اثر ذنب ماضى آلاء الواقع

مراتك بتمثل عليك دور خضرا الشريفة وهي مدوراها من وراك
وصلتني المسدچ دي وأنا في الشغل سيبت كل حاجة وطلعت برة المكتب رنيت على الرقم مردش بس في نفس اللحظة لاقيته بعت تاني على الواتساب فتحتها بسرعة
_ علشان تتأكد أدي صورها مع حبيب القلب.
_ انت مين وتعرف مراتي منين
أنا مراتي ست محترمة والصور دي فيك.
بعت إيموشن بيضحك وبعت صورتين.
دي دي بسمة فعلا.
_ مش قالتلك إنها عمرها ما عرفت راجل غيرك.
تقريبا كان قصدها عمرها ما عرفت تستغفلك غيرك
والدليل قدامك اهو.
_ انت مين يا ابن 
_ فاعل خير.
_ الصور دي فيك وأنا هبلغ مباحث الإنترنت.
_ حقك بس قبل ما تروح وتعمل غاغة وجروسة اسأل الحلوة مراتك واتأكد منها الأول.
وعملي بلوك فضلت أبص في الصورة... دي فعلا بسمة بس شكلها غريب!
مين اللي معاها ده و... وهي اللي لابساه ده!!!
بسمة مراتي منتقبة.
أنا خطبتها منتقبة وبتحفظ القرآن.
إزاي تكون اللي في الصورة دي بس!!
دخلت تاني أكمل شغلي بعد ما زميلي نادى عليا... حاولت معرفتش أركز في أي حاجة فاستأذنت ومشيت...
فضلت ألف بالعربية شوية وبعدين روحت.
دخلت البيت لاقيته مترتب ونضيف والقرآن شغال كالعادة دخلت على الأوضة غيرت هدومي ونمت على السرير شوية لاقتها جت قعدت جنبي
_ حمد الله على سلامتك.
الله يسلمك.
_ مالك يا حبيبي إنت كويس
اديتها ضهري وأنا بقول
آه اطلعي واقفلي الباب وراكي.
بسمة بقلق سليم
ها
ميلت بجسمها عليا وطبعت بوسة على جبيني وقالت بنبرة كلها حنية
_ فيك إيه يا حبيبي
دي أول مرة ترجع من برة متناديش عليا وتدخل على الأوضة على طول.
بعدتها عني براحة وقلت
_ مفيش سبيني دلوقتي عايز أنام.
بصت لي بزعل وقامت من سكات طلعت برة وقفلت الباب وراها فضلت أتقلب على السرير والصور مش مفارقة بالي ودماغي فيها مليون سؤال أسوأ من بعض.
_ لا لا...
انت بتفكر في إيه يا سليم
لا مش للدرجة دي.
لا مش معقول تشك إن أمير... لا.
اتكلمت بصوت عالي
_ استغفر الله العظيم.
قمت دخلت الحمام غسلت وشي وطلعت لاقيتها قاعدة على الكنبة حاطة إيديها على خدها
وأمير بيلعب بلعبة قدامها شلته بسته وحطيته تاني على الأرض يكمل لعب وقعدت جنبها فسألتني
_ أحطلك تتغدى
ماشي.
في كافيه بالمعادي...
_ ماشي استريحت إنت كده!!
لا مش هستريح غير لما تطلق يا نسرين.
ردت عليه بضيق واضح وقالت
_ تتطلق!!
وهتستفاد إيه لما تخرب حياتها يا ماجد
هترجعلي.
_ بسمة عمرها ما هترجعلك انت ناسي عملت إيه زمان
غلطة...
_ غلطة كانت ممكن تضيعها للأبد.
اتف وأكمل بضيق وقال
اقفلي على السيرة دي بقى.
في بيت سليم
سليم بهمس بتتعرف يعني
أيوة يا بني سهلة هو إيه الحوار
_ مفيش حد تبعي عايز يتأكد من صور فيك ولا لأ
طب ابعتها أشوفلك.
_ لا.
ليه
_ أصلها صور لبنت وكده.
عيب عليك انت عارفني كأني مشوفتش حاجة.
_ عارف يا هيثم بس هو رافض متعرفش بنت ليها في الكلام ده
مش مستاهلة يا عم هبعتلك اسم برنامج تبعته لصحبك هيبعت الصورة ويقوله إذا كانت حقيقة ولا فيك.
_ تسلم يا حبيبي دوشتك معايا.
متقولش كده إحنا في الخدمة يا باشا.
بعد مرور أسبوع
بسمة بانفعال سليم لو سمحت فاهمني في إيه
مفيش اطلعي برة عايز أتخمد.
_ مفيش نوم غير لما تفهمني في إيه! بقالك أكتر من أسبوع بتكلمني بالقطارة ولا بتاكل معايا!
دموعها نزلت بحړقة وقالت
حتى أوضة نومنا مانعني أنام فيها أنا عملت إيه لكل ده!!
عملت إيه زعلك مني الزعل الۏحش ده اللي يخليك تهجرني
يا سليم رد عليا أنا برج من دماغي هيشت
إرحمني.
سحبت التليفون من على الكمودينو وفتحته وطلعت الصور وقلتلها وأنا بحاول أتحكم في أعصابي
_ عايزة تعرفي عملتي إيه اتفرجي