زواج لدقائق معدودة بقلم زهرة الربيع الجزء الثاني

....ايه اللي يسوى واللي ميسواش دي يا ود حليمه
بقلم...زهرة الربيع
سند خد باله لجملته وقال ...اكيد ماقصدكش ياما... انا هروح اشوفه فين وارجعه على الدار وعايز لما يرجع ما يلاقيش هنه حد مش حابب يشوفه
قال كده و مشي بسرعه وصابحه قعدت على الكرسي وبقت تبكي بشده وجوزها قعد جنبها وبقى يحاول يهديها
اما نبيل كان مصډوم جدا ومش قادر يستوعب اللي حاصل ولا هو ولا شروق اللي قالت بدموع..انا مفهماش حاجه كيف كده انا جيت عندكم كتير كيف معرفتش انك ام نوح
حكم اتنهد بحزن وقال.... وانتي هتعرفي كيف يا بتي لما هي مشت انتي مكنتيش تميتي السنه ...وهيه ملهاش ولا صوره في البيت
وبص لصابحه بلوم وڠضب مكبوت وقال.... انا عارف انك امه ومن حقك تشوفيه...بس سند معاه حق مكانش صح تدخلي البيت كده بعد 20 سنه من غير ما تقولي ونمهدله
صابحه كانت قاعده ساكته پتبكي وبس ونبيل قعد بذهول وقال..... انا مش مصدق.... مش قادر افكر في الموضوع حتى الموضوع مش راضي يدخل دماغي ابدا
شروق قالت پغضب واندفاع ....لك حق ميدخلش دماغك ولا داخل دماغ اي حد .....طب احنا هنه ومحدش كان يعرف انك ام نبيل بس انتي عارفه وانا سبق وحكيت لك عني وعن بلدي كذا مره ونبيل اداكي العنوان وعارفه انك جايه على هنه كيف تعملي فينا كده كيف
صابحه وقفت وقالت پغضب.... قولتلكم انا جايه علشان اشوفه ...ملقيتش فرصه انسب لو كنت قايلاله لاني جايه مكانش هيستناني ولا هيوافق اجي اصلا.... محدش فيكم يتدخل بيني وبين ولدي انا هحلها وهخليه يسامحني
وبصت لحليمه پغضب وقالت..... انا جايه وناويه ممشيش غير لما ابعد اي حاجه بيني وبينه وازيح من طريقه كل شړ بعدني عنيه
حليمه بلعت ريقها بتوتر وخوف
ونبيل قال بدموع ...بجد... طب وبالنسبه لي انا يا ماما مش واخده بالك انك علشان تقابلي ابنك بوظتي اليوم اللي انا مستنيه وبتمناه ...ولا مش واخده بالك
صابحه اتنهدت وقالت بحزن.... متزعلش يا نبيل مفيش حاجه باظت انا وابوك موجودين اها.... وبس اخوك يرجع على البيت وكل حاجه ترتاح هطلب لك شروق وهنعمل لكم خطوبه وكل اللي انتم عايزينه هيتم
نبيل قال پغضب....امم..طيب شكرا والله يا ماما كويس انك هتصلحي كل حاجه وفي الاخر بعد ما تخلصي اولوياتك هتفتكريني بجد شكرا
وطلع على اوضته پغضب ميتوصفش
صابحه نزلت دموعها و قالت لجوزها ...روح وراه يا شاكر متسبهوش لوحده امانه عليك
شاكر قال بسرعه...طيب اهدي متقلقيش ..كل حاجه هتتحل والله
وبص لحكم وقال....ممكن استأذنك اطلع وراه لو تسمح
حكم قال .... اكيد طبعا البيت بيتكم اتفضل
شاكر طلع وراه وصابحه حطت ايديها على دماغها بتوتر
هويدا قالت لحكم ....روح يا حكم خد علاجك وريح شويه لحسن ضغطك يعلى اكتر
حكم قال بحزن....اطلع كيف قبل ما اطمن