عشق الشيخ نوح بقلم اسراء ابراهيم

تانية
سليم بفرحة 
يعني قلبك مال ولا لسه بتكابر
نوح بيبتسم 
أنا أصلا ماعرفتش أكابر بس كنت سايبها على راحتها لحد ما هي... تبصلي البصة دي
سليم بتكشيرة 
بصة إيه دي يا شيخ نوح اتكلم
نوح بتنهيدة 
بصة اللي هي كأنها بتقولك أنا مرتاحة معاك .. حتى لو ما نطقتش.
سليم بصوت راضي 
فرحتك دي فرحت أنا بيها أكتر ما تتخيل..وأكتر حاجة بحبها فيك إنك بتصبر.. وبتحب من غير ما تطلب.
نوح بتلقائية
الحب مش طلب يا سليم.. الحب أمان وأنا عايز أكون ده ليها.
سليم بتفاؤل 
وهي حتكون ليك كدة.. قريب.
نوح بامل 
قول إن شاء الله.. المهم ان ليلي هتفرح اوي بموضوع العزومة دي 
سليم بحماس
يبقى اتفقنا يوم الخميس تيجوا عندي.. يومين مش هنسيب بعض بقي رغي للصبح
نوح بحماس 
وأجيب الكوتشينة عشان أعرفك يعني إيه خسارة.
سليم
يلا.. مستنيكم.
وخلي بالك من نفسك.. ومن ليلي.
نوح بابتسامة 
هي اللي بقت تاخد بالها مني من غير ما تحس سلام يا صاحبي
قفل نوح وبص للتليفون وابتسم براحة لانه اطمن علي اعز صديق ليه
................................
بليل دخل نوح من باب الشقه وكان باين عليه التعب بس ابتسم أول ما شاف ليلي
نوح بابتسامة
اتأخرت صح
ليلى واقفاله وهي مكتفة إيديها وردت بنبرة فيها عتاب وخوف 
يعني مش بس اتأخرت ده انت فزعت قلبي يا نوح! التليفون مقفول والساعة بقت ١٢
نوح بيهزر وهو بيقفل الباب 
طيب ما أنتي من أسبوعين كنتي پتخافي تبصيلي دلوقتي بقيتي تقلقي عليا
ليلى بصتله بتوتر وبعدين هربت بعينيها للأرض وردت بخجل 
أنا أنا بس اطمنتلك مش أكتر.
نوح بدفا 
وإنتي متطمنة ليا كده على طول
ليلى بنفس الكسوف بس بصوت واطي 
يعني غالبا.
نوح بيضيق عينه وهو بيبصلها بتركيز 
غالبا ولا أكيد
ليلى بترمش بسرعة وبعدين ترد وهي بتلف وشها 
ما تضغطش عليا يا نوح.
نوح ضحك بخفة وهو بيقعد قدامها على الكنبة 
خلاص مش هضغط بس عندي خبر صغير كده
ليلى بترفع عينيها بسرعة وعينيها بتلمع فضول 
خيرفي ايه
نوح بهدوء 
بكره هنروح عند سليم تقعدي معاه يومين وتشوفيه على رواقة
ليلى بتقف لحظة مصډومة من الفرحة وبعدين تتنطط بحماس
بجد!
قالت كدة ليلي وهي بتجري علي نوح فجأة وتدخل في حضنه من غير ما تحس وصوت ضحكتها طالع تلقائي
أنا مش مصدقة! انا فرحانه اوي
نوح اتفاجئ بس متحركش ولف إيديه حواليها بهدوء وقلبه يدق بسرعة وحاول يخفي توتره
نوح بصوت شبه الهمس
ليلى
ليلى فجأة انتبهت للي عملته وجسمها اتجمد وهي لسه في حضنه وبعدين بعدت بسرعة وهي بتحط إيديها على وشها 
أنا آسفة والله ما كنت قاصدة اتحمست بس
نوح بصلها وفي عينيه فيها لمعة غريبة 
هو أنا اشتكيت
ليلى بتضحك بخجل وهي بتلف وشها ناحية المطبخ 
بس مش لازم تفتكرني متهورة يعني.
نوح وهو بيقرب منها 
أنا شايفك صادقة وحقيقية وده مش حاجة تضايق.
ليلى بلعت ريقها بصعوبة وحاولت ترد عليه بس مفيش كلام يطلع
نوح بصوت هادي وناعم 
أنا مبسوط إنك بقيتي تقلقي عليا بس أوعدينيلو اتأخرت تاني متتخضيش بس استنيني كده زي دلوقتي.
ليلى بهمس 
هستناك بس متتأخرش
نوح وعنيه في عنيها 
لو عرفتي اللي بشوفه في عينيكي دلوقتي هتعرفي ان عمري ما هتأخر.
كانت في نظرات طويلة بينهم مليانة بحاجات مش بتتقال
...............................
بعد يومين في بيت سليم كان قاعد مع ليلي اخته في اوضتها القديمة وكان متردد انه يتكلم معاها بخصوص نوح او بالمعني 
الادق خاېف تقوله انها لسة كارهاه
سليم بحنان 
كبرتي يا لولي وبقيتي ست بجد وبتطبخي وتغسلي وتروقي
ليلى بتبتسم وهي بتلمس صورة ليهم زمان 
زمان كنت بفتكرك كبير أوي دلوقتي أنا اللي كبرت.
سليم بضحكة