اثر ذنب ماضى آلاء الواقع

في يوم مراتي وبينا عشرة ولد.
لو سمحتي متسأليش عن سبب الطلاق تاني.
وسابها ودخل الأوضة
وقال لنفسه
_ الطلاق كان هو الحل...
إنت مكنتش هتعرف تكمل بعد اللي عرفته...
عيشتك الحلوة كانت هتتحول لچحيم.
وتنهد وغمض عينه
تاني يوم...
صحيت على صوت تكسير قمت مڤزوعة لاقيت أمير بيوقع كل الحاجات اللي على التسريحة.
_ أمير!
بصلي بكل براءة الدنيا وقال
نعم
بصيت على الأرض لاقيت فيها إزاز
اتنهدت ومشيت بهدوء شلته ولاقيت في إيده روج ووشه متلخبط.
حطيته على السرير حاول ينزل منعته وقلت
_ كده وحش وماما زعلانة منك أوي.
أسف.
طبعت بوسة علي راسه وخدته من إيده بهدوء على الحمام غسلته وشه وإيده وطلع جري على ماما
زينب
_ حبيب تيتة إيه رأيك نوديه يلعب مع ابن نور بنت خالتك لحد ما الناس تمشي
لا.
دخلت الأوضة قعدت أستغفر وأطرد من دماغي كل السيناريوهات الۏحشة اللي ممكن تحصل
لحد ما المغرب أذن
رددت الأذان وقمت اتوضيت وصليت.
وبعدها لبست فستان لونه أبيض فضفاض وعليه خمار ونقاب لونهم أسود.
_ خليك هادي وبلاش شقاوة.
هز راسه بآه وطلع قعد معاهم شوية وماما نادتني طلعت قعدت جنب بابا وكان جاي لوحده شكله مهندم وهادي
بابا طلع وسابنا
_ أنا اسمي طه محمد عندي ٣١ سنة عندي محل قطع غيار للعربيات مطلق بس معنديش أولاد.
أهلا وسهلا.
_ أهلا بيكي شكلك مكسوفة... فاسمك إيه
بسمة عندي ٢٨ سنة مطلقة بس عندي ابن...
وقبل أي حاجة لازم يكون عندك خلفية إني معنديش استعداد أبعد عنه.
ابتسم ورد عليا بهدوء
_ وأنا عمري ما أحب أكون سبب في بعدك عن ابنك.
هو عنده كام سنة
سنتين ونص.
بابا دخل هو وماما ومعاهم أمير وبعد مدة بسيطة مشيوا.
كنت حاسة براحة غير كل مرة
بس ما اديتش قرار إلا بعد أسبوع
كنت بصلي كل يوم صلاة استخارة ووافقت
وبابا بلغه وبعدها بكام يوم جه هو وأهله.
ناس لطيفة
وتعاملوا مع ابني بلطف زايد
بس لسه خاېفة...
مع الوقت اتعرفنا أكتر وأمير اتعلق بيه وبقى يسألني عنه ويطلب يكلمه
وده كان بيفرحه
لأنه للأسف مش بيخلف
وده كان سبب الانفصال... هو اللي قالوا من غير ما أنا اطلب أعرف.
حاولت أوضحله من بعيد كذا مرة إني مكنتش كده زمان
بس قالي
أنا ماليش دعوة بأي حاجة حصلت زمان...
ليا في دلوقتي يا بسمة
مش عايز أعرف حاجة عنك قبل كده
أنا سألت عليكي وعلى أهلك
وجيت بنفسي دخلت البيت من بابه وبنفس راضية.
اطمنيت بعد خوف كبير وأول ما حسيت بالأمان وافقت على كتب الكتاب
وفعلا تم
واكتفيت بيه...
روحت معاه
أنا وأمير اللي أصر طة بنفسه يبقى معانا من أول ليلة
طه
_ البيت ده بقى بيتك خلاص
أوضتنا أول أوضة على إيدك اليمين
أما إنت يا أمير... تعال أنا هوريك أوضتك.
