر ادخلي يا جودي واقفة كدة ليه انا لسة كنت هحط الاكل يلا تعالي عشان ناكل سوا
جودي بخنقة بالهنا يا مرات عمي انا طالعة عشان ماما متستعوقنيش بعد اذنك
مشيت جودي بسرعة قبل ما ټنهار ووقتها بصت وردة لجاسر بعتاب فاضايق ونفخ بضيق
جاسر بضيق انتي بتبصيلي كدة ليه بس يا ماما وبعدين كنتي عاوزاني اعمل ايه بعد ما اتأدت ان كلامك صح
وردة بعتاب متوقعة منك انك تحتويها وتفهمها مش تجرحها بالشكل ده يا جاسر وبعدين انت عامل كل ده ليه انت فعلا شايف جودي صغيرة تبقي غلطان يا جاسر
جاسر بتلقائية طبعا صغيرة يا امي دي طفلة اصلا ازاي تفكر في حاجة زي دي دي اټجننت
وردة پصدمة اټجننت ايه بس البت مش صغيرة يا جاسر انت اللي لسة شايف انها صغيرة عشان كبرت قدام عنيك لكن جودي كبرت وبقت عروسة وممكن في اي وقت تتجوز وبصراحة كدة انا شايفة انك هتندم لو ضيعتها من ايديك
جاسر كان باصص لامه پصدمة ومش متخيل ان فعلا ممكن ده يحصل وانه يبص لجودي طفلته اللي رباها هو علي ايديه وقتها جاسر اتعصب ودخل اوضته وكانت متابعاه وردة بيأس وهي بتدعي ربنا انه يفهم قبل ما يندم
................................ 
كانت جودي بټعيط باڼهيار وكريمة بطبطب عليها بقلق
كريمة پخوف طب فهميني ايه اللي حصل حرام عليكي قلبي مفطور عشانك
جودي باڼهيار انتي كنتي صح يا ماما جاسر طلع مش بيحبني وقالي كدة في وشي كأنه بيفوقني من اللي كنت فيه
كريمة بحزن منا ياما قولتلك يا جودي اديي اخرة قلة سمعانك الكلام وده اللي كنت خاېفة منه انه يجرحك بكلامه اهو خرجك من احلامك علي واقع كسر بيه قلبك
جودي بدموع هو انا وحشة يا ماما للدرجادي جاسر مش بيحبني انا كنت فاكراه بيحبني ده كان بيقولي انه مش هيسيبني ابدا ازاي قدر يعمل فيا كدة
كريمة بتلقائية انا قولتلك يا جودي جاسر شايفك بنت عمه اللي اتربت قدام عنيه وزي اخته هو شايف ان فرق السن بينكم كبير حتي لو انتي فعلا كبرتي وهتدخلي الجامعة هو برضه هيفضل شايفك بنته اللي رباها هو
جودي بتلقائية تمام يا ماما وانا هكون ليه فعلا كدة بس مش جودي القديمة الطفلة اللي هو شايفها لا هثبتله اني كبرت واني كنت طفلة معاه هو بس هو طلع ميستاهلش ده
كريمة بيأس يا بنتي انسي بقي اللي فات ده وخليكي في مستقبلك وان شاء الله هيجيلك احسن من جاسر بس انتي انسيه
جودي بدموع حاضر يا ماما حاضر اوعدك اني هنساه
..........................
بعد كام يوم كانت فيهم جودي مش بتنزل ابدا عند عمها ومكنتش بتقابل جاسر
ابدا رغم انه كان بيكلمها في التليفون وهي كانت بترد عليه باختصار وبرود وكأنه