منعطف خطړ الاخير بقلم ملك ابراهيم

من غير خېانة ومن غير صراعات تكسرهم من تاني.
........... 
عند مهاب ومنة.
منة كانت حاسة بالقلق على مهاب من يوم ما شافته آخر مرة وهو بياخد أحمد من عندها اختفى ومبقاش ليه أي أثر.
وقفت قدام باب شقته قلبها بيدق بسرعة وهي شايلة آدم في إيديها أيديها بتتهز وهي بتضغط على زر الجرس مترددة كأنها مش عارفة إللي بتعمل ده صح ولا غلط.
مهاب كان غارق في النوم وصحي على صوت الجرس المزعج.
قام بكسل فتح الباب وعينه اتسعت بدهشة أول ما شافها.
منة كانت واقفة قدامه ملامحها فيها كسوف وتوتر وقالت بخجل وهي بتعدل طرحة شعرها
صباح الخير.
ابتسم ابتسامة دافية وقال
صباح النور.
قالت بخجل
أنا جيت أطمن عليك من آخر مرة لما أخدت أحمد أخو ياسمين من عندي وانت مختفي!
رد بهدوء وصوته فيه راحة
كنت طالع مأمورية صعبة شوية بس الحمد لله عدت على خير.
بص على آدم بابتسامة وانحنى على الأرض يشيله بين إيديه وهو بيكلمه بمرح
إزيك يا بطل وحشتني أوي.
منة ابتسمت من قلبها وهي شايفاه بيتعامل مع ابن أختها بحنية عينيها اتثبتت عليه من غير ما تاخد بالها وفي نظرة إعجاب واضحة خرجت منها ڠصب عنها.
مهاب رفع عينه فجأة ولما شاف النظرة دي حس بحاجة بتلمسه من جوه.
منة اتكسفت بسرعة نزلت عينيها للأرض وقالت بتوتر
أنا لازم أمشي.
مدت إيدها تاخد آدم لكن مهاب مسك إيديها فجأة لمسته كانت دافية وبص لها وقال بهدوء
هتروحي فين
اتوترت أكتر من لمسته وقالت بخجل وهي بتسحب نفس
هروح الشغل أنا اتأخرت.
رد بثبات ونبرة فيها جدية
منة أنا عايز أكمل في جوازنا إنتي إيه رأيك
فتحت عينيها پصدمة وسحبت إيديها من إيده بسرعة
تكمل في جوازنا إزاي مش فاهمة!
قال بصوت واضح وصريح
يعني نجرب نقرب من بعض ونعرف بعض أكتر حاسس إننا ممكن نكون زوجين ناجحين في حياتنا مع بعض.
منة ردت بحزن وبصوت مهزوز
مش عارفة! خاېفة ييجي يوم وتقولي انا اتجوزتك عشان أنقذك من جوازة تانية.. في لحظة معينة شوفت الحيرة والتردد في عينيك بعد ما قولت قدام خالي إنك عايز تتجوزني!
أخد نفس عميق وقال بهدوء
طبيعي أكون محتار ومتردد أنا مكنتش جاهز ولا مستعد لفكرة الجواز مرة تانية.
هي اټصدمت وقالت
إنت كنت متجوز قبل كده
بص لها بصدق وقال
اتجوزت وطلقت بعد كام شهر مقدرناش نتفق مع بعض.
ملامحها اتبدلت لقلق
يعني ممكن بعد فترة تسيبني برضه وتقول مقدرناش نتفق مع بعض
هو رد بثقة وعينه مثبتة عليها
تجربتي في جوازتي الأول بتأكد إننا هنتفق لأني أول مرة اتجوزت بعقلي المرة دي بتجوز بقلبي.
منة اتلخبطت وقالت بحيرة
طب إحنا ممكن نعمل فترة خطوبة الأول نتعرف على بعض من قريب ولو اتأكدنا إننا نقدر نكمل نتجوز بجد.
مهاب هز راسه بابتسامة فيها رضا
موافق يعني من دلوقتي هتكوني خطيبتي
هي ابتسمت بخفة وهي بتاخد آدم من إيده
لما تجيب أهلك وتيجي تخطبني الأول وأخد وقتي وأفكر.
بص لها پصدمة
أجيب أهلي واجي اخطبك ازاي وانا قولتلهم إني اتجوزت طب أجيبهم يتعرفوا عليكي ماشي.
ردت بثقة وهي بتتحرك ناحية الاسانسير
لا.. لازم يجيوا يطلبوني للجواز عشان أتأكد انك واخد الموضوع جد ياسمين نصحتني بكده.
مهاب نطق باستغراب وصدمة
يااااااسميييين!
رواية منعطف خطړ بقلمي ملك إبراهيم. 
في سوهاج.
البيت كان هادي بس الهدوء ده كان مليان حزن.
معتصم كان قاعد جنب زينة على الكنبة إيده ماسكة إيدها بحنية وكأنه بيحاول يطمنها من غير كلام.
عمته زهيرة وأبوه قاعدين قصادهم نظراتهم على الأرض والحزن