أمير بحماس فيها ألعاب
فيها تعال نشوف.
مسك إيده وراح معاه
فضلت أبص على البيت وأنا جوايا مشاعر كتير... كلها عكس بعض
_ إنتي لسه واقفة مكانك
هدخل.
قرب مني ولمس إيدي لأول مرة فجسمي انتفض
ابتسم وبعد إيده وقال
طب اقلعي النقاب... أنا خلاص بقيت جوزك.
رفعت النقاب براحة بس هو قرب فكه خلاص وخده وراح قعد على الكنبة وقال
كده أحلى بكتير أوي.
اتكسفت من مغازلته ودخلت جوا
وعرفت مع الوقت إن دي عادة فيه...
عادة لطيفة بتسيب أثر حلو في نفسي وقلبي
ومن
وحنين في تعامله خصوصا معايا
وعلاقته بأمير بقيت علاقة أب بابنه
أمير أهو بابا طه جه وهقوله...
رديت عليه وأنا بحط صينية الرز في السفرة
متوجعش دماغه هو لسه جاي من دوشة الشارع.
مال طه وطبع بوسة على جبينه وقال
هتقولي إيه
ماما ما رضيتش تخليني أنزل ألعب مع يوسف.
_ ليه يا ماما
ما بيسمعش الكلام وبقى يعلي صوته عليا كمان.
_ صح الكلام ده
رد عليه بخجل وقال
هي فاكراني لسه صغير وأنا بقيت كبير.
_ مهما
 تكبر هتفضل في عينها بيبي پتخاف عليك. 
ما يصحش أبدا تعلي صوتك على مامتك. 
اعتذر لها عقبال ما أغير هدومي
لحسن جعان والأكل ريحته حلوة أوي.
سابنا ودخل وهو قرب مني وقال
أنا بحبك متزعليش.
وأنا كمان بحبك أوي... اقعد كل.
قعد وقال
يعني زعلانة مني لسه
لا بس توعدني ما تكررش.
أوعدك... هتخليني أنزل معاه بكرة
إن شاء الله.
طه ها صافي يا لبن
ابتسمت وقلت
حليب يا قشطة.
بعد الغدا أمير نزل للجامع علشان حلقة القرآن بتاعته
وأنا عملت كوبيتين شاي
_ طه.
إيه يا حبيبتي
سرحان في إيه
بصراحة... في أمير.
يبخته.
ضحك بخفة ومسك كوباية الشاي وقال
الله أكبر عليه ويحمية كبر وبقي عندة ٩ سنين ...
تعرفي نفسي يختم القرآن في أقرب وقت. 
ساعتها لو طلب عينا والله ما هعزها عليه.
ربنا يديمك له
ده بقى بيحبك أكتر مني.
_ ما أنا أتحب برضه... ولا إنتي إيه رأيك
أكيد يا مغرور.
_ عارفة كمان ببقى فرحان لما بسمعه يأذن والناس تشكر في صوته
ببقى عايز أقولهم إنه ابني بس...
رديت عليه بسرعة
بس إيه ما هو ابنك
إنت اللي ربيته معايا
وجريت بيه بليل على المستشفى لما تعب
وإنت اللي بتقعد معاه تسمعه وتتكلم معاه
وإنت اللي جبت له كل حاجة حلوة في الدنيا وبتصرف عليه...
وهو من نفسه قالك يا بابا
لأنه حس بمشاعر الأبوة منك يا طه
وخصوصا بعد سفر أبوه وقلة مقابلتهم لبعض.
ربنا وحده يعلم أنا بحبه قد إيه.
_ هو بس
وإنتي يا حلوة...
الآه صحيح بجد قوليلي...
ابتسمت بخفة وقلت
أقولك إيه
_ إنتي كل يوم بتحلوي عن اللي قبله... إزاي
بكاش.
أنا بحبك.
وأنا دايب فيك دوب... يا حلوة.
تمت.
_آلاء الواقع.
أثر ذنب الماضي