زواج لدقائق معدودة بقلم زهرة الربيع الجزء الثاني

على نوح
هويدا اتنهدت وقالت...انت هتروح فين يعني انا عيزاك تريح حبه واول ما ياجي هناديلك....ومتقلقش نوح عاقل وواعي وكلها شويه وهيكون هنه
حكم اتنهد وقال بحزن...لله الامر من قبل ومن بعد 
وطلع على اوضته
في الوقت ده غننوه اخدت شروق على جنب وقالت .....احنا هنفضل هنه والشباب بره معارفينش حصل لهم ايه
شروق بصت لها باستغراب وقالت.... هنعمل ايه غير اننا نستنى يمكن ربنا يلطف بينا و سند يلقاه ويجيبه
غنوه قالت.... وايه اللي يخلينا نقعد ونستنى...معندناش رجلين اياك... تعالي وياي هنروح نشوفهم فين
شروق قالت بذهول..... نشوفهم كيف انتي اتجنيتي ولا ايه.... هما عيال صغيره هندور عليهم ولا هنقول عيال تايهه يا ولاد الحلال
غنوه قالت بغيظ...بصي اذا انتي اعصابك في تلاجه فانا بتغلي على الڼار وما قعداش هروح اشوف سند راح فين عايز تاجي وياي تعالي ما عايزاش خليكي مكانك
ولسه هتمشي مسكت ايدها وقالت بتردد... طب.... استني طيب..... يعني يمكن لو عرفوا اننا طلعنا من البيت ي....
غنوه قاطعتها وقالت.... بطلي جبن وخليها عليا انا هقولهم اني خطڤتك بس نلاقيهم يلا تعالي
وشديتها من ايدها ومشيت بيها وشروق كانت خاېفه جدا
في الصاله كانو قاعدين صابحه وهويدا وحليمه
حليمه كانت عايزه تطلع اوضتها قالت بتوتر ...نورتينا يا صابحه 
ولسه هتمشي صابحه قالت بغل مكبوت.... ده نورك يا ام سند اتبسطت قوي اني جايه لاقياكي لسه بصحتك وماشيه على رجلك
ووقفت قدامها بتحدي وقالت.... عشان لما اقسم ضهرك واكسر عينك احس بفرق ومتعه
حليمه بلعت ريقها بتوتر بس حاولت متبينش و قالت.... انتي اكتر واحده عارفه مين اللي بيعرف يكسر العين زين وسبق وشوفتي بعينيك يا صابحه
صابحه ابتسمت وقالت ....عارفه...وعارفه كمان ان محدش بيغلب على طول ...واللي اتكسر انهارده بكره يكسر ...و على العموم الايام جايه كتير يا حليمه
حليمه اتوترت اتى وحاولت تبين العكس وراحت على اوضتها بقلق وصابحه بصت لطيفها پغضب وحقد
بس هويدا شدتها من دراعها پغضب وقالت... ايه اللي هببتيه ده.... انا مش لسه مكلماكي امبارح وقيلالك ان نبيل هيكلمكم تاجو هنه..... وطمنتيني قولتيلي متقلقيش هياجي جوزك لوحده.... فهميني ايه اللي نيلتيه ده
عند نبيل فوق كان متنرفز جدا وابوه بيحاول يهديه وقال يا .......ابني صابحه مضحكتش عليك في حاجه هبه كانت قيلالنا ان كان عندها حياه وعندها ابن و
بس قاطعو نبيل لما قال پغضب....بس مقالتش انه نوح ابنها....مع ان شروق قعدت معاها اكتر من مره واتكلمت معاها عن اهلها وعن كل حاجه ...وانا..انا ادتكم العنوان كان المفروض تقول لي .....بس تقول لي ليه المهم انها هتشوف ابنها مهي مهما اهتمت بيا او راعتني هافضل ابن جوزها انما نوح ابنها الحقيقي وهو أولى
ابوه وقف وقال بسرعه.... اوعى تفكر كده يا نبيل صابحه عمرها ما اتعاملت معاك كده....دي عملت معاك اللي متعملهوش ام