عشق الشيخ نوح بقلم اسراء ابراهيم

بس.. انت بتعمل كدة ليه طيب
نوح بصوت ناعم 
مافيش.. أنا بس مش عايز أبقى الشخص اللي يجبرك ناحية حاجة أنتي مش مستعدة ليها.
سكتت ليلي وهي مش قادرة تبعد عنيها من عينيه وكانت في حاجة جواها بتتحرك أول مرة تحس بإنه بيحتويها من غير ما يطلب من غير ما يقول أنا هنا . بس هو فعلا هنا.
بتقوم ليلي بسرعة وتاخد الفوطة وتمشي للمطبخ وهي بتحاول تهرب من إحساس بدأ يتسرسب لقلبها.
نوح وهو بصوت ناعم 
ليلي
وقفت عند باب المطبخ وبصتله
ليلي بصوت متوتر 
أنا اسفة.. بس مش متعودة على كده وبتوتر بسرعة
نوح ابتسم وهو بيقرب منها 
ولا أنا عشان كدة عادي
سكتو شوية وحست ليلي وقتها إنها عايزة تقرب بس خاېفة. ونوح حس بنفس الشيء.
اتوترت ليلي اكتر وكانت هتمشي بس فجأة رجليها اتزحلقت وكانت هتقع فصړخت پخوف بس نوح اتحرك بسرعة ومسكها من وسطها.
ليلي بتهتهة وقلبها بيدق من قرب نوح منها 
انا كنت هقع
نوح بابتسامة 
بس انا لحقتك
ليلي اتوترت اكترمن نظراته 
أنا هدخل أوضتي.
مستنتش نوح يرد وسابته وجريت علي اوضتها وقفلت الباب وحطت إيدها على وشها وهي مش مصدقة اللي بتحسه ناحية نوح
ليلي لنفسها 
ليه قلبي بيدق كده وليه عينيه ملينين أمان! وبحس اني مبسوطة وهو قريب مني معقول اكون حبيته .... لا مستحيل
.........................
بعد اسبوعين من الجواز كان نوح قاعد في شغله وفجأة بيجيله اتصال من سليم فبيبتسم ويفتح المكالمة على طول.
نوح بلهفة وابتسامة
السلام عليكم يا عم سليم! أخيرا نورت الموبايل
سليم وهو بيضحك
قول نورت الدنيا يا صاحبي انا اسعد واحد في الدنيا يا نوح انهاردة
نوح بقلق بسيط في صوته 
طب طمني بقى معاك .. روحت للدكتور والتحاليل والأشعة كل حاجة تمام
سليم بنبرة فيها انتصار
طلعت كلها... الحمد لله... زي الفل الدكتور قالي ده كان اجهاد وتعب
نوح بيقف فجأة ووشه بينور 
بجد!
بجد يا سليم!
سليم وهو بيضحك 
منا بقولك اهو الدكتور قالي كل اللي حصل ده كان إرهاق شديد بسو شوية ضغط على شوية سهر على شغل مالوش آخر.. ومفيش لا ورم ولا حاجة تخوف الحمد لله يارب
نوح صوته بيرتعش من الفرحة 
الحمد لله.. الحمد لله يا سليم.
أنا كنت بدعيلك في كل سجدة. والله العظيم يا أخي كنت كل ما أسجد أقول يا رب طمني عليه.
سليم صوته بيتأثر 
أنا حاسس.. حاسس يا نوح ودعواتك وصلتني والله.
نوح بصوت مليان مشاعر 
أنا كنت مړعوپ عارف يعني إيه. كنت بقول يا رب يبقوا غلطانين يا رب يطلع كل ده وهم.
سليم يسكت لحظة وبعدين يرد بصوت مهزوز 
إنت جدع قوي يا نوح وأكتر حد وقف في ضهري من غير ما أطلب أنا ما نسيتش ده.
نوح بابتسامة
إنت أخويا من أيام الجامعة والحارة من واحنا عيال فاكر
سليم بعد ضحك 
بص بقى أنا قلت أطمنك أول واحد و... قررت حاجة.
نوح بقلق
قول يا عم.. مانت اطمنت بقي
سليم بفرحة 
عازمكوا إنت وليلي تيجوا تقضوا عندي يومين كده نغير جو.. ناكل ونرغي ونشرب شاي بالنعناع ونضحك
نوح بحماس 
أنا مواااافق.. موافق وبقوة.
ده أنا كمان هقولها انهاردة.. ونحدد معاد من دلوقتي.
سليم بتنهيدة 
ليلي عاملة إيه بقى طمني
نوح بهدوء 
كويسة.. يعني في الأول كانت متحفظة شوية.. بس بدأت تفتح ليا قلبها و تهزر وتضحك وتبصلي من بعيد كده وتسرح.
سليم بضحكة خبيثة 
وسرحت إنت
نوح بصوت واطي 
أنا من أول يوم يا سليم كنت حاسس إن قلبها مليان حاجات مش قادرة تقولها.. بس الأيام بتغير وإحنا مع بعض بنهدي بعض وأنا... بدأت أشوفها بعين