زواج لدقائق معدودة بقلم زهرة الربيع الجزء الثاني

مع ابنها اللي شالته في بطنها ...و بعدين يا اخي متفكر فيها بطريقه تانيه لو هتقول مين اولى افتكر قبلها انها فضلت معاك انت اللي ابن جوزها 20 سنه ترعاك وطول الوقت ده مشافتش ابنها الحقيقي اديك شوفت حالته لما شافها ...المفروض الڠضب ده يبقى من حق نوح دلوقت ...نوح لي حق عليها كمان
نبيل اتنهد وقال ...انا عارف...فاهم...بس..بس ليه الحق ده تديهولو يوم خطوبتي ليه انهارده بذات....انا مصدقت انكم جايين وهتطلبوا شروق وكنت فاكر اننا هناخدها من هنا ونمشي
شاكر ابتسم وقال ....انتو لو متمسكين ببعض مفيش حاجه هتفرقكم ...الموضوع اتأجل بس تاجيل متلغاش يعني....يلا اهدى وروق كده وروح اتكلم مع خطيبتك انت طلعت وسبتها من غير ما حتى تتكلم معاها وانت عارف انها زمانها اتوترت قوي من اللي حصل ده
نبيل اتنهد وقال ....معاك حق بردو مكانش ينفع اسيبها في وقت زفت زي ده انا هنزل اتكلم معاها واهديها شويه ونستنى ال....احم..نستنى نوح بيه لحد ما يرجع
عند غنوه وشروق كانوا بيدوروا على نوح وسند حوالين السرايا وراحو الاماكن اللي بيقعدوا فيها بالعاده ودورو كتير جدا من غير فايده
شروق قالت بتوتر ......الله ېخرب بيتك يا شيخه وېخرب بيت القلق اللي لغى عقلي وخلاني مشيت معاكي
غنوه غمزت وقالت....مبتتقالش كده بتتقال الله ېخرب بيت قلبي اللي وجعني وخلاني مشيت معاكي 
بقلم...زهرة الربيع
شروق بصت لها بغيظ وقالت .....بلاش الكلام ده يا غنوه قولتلك الف مره انا هاتجوز نبيل والكلام ده ملوش لزوم...سيبيني في همي دلوك انا معارفاش ليه كل حاجه بتتكركب على دماغي كده يعني كيف ام نوح تطلع هيه ام نبيل اخر حاجه توقعتها انهم يطلعو اخوات
غنوه ضحكه وقالت.....انتي فاكره نبيل اخو نوح...اخوه كيف يا غبيه اذا كان نبيل من سن سند 27 سنه وهيه اللي طفشتهم كلهم 20 سنه هتبقى خلفت نبيل ازاي في 20 سنه دول كانت حايشاه في بطنها سبع سنين على ما تفرج
شروق بصت لها باستغراب وقالت ....ايوه صوح معاكي حق....انا دماغي واقفه معارفاش افكر
غنوه قالت.... اللي فهمته ان نبيل ود جوزها بس واضح كده بيعتبرها امه علشان ولا مره فكر يقلنا انها مرت ابوه
شروق قالت بحزن ....كل ده ميفرقش دلوك..انا...انا كل اللي فارقلي نوح مقدرتش اتحمل حسرته دي يا غنوه قلبي اتحرق من الحاله اللي شوفتو فيها نوح عمره ما اتهز كده شوفتيه مكانش قادر يصلب طوله ده حتى في مۏت ابوه متعبش كده مقدراش انسى نظراته واصل
غنوه اتنهدت بحزن وقالت ....معاكي حق..الجدع كان كيف الجبال ربنا يعينه على اللي هو فيه
شروق قالت بحزن.... ربنا يعينه ويقويه
وبصت للمكان لقت انهم بعدو عن السرايا كتير قالت بتوتر..... يلا بقى خلينا نرجع يا غنوه انا خاېفه الدنيا ضلمه واحنا بعدنا واصل عن
البيت لحسن نوح وسند يرجعو قبلنا هتبقى بلوه
غنوه نفخت بزهق وقالت.... متبقيش جبانه كده..بصي تعالي المقاپر قريبه خطوتين من هنه هنشوفه يمكن قاعد على قبر ابوه ..في الافلام والمسلسلات دايما لما بيختفي حد من البيت بيلاقوه هناك
شروق قالت بذهول.... افلام ومسلسلات ايه الدنيا ضلمه هناك والمكان ده مقطوع خلينا نرجع نوح لو عرف اني طلعت من البيت حتى لو عشان ادور عليه هيقتلني ويقتلك معاي يلا.
غنوه قالت بغيظ .....يا بت جبنك ده فقع مرارتي وعلى حرارتي ....يلا بقولك هما خطوتين
شروق نفخت بزهق منها ومشيت معاها وهي متوتره وخاېفه جدا ودخلوا في شارع كان كله ضلمه وفي نهايته المقاپر بس قبل ما يوصلوا كان في شباب قاعدين على مقاعد خشب بيشربوا سجاير ملفوفه و بيهزروا
و اول ما لمحوهم صفروا باعجاب وقربو وقفو حواليهم واحد منهم قال .....ايه الحريم اللي كيف القشطه دي والله اتعشت حتت تروم العضم
شروق مسكت في غنوه پخوف وغنوه حطت ايدها على خصرها تطلع سکين زي العاده بس نسيت ان بقا لها فتره طويله اتخلت عن حزام السكاكين من وقت ما بدات تتعالج عند شروق
شاب تاني قال وعنيه بتلمع برغبه.......كله هياكل بس بالدور علشان نشبع هاتوهم وتعالوا انا داري فاضي
شروق قالت بړعب....بعد عني انت وهو هوديكم ورا الشمس
غنوه حاولت تهرب شروق وقالت بقلق....ملكمش دعوه بيها دي عيلتها عمد ومش هيسيبوكم 
الشباب ضحكو وبقم يقولو بسخريه وانا كمان ابويا عمده....وانا كمان همي عمده.....وانا جوز امي عمده
و شالوهم بسرعه وهما بقوا يصرخوا بس كان المكان فاضي ومقطوع جدا ووووووووو
زواج لدقائق معدوده الجزء الثاني
السادس عشر
بقلم زهرة الربيع
شكرا حبايبي على الدعوات الجميله اللي بعتوهالي امبارح عافانا الله واياكم يا غوالي يلا تفاعل حلو علشان نكمل